11 June 2009

၁၉၇၄ ဇွန် ၆ အလုပ်သမားသပိတ်ကြီး (ဝင်းတင့်ထွန်း)


ဇွန်လ ၆ ရက်၊ မနက်မိုးလင်းတာနဲ့၊ စက်ရုံအလုပ်ရုံတွေ စတင်လည်ပတ်တာနဲ့တပြိုင်နက် “သပိတ် သပိတ် … မှောက် မှောက်”ဆိုတဲ့အသံတွေ တနေရာပြီးတနေရာ ရန်ကုန်တမြို့လုံးအနှံ့ ပေါ်ထွန်းလာပါတယ်။ အင်းစိန် မီးရထား စက်ခေါင်းရုံ၊ သမိုင်း ချည်မျှင်နှင့်အထည်စက်ရုံ၊ အုတ်ကျင်း ဂုန်နီစက်ရုံ၊ ဆင်မလိုက် သင်္ဘောကျင်းတို့ကနေ ရန်ကုန် မြို့ရဲ့ စက်ရုံအလုပ်ရုံတွေ ထူထပ်ရာ အင်းစိန်လမ်းမကြီးတလျှောက် အင်းစိန်၊ မရမ်းကုန်း၊ လှိုင်၊ ကမာရွတ်မြို့နယ် တွေတလျှောက်၊ စက်ရုံအလုပ်ရုံတွေရဲ့ သပိတ်ကြီးတွေ တလုံးပြီးတလုံး ပေါ်ပေါက်လာပါတယ်။

‘ဆန် လုံလောက်စွာရရှိရေး … ဒို့အရေး’
‘အလုပ်သမားကောင်စီ … ဖျက်သိမ်းပေး’ ဆိုတဲ့ ကြွေးကြော်သံတွေ ပဲ့တင်ထပ်ခဲ့ပါတယ်။ ဆန်မရှိလို့ ဆန် လုံလောက်စွာပေးဖို့ တောင်းဆိုကြသလို အလုပ်သမားတွေအကျိုးအတွက် ဘာတခုမှ ဆောင်ရွက်ပေးတာမဟုတ်ဘဲ အလုပ်သမားမင်းသားတွေက ဦးစီးပြီး အလုပ်သမားတွေအပေါ် မတော်မတရားပြုနေတဲ့ အလုပ်သမားကောင်စီတွေကို ဖျက်သိမ်းပေးဖို့ တောင်းဆိုကြ၊ ဆန္ဒပြကြပါတယ်။

မဆလ အစိုးရက အလုပ်သမားသပိတ်ကြီးကို ဖြိုခွဲဖို့ ပုဒ်မ ၁၄၄ ကို ထုတ်ပြန်ပါတယ်။ ရန်ကုန်တိုင်း ကောင်စီဥက္ကဋ္ဌ သိန်းအောင် လက်မှတ်နဲ့ရော၊ ရန်ကုန်တိုင်း စစ်ဌာနချုပ်တိုင်းမှူး ဗိုလ်မှူးကြီးခင်အုန်း လက်မှတ်နဲ့ပါ ပုဒ်မ ၁၄၄ ကို ထုတ်ပြန်ပြီး ငြိမ်ဝပ်ပိပြားရေး အရေးယူဆောင်ရွက်ချက်တွေကို ဆက်တိုက် လုပ်ကိုင်ပါတယ်။

ဝန်ကြီးချုပ် ဦးစိန်ဝင်းက ဆန်တွေ အလုံအလောက်ရှိပါတယ်လို့ ရေဒီယိုကနေ မိန့်ခွန်းခြွေပါတယ်။ အရေးကြီး စက်ရုံတွေရှေ့မှာ ရန်ကုန်တိုင်း စစ်ဌာနချုပ်တိုင်းမှူး ခင်အုန်းအမိန့်နဲ့ စစ်တပ်က နေရာယူပါတယ်။ အင်းစိန်လမ်းမကြီး ပေါ်မှာရှိတဲ့ စက်မှုတက္ကသိုလ်၊ တိမွေးကု တက္ကသိုလ်နဲ့ သမိုင်းကောလိပ် ကျောင်းဆောင်တွေကြားမှာ တည်ရှိနေတဲ့ သမိုင်း ချည်မျှင်နှင့်အထည်စက်ရုံများရှေ့မှာ စစ်ကာေးတွ၊ စစ်သားတွေ တန်းစီနေရာယူထားပြီး သပိတ်ကြီးကို ဖြိုခွဲဖို့ပြင်ပါတယ်။ သမိုင်း ချည်မျှင်နှင့်အထည်စက်ရုံက သပိတ်မှောက် အလုပ်သမားခေါင်းဆောင်များရဲ့ ဘာ့ကြောင့် သပိတ်မှောက်ရတယ်ဆိုတာကို ရှင်းလင်းဟောပြောနေသံကို နားဆင်ရင်း သပိတ်ကြီးကို ထောက်ခံအားပေး ဝန်းရံနေ ကြတဲ့ လူထုကြီးနဲ့ သပိတ်ကို ဖြိုခွဲဖို့ ချထားတဲ့ စစ်တပ်အကြား ထိပ်တိုက်ကြီးလိုဖြစ်နေချိန်မှာ အနီးရှိ လှိုင်ရဲစခန်း ထဲကနေ အဓိကရုဏ်းနှိမ်နင်းရေး လုံထိန်းတွေ ထွက်လာပြီး လူအုပ်ကြီးကို နံပါတ်တုတ်တွေနဲ့ရိုက်နှက်ပြီး လူစုခွဲပါ တယ်။ ရုန်းရင်းဆန်ခတ် ဖြစ်သွားရချိန်မှာ စစ်တပ်က ပထမ မျက်ရည်ယိုဗုံးတွေ အသုံးပြုပြီး ဆက်တိုက်မှာပဲ သေနတ်နဲ့ စတင်ပစ်ခတ်ပါတယ်။ ပထမ လမ်းမတလျှောက် ပစ်ခတ်နေရာကနေ လမ်းဘေးဝဲယာတွေကိုပါ အနှံ့ပစ်တဲ့ အတွက် ဇွန်လ ၆ ရက် နေ့လည်မှာပဲ သမိုင်း ချည်မျှင်နှင့်အထည်စက်ရုံရှေ့ သွေးမြေကျရမှုကြီး ဖြစ်ပေါ်ခဲ့ပါတယ်။ စစ်တပ်က သပိတ်မှောက်နေကြတဲ့ စက်ရုံတွေကို အကြမ်းဖက် ဖြိုခွင်းမှုတွေ ဆက်တိုက်လုပ်ကိုင်ခဲ့ပါတယ်။

အလုပ်သမားတွေ သွေးမြေကျရမှုကြီး ဇွန်လ ၆ ရက်နေ့မှာ ဖြစ်ပေါ်ခဲ့ရပြီး ၆ ရက်၊ ၇ ရက်တွေမှာပဲ ဆင်မလိုက် သင်္ဘောကျင်း၊ အုတ်ကျင်း ဂုန်နီစက်ရုံ၊ အင်းစိန် မီးရထားစက်ခေါင်းရုံတို့ကိုလည်း စစ်တပ်က ဝင်ရောက်စီးနင်း ဖြိုခွဲခဲ့တဲ့အတွက် သွေးမြေကျရမှုတွေ ပေါ်ပေါက်ခဲ့ပါတယ်။ အထူးသဖြင့် ဆင်မလိုက် သင်္ဘောကျင်းမှာ အသေ အပျောက် များခဲ့တယ်လို့သိရပါတယ်။

ဇွန် ၆ အလုပ်သမားသပိတ်ကြီးဟာ မဆလ စစ်အစိုးရရဲ့ တပါတီအာဏာရှင်စနစ်ကို အလုပ်သမားထုက ဆန့်ကျင် အန်တုလိုက်တဲ့ ပထမဆုံး ဆန္ဒပြပွဲဖြစ်သလို၊ ဆန်တောင်းတဲ့ အလုပ်သမားတွေကို ကျည်ဆံပဲ ပေးလိုက်တဲ့ စစ် အာဏာရှင်ဇာတိရုပ်ကို အစွယ်ထုတ်ပြီး ပြသလိုက်တဲ့ နှိပ်ကွပ်သတ်ဖြတ်ပွဲကြီးလည်း ဖြစ်ပါတယ်။

ဖမ်းဆီးခြင်းခံထားရတဲ့ အလုပ်သမားသပိတ်မှာ ပါဝင်ခေါင်းဆောင်ခဲ့သူတွေကို စစ်အစိုးရက ပြင်းပြင်းထန်ထန် နှိပ်ကွပ်ပြီး နှစ်ရှည်ထောင်ဒဏ်တွေ အသီးသီးချမှတ်ခဲ့ပါတယ်။

စစ်အစိုးရဟာ စစ်တပ်အားကိုး၊ စစ်မာန်တက်နေသူပီပီ သောင်းကျန်းသူနှိပ်နင်းရေးနဲ့ ဗကပ ရိုးမဗဟို ပြိုပျက်ရေး၊ ရိုးမတကျော မဒညတ လက်နက်ကိုင်တော်လှန်ရေးအင်အားစုတွေ ချုပ်ငြိမ်းရေးအတွက် တဆင့်တိုး ဆောင်ရွက် ပါတယ်။ လက်နက်ကိုင်တိုက်ပွဲတွေနဲ့ မြို့ပေါ် လူထုတိုက်ပွဲတွေ ပေါင်းစပ်မသွားမိစေရေးအတွက် စစ်အင်အားကို တိုးပြီးအသုံးပြုပါတယ်။

၁၉၇၄ ခုနှစ်၊ ဇွန်လ ၁၈ ရက်နေ့မှာ ဖြတ်လေးဖြတ် ဆိုတာကို တရားဝင်ကြွေးကြော်ပြီး ချမှတ်အကောင်အထည်ဖော် ပါတယ်။ အရင်ကလည်း ဖြတ်လေးဖြတ်ဗျူဟာကို ချမှတ်ကျင့်သုံးခဲ့ပေမယ့် ဇွန်လ ၁၈ ရက်ကစပြီး တိတိလင်းလင်း ကြွေးကြော်ကာ အကျယ်ပြန့်ဆုံး စတင်အကောင်အထည်ဖော်တဲ့သဘော ဖြစ်ပါတယ်။ ဖြတ်လေးဖြတ် ဆိုတာကတော့ (က) သောင်းကျန်းသူကို ရိက္ခာဖြတ်၊ (ခ) သောင်းကျန်းသူကို ဆက်ကြေးဖြတ်၊ (ဂ) ပြည်သူလူထုတရပ်လုံးက သောင်း ကျန်းသူကို အဆက်ဖြတ်၊ (ဃ) ပြည်သူလူထုကိုယ်တိုင်က သောင်းကျန်းသေူတွကို ခုခံချေမှုန်းသတ်ဖြတ်ဆိုတဲ့စနစ် ဖြစ်ပါတယ်။

တောင်ပေါ်ရွာတွေကို နေရာရွှေ့ပြောင်းချထားတာ၊ တချို့ရွာတွေကို ဗီယက်နမ်စစ်ပွဲမှာ အမေရိကန်စစ်တပ် လုပ်သလို စုစည်းရွာတွေအဖြစ် အတင်းအကြပ်ဖန်တီးတာ၊ ဆန်တောင် အိမ်မှာ အပိုအလျှံမထားရအောင် အတင်းအကြပ် အပ်နှံ ခိုင်းတာ၊ တောထဲသွားရင် ထမင်းထုပ်တောင် ယူဆောင်သွားလာခွင့်မပြုတာ၊ တိုက်ပွဲတွေအတွင်း လူထုပါ မပါပါအောင် ထည့်သွင်းစီမံပြီး အသုံးချ စေခိုင်းတာတွေ ရက်ရက်စက်စက်လုပ်ခဲ့ပါတယ်။ ဒါကို ပြည်သူ့စစ် နည်းဗျူဟာလို့ ကင်ပွန်းတပ်မင်္ဂလာယူပါတယ်။

ပဲခူးရိုးမအတွင်း အဲဒီလို ပြင်းပြင်းထန်ထန် စစ်ရေးအရ နှိပ်ကွပ်မှုတွေ လုပ်နေတုန်းမှာ မြို့ပေါ်တွေမှာလည်း အစိုးရ ဆန့်ကျင်ရေးလှုပ်ရှားမှုတွေ ထပ်ပြီးပေါ်မလာရအောင် ထောက်လှမ်းရေးတွေကို တိုးပြီး စီမံနေရာချထား လှုပ်ရှားစေ ခဲ့ပါတယ်။ ဦးနေဝင်းဟာ ထောက်လှမ်းရေးအဖွဲ့ကို အားထားသူပီပီ ထောက်လှမ်းရေးအဖွဲ့ကို စိတ်ကြိုက်ကိုင်တွယ် ဖွဲ့စည်းထားပါတယ်။ ဦးနေဝင်းဟာ သူ့ရဲ့ အာဏာတည်မြဲရေးအတွက် သူ့ရဲ့ နိုင်ငံရေးပြိုင်ဘက်တွေ၊ လူထုလှုပ်ရှားမှု တွေကို ဖြိုခွင်းနိုင်ဖို့အတွက်ပါ ထောက်လှမ်းရေးကို အထူးဦးစားပေး မွေးမြူကိုင်တွယ်ထားပါတယ်။ ထောက်လှမ်းရေး အဖွဲ့ကြီးကလည်း ဦးနေဝင်းစိတ်ကြိုက် ဦးနေဝင်းရဲ့ အတွင်းအပြင် နိုင်ငံရေး၇န်သူမှန်သမျှကို ရက်ရက်စက်စက် နှိပ်ကွပ် ပြခဲ့ပါတယ်။ ထောက်လှမ်းရေးအဖွဲ့ဟာ တနေ့တခြား တန်ခိုးထွားလာပါတယ်။ ထောက်လှမ်းရေးအဖွဲ့ရဲ့ အကြီးအကဲ ဖြစ်လာသူကတော့ ဗိုလ်မှူးချုပ်တင်ဦး ဖြစ်ပါတယ်။ စစ်တပ်အတွင်းမှာ တခြားတင်ဦးတွေလည်း ရှိတဲ့အတွက် ထောက်လှမ်းရေးတင်ဦးကို လန်ဘားတင်ဦး၊ မျက်မှန်တင်ဦးလို့လည်း ခေါ်ကြပါတယ်။ ၆၂ ခုနှစ်၊ စစ်တပ်အာဏာ သိမ်းစက ဗိုလ်ချုပ်ကြီးနေဝင်းရဲ့ ညာလက်ရုံး ထောက်လှမ်းရေးအကြီးအကဲ ဗိုလ်မှူးကြီးမောင်လွင် (ခေါ်) နှုတ်ခမ်းမွှေမောင်လွင် နာမည်ကြီးခဲ့သလို ဗိုလ်မှူးချုပ်တင်ဦး (ခေါ်) မျက်မှန်တင်ဦးဟာလည်း နာမည်ကျော်ခဲ့ပါတယ်။ (နှုတ်ခမ်းမွှေးမောင်လွင်ရော၊ မျက်မှန်တင်ဦးပါ ဗိုလ်ချုပ်ကြီးနေဝင်းရဲ့ အထူးရွေးချယ်မှုနဲ့ ပစိဖိတ်သမုဒ္ဒရာထဲက ဆိုက်ပန်ကျွန်းမှာ အမေရိကန် စီအိုင်အေ(CIA)က ပေးခဲ့တဲ့ ထောက်လှမ်းရေးသင်တန်းကို တက်ရောက်ခဲ့ကြဖူးသူ တွေဖြစ်ပါတယ်။) ဗိုလ်မှူးချုပ်တင်ဦး (ခေါ်) မျက်မှန်တင်ဦးဟာ နိုင်ငံရေးလှုပ်ရှားမှုတွေကို မပေါ်ပေါက်ရအောင် ထောက်လှမ်းရေးနည်းနာမျိုးစုံကို အသုံးပြုတတ်သူဖြစ်ပါတယ်။

ဒီကြားထဲကပဲ မဆလ စစ်အစိုးရ ဆန့်ကျင်ရေးလှုပ်ရှားမှုအဖြစ် ထပ်မံပေါ်ထွက်လာတာကတော့ ဦးသန့်ဈာပန အရေးအခင်း ကျောင်းသားလှုပ်ရှားမှုကြီး ဖြစ်ပါတယ်။ ၁၉၇၄ ခုနှစ်၊ ဒီဇင်္ဘာလမှ ပေါ်ထွက်လာခဲ့တာဖြစ်ပါတယ်။ ဇွန် ၆ အလုပ်သမားသပိတ်ကြီး ပေါ်ထွက်အပြီး ၆ လအတွင်းမှာ ဆက်တိုက် ပေါ်ထွက်လာခဲ့တာ ဖြစ်ပါတယ်။

၊ဝင်းတင့်ထွန်း၊
‘အမှောင်ကြားက ဗမာပြည်’
(အနီးခေတ် ဗမာပြည်နိုင်ငံရေးလှုပ်ရှားမှုသမိုင်းအကျဉ်း-၁၉၄၈-၂၀၀၀)စာအုပ်မှ ကောက်နုတ်ဖော်ပြပါသည်။

Read More...

မကျေနပ်သော ကဗျာဆရာ (သိန်းသန်းထွန်း)


ရေးချင်တိုင်းသာ
ရေးရပါမူ
မင်ပြာထည့်ထား
ကလောင်ဖျားတွင်
မီးများဟုန်းဟုန်း တောက်လိမ့်မည်…။ ။

သိန်းသန်းထွန်း
(‘မုန်တိုင်းနီ’ကဗျာစာအုပ် ၁၉၆၃ မှ)

Read More...

09 June 2009

နအဖ စစ်အစိုးရရဲ့ငပွကြီးနိုင်ငံခြားရေးဝါဒ (ရဲဘော်ဖိုးသံချောင်း)

ဒီတလော နအဖ စစ်ဗိုလ်ချုပ်တွေ ပြည်ပကို ထွက်တယ်ဆိုတိုင်း… ခွေးရူး လမ်းထွက်တဲ့အခါ တွေ့တဲ့လူတိုင်းက ခဲနဲ့ပစ်၊ တုတ်နဲ့ရိုက်တာ ခံရသလို ဝိုင်းဝန်းပြစ်တင်၊ ဆုံးမ၊ တောင်းဆိုတာ တွေနဲ့ချည်း ကြုံတွေ့နေရပါတယ်။ ဒါတွေနဲ့အတူ သူတို့ရဲ့ တာဝန်ရှိသူတွေက ရှက်ရမ်းရမ်းတာ၊ မျက်စိစုံမှိတ်ငြင်းတာ၊ သူခိုးက ‘လူ လူ’ဟစ်တာ၊ အပြန်အလှန် လက်ညှိုးထိုးတာ စတာတွေ ကိုလည်း မကြာခဏ တွေ့နေရပါတယ်။ ဒီအထဲမှာ ရုပ်အပျက်ဆုံးတခုလို့ ဆိုရမှာကတော့ ပြီးခဲ့တဲ့ အာစမ် (ASEM)ခေါ် အာရှ ဥရောပ တွေ့ဆုံဆွေးနွေးပွဲမှာ ဖြစ်ပျက်ခဲ့တာပါပဲ။ အဲဒီမှာ သူတို့ကို ချောင်ပိတ်ဝေဖန်တာ ခံနေရသလိုဖြစ်တော့ နအဖစစ်ဗိုလ် ဒုနိုင်ငံခြားရေးဝန်ကြီး မောင်မြင့်က ‘ကုလားမနိုင် ရခိုင်မဲ’ ဆိုသလို တခြားနိုင်ငံကြီးတွေကို ပြန်မပြောရဲတာနဲ့ ထိုင်းကို ကတ်ကတ်လန် ရန်တွေ့ခဲ့တာ မှတ်မိကြပါလိမ့်မယ်။

ပြီးခဲ့တဲ့ လကုန်ပိုင်းက ကမ္ဗောဒီးယားနိုင်ငံ၊ ဖနွမ်းပင်မှာ ကျင်းပခဲ့တဲ့ အစည်းအဝေးမှာ နှာခေါင်း ကျည်ပွေ့တွေ့ခဲ့တဲ့ ဒီ နအဖ ဒုနိုင်ငံခြားရေးဝန်ကြီးဟာ ထိုင်းနိုင်ငံအတွင်း တလောက ဖြစ်ပေါ်ခဲ့တဲ့ ဝန်ကြီးချုပ်ဟောင်း တာ့ခ်ဆင် ထောက်ခံသူတွေနဲ့ ဆန့်ကျင်သူတွေအကြားက ပဋိပက္ခကို ထောက်ပြပြီး သူ့ရဲ့ ရှက်ဒေါသတွေ ပေါက်ကွဲပြခဲ့ပါတယ်။ ဒုဝန်ကြီးရဲ့ စကားက… ထိုင်းနိုင်ငံသာပဲ သူတို့နိုင်ငံအတွင်းမှာ ဖြစ်ပေါ်နေတာတွေအတွက် ရင်ကြားစေ့ရေးတွေ လုပ်သင့်တယ်ဆိုတာပါပဲ။ ဦးမောင်မြင့်ဟာ သံတမန်ဂုဏ်သိက္ခာတွေ ရှေ့တန်းထားနေရတဲ့ အစည်းအဝေးမှာ စကားနိုင် လုသလို ပြောနိုင်ခဲ့ပါတယ်။ ဒီလိုဆွေးနွေးပွဲတွေမှာ ဒါမျိုးကိစ္စတွေကို အခြေအတင်ပြောနေကြတာ မဟုတ်ပါဘူး။ ဒါပေမယ့် ဗမာပြည် ပြည်သူလူထုကတော့ သူ့စကားရဲ့ အမှားများနဲ့ စောဒကတက်စရာတွေကို မပြောဘဲနေလို့မဖြစ်ပါဘူး။

နအဖ ဒုဝန်ကြီးက ထိုင်းကို ပြန်အပြစ်တင်ရာမှာ… ဗမာပြည်တွင်းက အခြေအနေဟာ ထိုင်းက ‘အင်္ကျီနီ’ – ‘အင်္ကျီဝါ’ ပဋိပက္ခလို မဆိုးဘူး၊ သွေးထွက်သံယိုမှု မရှိဘူးလို့ မာမာတင်းတင်း ပြောခဲ့ပါတယ်။ သူပြောတဲ့အဓိပ္ပါယ်က… သူတို့ကြောင့်မို့ ဗမာပြည်အတွင်းမှာ ဘယ်လောက်တောင် ‘ငြိမ်-ဝပ်-ပိ-ပြား’နေတယ်လို့ ဆိုချင်တာပဲဖြစ်ပါတယ်။ ဒါပေမယ့် ဒီစကား ဘယ်လောက်မှန်တယ် ဆိုတာကို ဒီပဲယင်းအရေးအခင်း၊ စက်တင်္ဘာ သံဃာ့အရေးအခင်း စတာတွေကို တွေ့ကြုံဖူးနေတဲ့ ဗမာပြည်သားတွေက ကောင်းကောင်းသိကြပါတယ်။

တကယ်ကျတော့ အခုတလော ကြားနေရတဲ့ ဗမာပြည်နဲ့ပတ်သက်တဲ့သတင်းတွေမှာ မငြိမ်သက်မှု တွေဟာ ထိပ်ဆုံးက ရောက်နေတာပါ။ နအဖရဲ့ စစ်ဖက်ရေးရာ လုံခြုံရေးတာဝန်ခံ ဗိုလ်ရဲမြင့် တယောက် ရဟတ်ယာဉ်ကို အိမ်လုပ်ပြီး ပြည်နယ်တကာမှာ လနဲ့ချီပြီး သွားလာနေရတာဟာ ‘ငြိမ်-ဝပ်-ပိ-ပြား’နေလို့လား။ ‘ငြိမ်း’တွေ မငြိမ်တော့လို့ပဲ မဟုတ်ပါလား။ ရန်ကုန်မှာ ကြံ့ဖွတ်တွေ ဒါးသွေး၊ လောက်လေးခွ ပြင်နေကြတာကရော ‘ငြိမ်-ဝပ်-ပိ-ပြား’နေလို့ပါလား။ အင်းစိန်ထောင်ဗူးဝတွေမှာ လူတွေစု၊ စာရွက်တွေ နေရာတကာမှာ ကြဲချနေလို့ပဲဖြစ်ပါတယ်။ ဗမာပြည်ရဲ့ အခြေအနေဟာ ‘ငါ့စကော - ငါ့စကော’လို့ ဟစ်ရာကနေ စစ်ဖြစ်သွားတယ်ဆိုတဲ့အနေအထားမျိုး အချိန်မရွေး ရောက်သွားနိုင်ပါတယ်။

တဖက်မှာလည်း အခုလို ဒေါ်အောင်ဆန်းစုကြည်ကို အမှုဆင်ဖမ်း၊ ထောင်ချဖို့လုပ်လာတော့ ပြည်သူတွေအဖို့ မိမိတို့ရဲ့ ကံကြမ္မာ ဘယ်လိုဖြစ်တော့မယ်ဆိုတာ ပိုသတိပြုမိလာပါတယ်။ နအဖရဲ့ လမ်းပြမြေပုံကြီးကို တိုးလုပ်လေ၊ ဖမ်းဆီးထောင်ချမှုတွေနဲ့ သွေးထွက်သံယိုမှုတွေ ပိုများလေ ဖြစ်တော့မယ်ဆိုတာကို ထင်ထင်ရှားရှားတွေ့လာနေရပါတယ်။ မေတ္တာပို့နေတဲ့ သံဃာတော်တွေကို သတ်ဖြတ်တဲ့၊ ဒီပဲယင်းလမ်းမမှာ လူအုပ်နဲ့ အနိုင်ကျင့်သတ်ဖြတ်တဲ့ ‘စည်းကမ်းရှိတဲ့ဒီမိုကရေစီ’ ကြီး ရောက်လာတော့မယ်ဆိုတော့ လူတိုင်း ဘာလုပ်ကြမလဲလို့ စဉ်းစားကြတော့တာပါပဲ။

ပြည်သူတွေအနေနဲ့ အကြမ်းမဖက်ရေးလမ်းက ပိတ်နေရင် ဖောက်ထွက်ကြတော့မှာ ဖြစ်ပါတယ်။ လမ်းပေါင်းစုံ ရှာကြတော့မှာပါ။ ဒါကလည်း နေရာမှာတင် တန့်နေလို့ကတော့ ကြံ့ဖွတ်တွေ ရိုက်တာနဲ့ပဲ သေကုန်ကြရမယ်ဆိုတာ ရှင်းနေလို့ဖြစ်ပါတယ်။

ဒီလိုပြည်တွင်းအခြေအနေတွေဟာ နအဖရဲ့ နိုင်ငံခြားရေးဝါဒအပေါ် တိုက်ရိုက်သက်ရောက်မှု ရှိနေပါတယ်။ တဖက်က ပြန်ပြောရရင် နိုင်ငံတကာအသိုင်းအဝိုင်းက အခုလို နအဖ အစိုးရကို သွားလေရာ ငြိနေတဲ့ ဆူးလှည်းကြီးအဖြစ် ကြည့်မြင်နေကြတာဟာလည်း ဒီ ပြည်တွင်းအခြေ အနေတွေကြောင့် ဖြစ်ပါတယ်။ ဘယ်တိုင်းပြည်မဆို ကိုယ့်နိုင်ငံရဲ့ ဓနအင်အား၊ နိုင်ငံရေးအင်အား၊ စစ်ရေးအင်အား စတာတွေအပေါ် အခြေခံပြီး နိုင်ငံခြားရေးဝါဒကို ချမှတ်ကြတာချည်းပါပဲ။ နိုင်ငံရေး အင်အားဆိုတာမှာ ပြည်တွင်းသွေးစည်းညီညွတ်မှု၊ ကိုယ့်ပြည်သူလူထုရဲ့ ထောက်ခံမှု၊ နိုင်ငံ တည်ငြိမ်မှု စတာတွေ ပါဝင်ပါတယ်။ နအဖ စစ်အစိုးရလည်း ဒီတရားတွေကို မလွန်ဆန်နိုင်ပါဘူး။ သူတို့ရဲ့ နိုင်ငံခြားရေးမူဝါဒဟာ သူတို့ရဲ့ လက်ရှိနိုင်ငံရေး၊ စီးပွားရေး၊ စစ်ရေးအင်အားတို့အပေါ်မှာ အဓိကမူတည်ပြီး ချမှတ်လုပ်ဆောင်နေတာဖြစ်ပါတယ်။ နအဖအဖို့ တခြားအချက်တွေထက် ပြည်တွင်းမတည်ငြိမ်မှု၊ အမျိုးသားသွေးစည်းညီညွတ်ရေး ပျက်ပြားမှု၊ လူထုကြီးရဲ့ ဆန့်ကျင်မှုကို တလျှောက်လုံး ရင်ဆိုင်နေရမှုဆိုတာကိုပဲ ထိပ်တိုက်ရင်ဆိုင်နေရတော့ သူတို့ရဲ့ နိုင်ငံခြားရေး ဝါဒဟာ အခုလို ‘ငပွကြီး’ နိုင်ငံခြားရေးဝါဒ ဖြစ်လာတော့တာပါပဲ။

ဒါနဲ့တဆက်ထဲမှာ သူတို့တတွေ အကြပ်အတည်းတွေ့ရလေ၊ တခြားနိုင်ငံတွေကို ကော်ဆဲလေ ဖြစ်လာနေတာကိုလည်း တွေ့နေကြရပါတယ်။ ကြာလေ အထီးကျန်ဖြစ်လိုက်လာနေတဲ့ နအဖ စစ်ဗိုလ်တွေ နောင်ဆိုရင် ပြည်ပကိုတောင် ထွက်ရဲပါဦးမလား စဉ်းစားစရာ ဖြစ်နေပါတယ်။ အခုကိုပဲ ဗိုလ်သန်းရွှေတယောက် ဘယ်ကိုမှ သိပ်မထွက်ဝံ့တဲ့အခြေအနေ ရောက်နေပါပြီ။

လက်တွေ့ကျကျ ပြောရရင် ဒီနေ့ နအဖစစ်အစိုးရရဲ့ နိုင်ငံခြားရေးဝါဒအကြပ်အတည်းဟာ ရှစ်လေးလုံးကာလနောက်ပိုင်းမှာ အဆိုးရွားဆုံးအကြပ်အတည်းဖြစ်တယ်လို့ ဆိုနိုင်ပါတယ်။ ဒီ အကြပ်အတည်းမျိုးကို ဗိုလ်နေဝင်းလည်း မကြံဖဲ့ဖူးပါဘူး။ စစ်အေးကာလတုန်းက အရှေ့နဲ့ အနောက်အကြားပဋိပက္ခကို အသုံးချပြီး ဗိုလ်နေဝင်း အနေချောင်ခဲ့သလို နအဖစစ်အုပ်စုကလည်း တရုတ်နဲ့အမေရိကန်အကြား ခလောက်ဆန်ကစားပြီး ပြည်တွင်းမှာ သူတို့လုပ်ချင်ရာ လုပ်မယ်လို့ စဉ်းစားခဲ့ကြပါတယ်။ ဒါပေမယ့် ခေတ်က မတူတော့ပါဘူး။ တရုတ်နဲ့အမေရိကန်ဟာ ရုရှားနဲ့ အမေရိကန်တုန်းကလို သူဖြူရင် ငါမဲမှလို့ လုပ်နေကြတာမဟုတ်ပါဘူး။ ကမ္ဘာ့အခင်းအကျင်း အပြောင်းအလဲကို သူတို့က ကောင်းကောင်းသတိထားမိပါတယ်။ ဒါကြောင့်မို့ တချို့ကိစ္စတွေမှာ သူတို့ချင်း အပြန်အလှန်ပြောဆိုတိုက်ခိုက်တာတွေရှိသလို၊ တချို့ကိစ္စတွေမှာ ကျတော့လည်း သူတို့ချင်း အမြင်တူ၊ တသံထဲလို ထွက်တတ်ကြပါတယ်။ အခု ဗမာပြည်ကိစ္စမှာ သူတို့ နှစ်နိုင်ငံအကြား တူညီတဲ့လေသံတွေ တွေ့လာနေရပြီမဟုတ်ပါလား။

အခုအခါမှာ စီးပွားရေးအကြပ်အတည်းကြီးကို ရင်ဆိုင်နေရတဲ့အတွက် နိုင်ငံတိုင်းဟာ ဗမာပြည် ပြဿနာကို နိုင်ငံတကာ စားပွဲဝိုင်းတွေပေါ်ကနေ ဖယ်ရှားပစ်ချင်နေကြတယ်ဆိုတာ နအဖ ဗိုလ်ချုပ်တွေ သတိထားမိရဲ့လားမသိဘူး။ ဗမာပြည်ပြဿနာ တက်လာတိုင်း သခွတ်ပင်က မီးတကျည်ကျည်လို့ပဲ ယူဆကြတော့မှာပါ။ ဒါပေမယ့် တာဝန်သိတဲ့ နိုင်ငံ့ခေါင်းဆောင်တိုတာ မီးတကျည်ကျည်မို့ ပေယျာလကံပြုထားလိုက်တော့မယ်လို့ ဆုံးဖြတ်မှာမဟုတ်ပါဘူး။ မြန်မြန် ဆန်ဆန် ပြီးပြတ်သွားအောင် တခုခုဆုံးဖြတ်ရမှာဖြစ်ပါတယ်။

ဒီလို ဘေးကြပ်နံကြပ် ကြုံတွေ့နေရတဲ့အခါမှာ နအဖ ဒုနိုင်ငံခြားရေးဝန်ကြီးက အခုလို ဝါးလုံးရှည်နဲ့ သိမ်းရမ်းလို့ကော သူတို့အဖို့ အန္တရာယ်တွေက လွတ်ကရောတဲ့လား။ နောင်မှာလည်း နိုင်ငံတကာ အစည်းအဝေးတွေ ပေါ်လာတိုင်း နအဖ ခေါင်းဆောင်တွေအဖို့ ဒီလိုချောင်ပိတ်ခံရတဲ့အဖြစ်မျိုးတွေ ကြုံနေရဦးမှာပဲဖြစ်ပါတယ်။ သူတို့အဖို့တော့ စောစောတုန်းက သူများတွေက ‘မောင်မောင်’လို့ ခေါ်နေတုန်း ‘ဗျာ’မထူးခဲ့တာ အမှားကြီး မှားသွားတာပါပဲ။ ။

-ရဲဘော်ဖိုးသံချောင်း-

Read More...

08 June 2009

သစ္စာမုယော (မောင်လှဝင်း-မြင်းခြံ)

အခွန်မဆက်၊ စွပ်စွဲချက်နဲ့
ကျေးလက်ဇနပုဒ်မှ
လယ်သူမအား
နန်းရင်ပြင်ထက် ဆွဲခေါ်လာ…။

ရှင်ဘုရင်။ ။ အခွန်မဆက်၊ ‘သစ္စာပျက်’
ပြည့်ဝန်မရွက်၊ အာဏာဖျက်
ဘယ်တွက်ဖီဆန်
တော်လှန်အစိုးရ လယ်သူမ…။

လယ်သူမ။ ။ တို့ပြည်တခွင်၊ လယ်တောခွင်မှာ
မေတ္တာဖောက်ဖျက်၊ သစ္စာပျက်
မြေယာကွဲအက်၊ မုယောမထွက်
‘သစ္စာ’တည်ရာ၊ ‘မုယော’ပါပဲ
တရားစွဲချင်စွဲ
ဓါးဝဲချင်ဝဲ
မုယောဆင်းရဲ၊ ငါဆင်းရဲ
မိုးကားမသဲ၊ အာဏာသဲ
ခေတ်ကြီးမှောင်နေဆဲ…။ ။

-မောင်လှဝင်း(မြင်းခြံ)-
၁၉၉၉

Read More...

01 June 2009

ဗိုလ်ချုပ်တစုနဲ့ ဒီအမှု (ဗသြ)

နအဖဟာ လွန်ခဲ့တဲ့ ၆ နှစ်တုန်းက ဒီပဲယင်း လူသတ်ပွဲကြီးကို လုပ်ကြံခဲ့ရာမှာ ဘာမှ အမှုမဖွင့်၊ ဘယ်သူ့ကိုမှ
မစစ်ဆေး အရေးမယူတဲ့အပြင် မသေကောင်း မပျောက်ကောင်း ရှင်ကျန်ခဲ့တဲ့ ဒေါ်အောင်ဆန်းစုကြည်နဲ့
ဦးတင်ဦးတို့ကို ချုပ် နှောင်ခဲ့ပါတယ်။
တရားလိုကို တရားခံလုပ်ပစ်တဲ့ ဖြစ်ရပ်ပါ။ အခုလည်းပဲ အိမ် ဖောက်ထွင်းတဲ့ကိစ္စမှာ လုံခြုံရေးတာဝန်ရှိသူတွေကိုတော့ ဘာမှအရေးမယူဘဲ ဖောက်ထွင်းခံရတဲ့အိမ်ရှင်ကို အရေးယူအပြစ်ပေးဖို့ စီစဉ်နေတာဟာ ဒီနေ့ခေတ် ဗမာပြည်နိုင်င့ရေးရဲ့ အင်မတန် အရုပ်ဆိုး အကျည်းတန်တဲ့ ဖြစ်ရပ်တခုလို့ဆိုရင် မမှားပါဘူး။


ဒီအမှုအပေါ် လူအားလုံးက သံသယဖြစ်ရတဲ့ အကြောင်းရင်းပေါင်းများစွာထဲမှာ အချက်တချက်ကတော့ အမှုကို ထူးထူးခြားခြား တက်သုတ်ရိုက် စစ်ဆေးနေတာပဲ ဖြစ်ပါတယ်။ ဒါပေမယ့် အမှုကို ဒီလိုစိတ်ဝင်တစား စောင့်ကြည့်နေတုန်းမှာပဲ အားလုံးကို အံ့သြသွားစေတဲ့ကိစ္စရပ်တရပ် ပေါ်လာခဲ့ပါတယ်။ အဲဒါကတော့ နှစ်ဖက်သက်သေတွေကို စစ်ပြီးတယ်ဆိုတာနဲ့ နအဖရဲ့ အစီအစဉ်တခုလုံး တန့်သွားတာပါပဲ။ စီရင်ချက်ချမယ့်ရက်ကို နောက်ရွှေ့လိုက်တာဟာ သာမန်ကိစ္စ မဟုတ်မှန်း လူတိုင်း သတိထားမိပါတယ်။ နအဖရဲ့တရားရုံးဟာ အကြောင်းပြချက် မခိုင်လုံဘဲနဲ့ ဒေါ်အောင်ဆန်းစုကြည်ဘက်က တင်ပြတဲ့ သက်သေတွေထဲက တယောက်ထဲကိုသာ အစစ်ခံခွင့်ပေးတယ်ဆိုတာလည်း အားလုံးအသိပါ။ ဒါတောင် မှပဲ နအဖရဲ့တရားရုံးဟာ အမေရိကန်နိုင်ငံသား ဂျွန်ယက်တောအပါ နှစ်ဖက် သက်သေများရဲ့ ထွက်ချက်ဟာ သူတို့ကို ကြိုတင်ချမှတ်ခိုင်းထားတဲ့ အပြစ်ဒဏ်နဲ့ ပဋိပက္ခဖြစ်နေလို့ နောက်တလှမ်းဆုတ်သွားခဲ့ပါတယ်။ သူတို့ချင်း ပြန်ပြီး လက်ဝါး ရိုက်ကြဦးမယ့်သဘောပါပဲ။ နောက်တနည်း ပြန်စဉ်းစားကြည့်လိုက်တော့ လက်ရှိ ထွက်ချက်တွေနဲ့ဆိုရင် သူ့တပ်ထဲကလူတွေ၊ သူတို့ထိပ်ပိုင်းက လူတွေတောင် လက်ခံမှာမဟုတ်ဘူးလို့ သဘောပေါက်လာကြလို့လား၊ ဒါမှမဟုတ် လက်တွေ့ကိုပဲ တပ်ထဲနဲ့ခေါင်းဆောင်အပိုင်းထဲမှာ ဆန့်ကျင်ပြောဆိုမှုတွေ ရှိနေလို့လားဆိုတာ စဉ်းစားစရာ ဖြစ်လာပါတယ်။

အခုတော့ ဒီအမှုတခုလုံးကိုက ပြန်စဉ်းစားစရာ ဖြစ်နေပါတယ်။ တိုက်ဆိုင်တာပဲ ဆိုဆို၊ နှိုင်းယှဉ်တာပဲပြောပြော ဒေါ်အောင်ဆန်းစုကြည်အပေါ် ဒီတခါ အမှုဆင်ပုံ ဟာ သူ့ဖခင် ဗိုလ်ချုပ်အောင်ဆန်းကို လုပ်ကြံတုန်းက အင်္ဂလိပ်အစိုးရက လုပ်ပုံ တွေနဲ့ တူနေတဲ့အချက်တွေဟာ စဉ်းစားစရာတွေရှိနေပါတယ်။

ဒေါက်တာတင်မျိုးဝင်းကို တရားရုံးအရိပ်နားတောင် မသီနိုင်အောင် နအဖ က ဘယ်လိုပဲ ဖိနှိပ်ထား၊ ခြိမ်းခြောက်ထားပေမယ့် ဂျွန်ယက်တောကို နအဖ က တမင် သွင်းလွှတ်လိုက်တယ်ဆိုတဲ့အချက်ဟာ ထင်ရှားသထက် ထင်ရှားလာပါတယ်။ ဒီအမေရိကန်လူမျိုး ဂျွန်ယက်တောကို ဒုတိယအကြိမ် ဝင်ခွင့်ပြုလိုက်တာဟာ ၁၉၄၇ ခုနှစ်တုန်းက ဗြိတိသျှ ကိုလိုနီအစိုးရက ဂဠုန်ဦးစောကို ဘရင်းဂန်း အလက် ၂၀၀ နဲ့ တခြားလက်နက်ကျည်ဆံတွေ ထုတ်ပေးလိုက်တာကို သတိရစေပါတယ်။ အဲဒီတုန်းက ဦးစောလိုလူရဲ့လက်ထဲကို ဒီလို လက်နက်တွေ အမြောက်အများ ရောက်သွားရင် ဘာဖြစ်မယ်ဆိုတာ နိုင်ငံရေးပါး နည်းနည်းလေး ဝသူတောင် သိပါတယ်။ အဲဒီခေတ် အဲဒီအခါက အနေအထားနဲ့ဆိုရင် ပြည်တွင်းစစ်တောင် ထဖြစ်နိုင်တဲ့ လက်နက်အမျိုးအစားနဲ့ အရေအတွက်ပါ။ ဒါကို ကိုလိုနီပါး အင်မတန် ဝတဲ့ အင်္ဂလိပ်အစိုးရက အသိဆုံးဖြစ်ပါတယ်။ (ဆရာစံတို့ဟာ ဓါး၊ လှံ၊ အလွန်ဆုံး တူမီးလောက်နဲ့ ပုန်ကန်ခြားနားခဲ့ကြတာပါ။) အခုလည်းပဲ အင်္ဂလိပ်တွေလုပ်ခဲ့သလို ဂျွန်ယက်တောနဲ့ ဘိန်းပစ်ဖမ်းတယ်ဆိုတာ ပိုပိုထင်ရှားလာနေပါတယ်။ နအဖ က ဒီအမှုကို စဖော်တုန်းကတော့ ဂျွန်ယက်တောဟာ ရေကူးလာတယ်ဆိုပြီး ရေသန့်ဗူး ခွံတွေ၊ ဘဲခြေထောက်တွေကို ဓါတ်ပုံရိုက်ပြပြီး ကမ္ဘာကို ဝါဒဖြန့်ခဲ့ပါတယ်။ အခု တော့ ဂျွန်ယက်တောဟာ နအဖရဲ့ အစောင့်တွေနဲ့တောင် စကားစမြည်ပြောပြီး သဲဖြူခင်း ရာဇမတ်ကာလို့ မပြောရုံတမယ် လမ်းပေါ်က မားမားလျှောက်လာတာ ဖြစ်နေပါတယ်။

အင်္ဂလိပ်တွေဟာ ဘယ်လောက်တောင် နိုင်ငံရေးပါးဝလိုက်သလဲဆိုတော့ ဗိုလ်ချုပ် အောင်ဆန်းကို လုပ်ကြံပြီးတဲ့နောက် ဗမာပြည်တွင်းမှာ သူတို့ဆက်လုပ်ပုံကို ကြည့်ရင် ထင်ရှားပါတယ်။ အဲဒီတုန်းက ကွန်မြူနစ်ပါတီက အာဇာနည်တွေကို သတ်တာဟာ ဗြိတိသျှအစိုးရဖြစ်တယ်လို့ ကြေညာထားပါတယ်။ ပြည်သူလူထု ထဲမှာလည်း တအုံနွေးနွေးနဲ့ ပေါက်ကွဲလုလု ဖြစ်နေပါတယ်။ ဝမ်းနည်းမှုကနေ ဒေါသပေါက်ကွဲတော့မယ့်အခြေအနေဖြစ်ပါတယ်။ ဒီတော့ ဘုရင်ခံဟာ သခင်နုကို ခေါ်ပြီး ဝန်ကြီးချုပ် ခန့်အပ်လိုက်ပါတယ်။ ဒီလိုနဲ့ သူဟာ အဲဒီအကြပ်အတည်း ကြီးကို ကျော်လွှားသွားနိုင်ပါတယ်။ အခု ဒီ နအဖ အစိုးရဟာ ဗြိတိသျှတွေလို ပါးနပ်လိမ္မာမလားဆိုတာ စဉ်းစားစရာဖြစ်လာပါတယ်။ ဒေါ်အောင်ဆန်းစုကြည်ကို မတရားပြစ်ဒဏ် ချမှတ်တာရဲ့ အကျိုးဆက်တွေကို သူတို့ မစဉ်းစား မပြင်ဆင်လို့ မဖြစ်ပါဘူး။

ဒီအခြေအနေတွေကနေ ဆက်ပြီးဖြစ်လာတာကတော့ ဗမာ့နိုင်ငံရေးမှာ တွေ့ဆုံ ဆွေးနွေးရေးတံခါးကို နအဖ က အပြီးအပိုင် ပိတ်ပစ်လိုက်ပြီဆိုတဲ့ကိစ္စပါပဲ။

အာဏာနိုင်ငံရေးသာသိတဲ့ နအဖ ဗိုလ်ချုပ်တွေဟာ တွေ့ဆုံဆွေးနွေးပွဲ တံခါးကို တင်းတင်းပိတ်ထားရင် သူတို့အတွက် လုံခြုံမယ်လို့ ယူဆနေကြပါတယ်။ တနည်း - အာဏာမြဲမယ်လို့ ယူဆနေကြတယ်။ နားပိတ်ထား၊ မျက်စိပိတ်ထားလို့ မကြားရ၊ မမြင်ရရင် ဘာမှမဖြစ်ဘူးလို့ စဉ်းစားတာမျိုး စဉ်းစားနေကြပါတယ်။ တကယ်က ဗမာပြည်ရဲ့ ပြဿနာတွေကို ဖြေရှင်းဖို့အတွက် နှစ်ဖက် တွေ့ဆုံဆွေးနွေးပါလို့ ပြော နေတာဟာ ပြည်တွင်းရေးကို စွက်ဖက်ချင်တဲ့ တခြားနိုင်ငံတွေက ပြောနေတာ မဟုတ်ပါဘူး။ အမျိုးသားဒီမိုကရေစီအဖွဲ့ချုပ်ရဲ့ ခေါင်းထဲက အလိုလိုထွက်လာတာ လည်း မဟုတ်ပါဘူး။ ဒါဟာ ဗမာပြည် ပြည်သူတွေရဲ့ လိုလားချက် ဖြစ်ပါတယ်။ အဲဒီလိုလားချက်ကို သူတို့က ထင်ဟပ်ကြတာပါ။

ဗိုလ်သန်းရွှေလိုပဲ အာဏာဂုဏ်နဲ့ မောက်မာလှတဲ့ ဗိုလ်နေဝင်းဟာ ၁၉၆၃ ခုနှစ်မှာ တွေ့ဆုံဆွေးနွေးရေး မျက်လှည့်ပြပြီးတဲ့နောက် ဘယ်သူနဲ့မှ စကားမပြောတော့ဘူး။ အပြတ်ပဲ ချတော့မယ်ဆိုပြီး လုပ်ခဲ့တာပါ။ ဒါပေမယ့် ၁၉၆၀-၇၀ ကနေ ၁၉၇၆ ခုနှစ်အထိ လူထုဆန္ဒပြပွဲတွေ အမျိုးမျိုးဆက်ဖြစ်လာတော့ ဗိုလ်နေဝင်း ပိုင်လှပါ တယ်ဆိုတဲ့ တပ်ထဲမှာ သူ့ကိုမကျေနပ်တာတွေ ပေါ်လာတယ်။ ဗိုလ်ကြီး အုန်း ကျော်မြင့်တို့ကိစ္စလို သူ့ကိုသတ်မယ့်ကိစ္စတောင် ပေါ်လာတာပဲမဟုတ်လား။ နောက်တော့ ၁၉၈၀ ခုနှစ်မှာ ဗကပ၊ ကေအိုင်အေတို့နဲ့ ဆွေးနွေးတာတွေ လုပ်ခဲ့ ရပါတယ်။ အဲဒီကနေ ဆက်ပြီး ရှစ်လေးလုံးလှုပ်ရှားမှုကြီး ပေါက်ကွဲထွက်လာတာ၊ ဗိုလ်နေဝင်း မျက်ရည်ကျရတာ၊ နန်းပေါ်က ဆင်းပေးရတာ၊ မဆလ ပါတီကို ဖျက်သိမ်းပေးရတာ၊ ၁၉၉၀ ခုနှစ် ရွေးကောက်ပွဲကို လုပ်ပေးရတာ စတာတွေဟာ တံခါးဖွင့်ပေးရရုံ ကလို့လား။

အခုလည်း တွေ့ဆုံဆွေးနွေးပွဲကို တံခါး ဘယ်နှစ်ထပ်ပဲ ပိတ်ထား ပိတ်ထား၊ လူထုက ဖွင့်ရင် မုချ ပွင့်လာမှာပါ။ တွန်းဖွင့်လို့မရရင် ဆောင့်ဖွင့်တန် ဖွင့်ရပါမယ်။ ဆောင့်ဖွင့်လို့မရရင် ဖောက်ခွဲဖွင့်ရပါမယ်။ လူထုဟာ အခြေအနေတွေကို အကဲခတ် စောင့်ကြည့်နေတာဖြစ်ပါတယ်။

တနေ့ကပဲ လူတယောက်က ဦးဝင်းတင်ကို… နအဖ က အလျှော့ပေးမှာ မဟုတ် တော့ဘူး၊ အံတုမနေနဲ့တော့၊ ရင်မဆိုင်နဲ့တော့၊ ရွေးကောက်ပွဲသာ ဝင်ပေတော့ ဆိုတဲ့အဓိပ္ပါယ်မျိုးပြောတာ ကြားလိုက်ရပါတယ်။ ဒါဟာ နအဖ က တံခါးကြီးကို ဖွင့်မပေးဘဲ တင်းခံထားတဲ့အတွက် သူဖွင့်ပေးထားတဲ့ ခွေးတိုးပေါက်က ဝင်ရမယ် လို့ ပြောနေတာဖြစ်ပါတယ်။ ခြင်္သေ့ဟာ မြက်မစားဘူးဆိုတာ အဲဒီလူ မသိလို့ပါ။

တချို့လူတွေဟာ အမျိုးသားဒီမိုကရေစီအဖွဲ့ချုပ်က ခေါင်းဆောင်တွေရဲ့ ခေါင်းထဲမှာ ဘာရှိသလဲ၊ ဘာတွေပြင်ဆင်ထားသလဲဆိုတာ သိရအောင် တမင်ပဲ ဆွနေသလား ဆိုတာ စဉ်းစားစရာဖြစ်ပါတယ်။ ဒါမျိုးတွေကို “စကားဝိုင်း”တွေမှာ မကြာခဏ မြင်တွေ့ရပါတယ်။ တကယ်ကျတော့ အဲဒီလို ဆွတဲ့လူတွေဟာ နအဖ အလိုကျ လုပ်တာ မဟုတ်ဘူးဆိုရင် နိုင်ငံရေးအပါးမဝသေးတာကို ဖော်ပြနေတာပဲ ဖြစ်ပါ တယ်။ ဒါဟာ စစ်အုပ်စုရဲ့ ဖက်ဆစ်လုပ်ဟန်ကြောင့် ဗမာပြည်နိုင်ငံရေး၊ နောက်ပြီး စာပေအနုပညာလောကမှာ ခေတ်စားလာနေတဲ့ လုပ်ဟန်တခု ဖြစ်ပါတယ်။ အဲဒါ က သခင်အားကိုးနဲ့ သဘောထားမတူသူတွေကို ဆွတာ၊ ရန်တိုက်တာတွေ လုပ် တာပဲဖြစ်တယ်။ သတ္တိကောင်းလှသူတွေလို့ ဆိုနိုင်သပေါ့။

ဒါပေမယ့် ပြန်စဉ်းစားသင့်တာကတော့ ရှစ်လေးလုံးအရေးတော်ပုံကြီး ပေါ်ပေါက် လာတဲ့အခါကျတော့ သန်းဂဏန်း စာရင်းပြထားတဲ့ မဆလ ပါတီဝင်တွေ ဘာဖြစ် သွားတယ်ဆိုတာပါပဲ။ ။
၊ဗသြ၊

Read More...

28 May 2009

သံတိုင်ကြားက လရောင်ဆီ (ဝင်းတင့်ထွန်း)

ထောင်နန်းစံရအောင်
ထောင်ဖမ်းကာ အမှုအလီလီဆင်လို့
အာဏာရှင် ထင်ရာစိုင်းပုံက
ရာဇဝင် စာတင်အောင် ရိုင်းပြီမို့
အတိုင်းတိုင်း အနယ်နယ်မှာ
ကိုင်း… ကြားလို့မှ မဖွယ်မရာ…။


‘အောင်ဆန်းစုကြည်’ဆိုတာ
အောင်လမ်းရှုချီရာ လတစင်းပေမို့
လမင်းကို တိမ်အိုဖုံးသော်လည်း
တိမ်ဖုံးပေမယ့် လသာမြဲ…။

‘နအဖ’ဆိုတာ ကလိမ်ယုတ်တွေမို့
တိမ်ပုပ်ကနေ မှောင်မဲရင်းသာပေါ့
အိမ်ချုပ်ကနေ ထောင်ထဲသွင်းပါလို့
လမင်းကို ထောင်ဒဏ်ချပေမယ့်
သံတိုင်ကြားက လရောင်ဟာ
အုတ်ရိုးကြားက လရောင်ဟာ
တဖြာဖြာနဲ့ ဝင်းပရင်း
ကမ္ဘာကပါ မြင်ရရင်း…။

ကြယ်နီတို့…
ကြယ်ဝါတို့
ကြယ်ဖြူတို့
ကြယ်စင်တို့ရေ…
အမှောင်တွေကို တကယ်မုန်းရင်ဖြင့်
စုရုံးကာ ပိုင်ရာအလင်းတွေနဲ့
လမင်းအနား အတူယှဉ်လို့
ဒီကောင်းကင် ကြည်စင်သစ်ရအောင်
တိမ်ညစ် တိမ်မှောင် တိမ်လွှာပုပ်တို့ကို
တောထုတ်ဖြိုခွင်း
(ကိုင်း…) ပြကြအလင်း…။ ။

-ဝင်းတင့်ထွန်း-
၂၇၊ ၅၊ ၂၀၀၉
(မတရားသဖြင့် အမှုဆင် ရုံးတင် တရားစွဲဆိုခြင်းခံနေရတဲ့ လူထုခေါင်းဆောင် ဒေါ်အောင်ဆန်းစုကြည်သို့)

Read More...

25 May 2009

မုန်တိုင်းနီ

ကဗျာသမိုင်း
ခေတ်အရိုင်းတွင်
မုန်တိုင်းဘာ့ကြောင့် တိုက်သနည်း…။


အတုအယောင်
အမှောင်ကွက်ကြား
ခေတ်လှေကားတွင်
တရားသစ္စာ
ပျက်ယွင်းလာကြောင့်
မဟာတော်လှန်
ဘဝမှန်တွက်
ပြင်းထန်မုန်တိုင်း တိုက်ရတကား….။ ။

မြန်မာနိုင်ငံ ပြည်သူ့ကဗျာဆရာအသင်းချုပ်
မတ်လ၊ ၁၉၆၃
(‘မုန်တိုင်းနီ’ကဗျာစာအုပ်မှ)

Read More...

19 May 2009

အနီပွင့် (မောင်လှဝင်း - မြင်းခြံ)

ငါ့ကဗျာ
ဘယ်ကလာ
ဘယ်မှာပွင့်မှာလဲ…။

သေနတ်စွဲဆုပ်
တုတ်ခိုင်စေးထန်း
ကြမ်းတမ်းတဲ့လက်
အဲဒီလက်ဟာ
နုညက်ကြွရွ
ဖူးမြသန္ဓေတည်
မူယာခြယ်ရောင်သွေး
ဆေးရောင်ကြွယ်ဝ
အလှခံစား
ပန်းများပွင့်စေနိုင်ပါ့မလား…။



ကိစ္စမရှိ
ထိတွေ့ဘဝ
မခံစားရတာ
တောင်ပေါ်မှာ ပြည်သူများ
ဝန်းကျင်မှာ ရဲဘော်များ
ရှေ့ကိုသွားတော့ သေနတ်သံ
ရန်သူနဲ့စစ်ခင်း
အရင်းအနှီးများစွာ
ငါ့မှာရှိတယ်…။

ဧရာကိုလွမ်း
ဗေဒါလမ်းဖြာ၊ တမာပိတောက်
မရောက်တာကြာ၊ ပြည်ရွာကို လွမ်းဆဲ
ငါတမ်းတဆဲ ပြည်သူ
လူမှုဘဝနိမ့်ကျ အဖိနှိပ်ခံ
ဝေးလံသောအရပ်မှ
မျှော်နေ ခေါ်နေတဲ့အသံများ
သမိုင်းရှည်လျားဖြစ်စဉ်မှ
အာဇာနည်ဝိဉာဉ်များနဲ့
တော်လှန်သူတို့ရဲ့
နောက်ဆုံးဆန္ဒ
နောက်ဆုံးတေးသံစဉ်များ
နီလွင်တဲ့ ကြွေးကြော်သံများ
နားထဲ ကြားဆဲ
ရင်ထဲစွဲမြဲလျက်ပါ
အရင်းအနှီးများစွာ ငါ့မှာရှိတယ်...။

ညတညမှာ
ငါမွေးလာတော့
ရှည်ကြာလွန်းလှ၊ အဲဒီညမှာ
ဆုံးစမမြင် ကျင်လည်ခဲ့ရ…။

အဲဒီလောက်ဟာ
မဲမှောင်လှ၊ ခါးသီးလှတယ်
ဆူးရှကြမ်းတမ်း၊ ဆင်းရဲလမ်းမှာ
ဝမ်းနည်းခြင်း၊ ကြေကွဲခြင်း
ရွံရှာခြင်း
စက်ဆုတ်ခြင်း
နာကျည်းခြင်းတွေ
စီးဆင်းပွတ်တိုက် ဒီခေတ်ကျပ်ထဲ
အနေလည်းကြာ
ဘဝလည်း နာခဲ့
ငါ့ရဲ့ပင်ကိုယ်အရင်းအနှီး
သွေးချင်းချင်းနီခဲ့တာ
ဒဏ်ရာမကျက်သေးပါဘူး…။

ဒီအရင်းအနှီး၊ သွေးစည်းကြောင်းထဲမှာ
ကဗျာများစွာ၊ ဖူးပွင့်လာမယ်
ယုံကြည်တယ်…။

ဆင်းရဲသားရဲ့
မာကျောနေတဲ့ မျက်နှာပြင်
ဒဏ်ရာထင် အမာရွတ်တွေနဲ့
ပြည့်နှက်နေတဲ့ နှလုံးသား
အဲဒီနှလုံးသားထဲမှ
အားယူကွဲထွက်၊ ပက်ကြားအက်လို့
အက်ကြောင်းထဲမှ၊ တစစနဲ့
ရုန်းကြွတိုက်ခိုက်၊ မိုးတပြိုက်မှာ
ပန်းပွင့်လာမည်
အပွင့်နီများ…။ ။

-မောင်လှဝင်း(မြင်းခြံ)-
၃၀၊ ၁၀၊ ၁၉၇၉
‘အောက်တိုဘာနှင်းပွင့်’ကဗျာစာအုပ်
ဗဟိုဆေးကျောင်း

Read More...

12 May 2009

ဆရာဒဂုန်တာရာ (သို့မဟုတ်) ရွှေအိုရောင် ကောင်းကင်သစ်ပေါ်က တောက်ပတဲ့ ပန်းနုကြယ် (ဝင်းတင့်ထွန်း)

(၁)
တမျိုးသားလုံးရဲ့ အမျိုးသားယဉ်ကျေးမှုလမ်းကြောင်းပေါ်မှာ စာပေအနုပညာဟာ အင်မတန်အရေးပါလှတဲ့ အခန်းတနေရာက ရှိပါတယ်။ နိုင်ငံတနိုင်ငံ၊ လူမျိုးတမျိုးရဲ့ ယဉ်ကျေးမှုအဆင့်အတန်းကို အဲဒီနိုင်ငံ၊ အဲဒီလူမျိုးရဲ့ စာပေအနုပညာအဆင့်အတန်းကနေ လေ့လာအကဲခတ်ကြည့်ရှုနိုင်ပါတယ်။ အဲဒီလို အရေးပါလှတဲ့ စာပေအနုပညာတွေကို ဖန်တီးကြသူတွေဟာ စာပေအနုပညာရှင်ကြီးတွေပါ။ ခေတ်တိုင်းခေတ်တိုင်းမှာ စာပေအနု ပညာရှင်ကြီးတွေ ပေါ်ပေါက်ခဲ့ကြပေမယ့် အင်မတန်မှ ထူးချွန်ပြောင်မြောက်တဲ့ စာပေအနု ပညာရှင်ကြီးတွေကတော့ တော်တော်ကို ရှားပါးလှတယ်။ အထူးသဖြင့် စာပေအနုပညာ လမ်းမကြီးပေါ်မှာ ကိုယ်ပိုင်ဟန်၊ ကိုယ်ပိုင်မူနဲ့ ကိုယ်ပိုင်လမ်းကြောင်းသစ် ဖောက်လုပ် ခင်းကျင်းပြီး ဂုဏ်ပြောင်ပြောင် ဖြတ်ကျော်ချီတက် လျှောက်လှမ်းနိုင်ခဲ့ကြတဲ့ စာပေအနုပညာ ရှင်ကြီးတွေမျိုးကတော့ ပိုလို့တောင် ရှားပါးလှပါတယ်။ အဲဒီလို ရှားရှားပါးပါး တွေ့ရမြင်ရ နိုင်တဲ့ ကြုံတောင့်ကြုံခဲ စာပေအနုပညာရှင်ကြီးမျိုးတွေမှာ …
သူ့လိုင်းနဲ့သူ တခေတ်မှာတယောက်လို့ ပြောရလောက်အောင် ကိုယ်ပိုင်လမ်း ကြောင်းသစ်ထွင်ပြီး ကိုယ့်မူကိုယ့်ဟန် ကိုယ့်သဏ္ဍာန်နဲ့ အောင်အောင်မြင်မြင်စိုက်ထူခင်း ကျင်းသွားနိုင်ရုံမက အများထုကပါ အလေးထားခြင်းခံရတဲ့ စာပေအနုပညာရှင်ကြီးမျိုးတွေ ထဲမှာ …
‘ဆရာဒဂုန်တာရာ’ပါပါတယ်။ ဒဂုန်တာရာလို့ခေါ်တဲ့၊ ကျနော်တို့တတွေ အလေးထား လေးစားကြတဲ့၊ ကျနော်တို့ရဲ့ဆရာ ‘ဆရာတာ’ပါပါတယ်။



(၂)
ကျနော့်ကို ဆရာတာဆီ ပထမဦးဆုံး စတင်ခေါ်ဆောင်သွားခဲ့သူကတော့ ‘ဆရာစွမ်း’ ပါ။
အဲဒီတုန်းက ဆရာဒဂုန်တာရာဟာ မင်းသားကြီး ကောလိပ်ဂျင်နေဝင်းနဲ့ မခင်မာလာ တို့အိမ်မှာ နေထိုင်နေတဲ့အချိန်ပါ။ ၁၉၈၀ ခုနှစ်ဝန်းကျင် ကာလလောက်ကပါ။ နွေရာသီရဲ့ တညနေခင်းဆိုတာတော့ အခုချိန်ထိ ကောင်းကောင်းမှတ်မိနေပါတယ်။ မင်းသားကြီး ကော လိပ်ဂျင်နေဝင်းဟာ စွပ်ကျယ်အင်္ကျီကို ပခုံးပေါ် လွှားထားရင်း အပေါ်ပိုင်း ကိုယ်တုံးလုံးချွတ်နဲ့ အိမ်ရှေ့တည့်တည့်မှာ ကုလားထိုင်တလုံးနဲ့ ထွက်ထိုင်နေရာက ကျနော်တို့ဝင်လာတာကို လှမ်းကြည့်ပြီး ဆရာစွမ်းကို ပြုံးပြပါတယ်။ “ခင်ဗျားတို့ဆရာကြီး အထဲထဲမှာ၊ အထဲထဲ မှာ…”လို့လည်း ပြောလိုက်ရင်း ဆရာတာ နေတဲ့အခန်းဆီ ပြုံးပြုံးကြီး လက်ဝှေ့ယမ်းပြ လိုက်ပါတယ်။ ညနေခင်းပေမယ့် နွေရာသီကာလကြီးဆိုတော့ အပူရှိန်အငွေ့တွေက တလှပ်လှပ်ဝေ့နေဆဲပါ။
ဆရာတာ့အခန်းထဲ ဝင်လိုက်ကြတဲ့အချိန်မှာတော့ အပြင်ကလောက် မပူတော့ဘဲ အပူသက်သာသွားသယောင် ခံစားလိုက်ရပါတယ်။ စာအုပ်ပုံ၊ စာအုပ်ထပ်၊ စာနယ်ဇင်း အမျိုးမျိုး ပတ်ချာလည်ကြားထဲကနေ ဆရာတာက သူ့ရဲ့ကိုယ်ပိုင်အပြုံးမြမြနဲ့ ကျနော်တို့ကို ဖွဖွလေး ကြိုဆိုနေပါတယ်။ သိသိသာသာရှည်လျားလွန်းလှတဲ့ ဘော်ငွေရောင် လှိုင်းတွန့်ပုံ ဆံပင်ရှည်ရှည်ကြီးတလူလူရဲ့အောက်မှာ ကျွဲကော်ကိုင်းအနက် မျက်မှန်ထူထူကြီး တပ်ထား တဲ့ ဆရာဒဂုန်တာရာရဲ့မျက်နှာဟာ မြင်ရရုံနဲ့ အနုပညာသမားစစ်စစ်တယောက်မှန်း ဖော်ပြ နေပါတယ်။ ဘော်ငွေရောင်ပြေးစ ဆံနွယ်ဆံခက်တချို့ဟာ ပခုံးပေါ်ဆီအထိ ခွေဝိုက်ဖြာဆင်း နေပါတယ်။ ဗမာပြည်လို လူ့အဖွဲ့အစည်းမျိုးမှာတော့ အသက် ၆၀ ဝန်းကျင်အရွယ် သာမန် လူကြီးတယောက် ထားလေ့ထားထမရှိတဲ့ ဆံပင်ပုံစံ။ ဒါကိုက တခြားသူ တပါးသူနဲ့ မတူတဲ့ ဒဂုန်တာရာပုံစံ၊ ဒဂုန်တာရာဟန်လို့ပဲ ပြောရမလားပါပဲ။ အဲဒီတုန်းက အသက် ၆၀ လောက် ဝန်းကျင် ရှိနေပြီဖြစ်ပေမယ့် မျက်စေ့မှုန်တာလောက်ကလွဲလို့ ဆရာတာရာဟာ တော်တော် ကို နုပျိုနေပါသေးတယ်။ စကားဝါသွေး မျက်နှာပြင်ပေါ်မှာ ပီရိသေသပ်လှတဲ့ နှုတ်ခမ်း နှစ်လွှာဟာ ပန်းနုသွေးရောင် ပြေးနေဆဲဖြစ်ပါတယ်။ စကားပြောသံကလည်း တိုးတိုးညင် ညင်။ ပြောဟန်ဆိုဟန် လေယူလေသိမ်း နုညက်သိမ်မွေ့တယ်လို့ အမှတ်အသားပြုထားရတဲ့ ဆရာဗန်းမော်တင်အောင်ရဲ့လေသံက တမျိုး။ ဆရာတာရဲ့လေသံ ပျော့ပျောက်းညင်သာမှုက တဘာသာလို့ပဲ ဖျတ်ကနဲ ခံစားလိုက်ရပါတယ်။
အဲဒီနေ့က ဆရာတာက စာအကြောင်း ပေအကြောင်းတွေကို တော်တော်ကလေး ပြောပြပါတယ်။ အဲဒီတုန်းက ဆရာတာရာက ‘မိုးဝေ’စာပေမဂ္ဂဇင်းမှာ ‘ဗညားသီဟ’နဲ့ စာပေစစ်တမ်းတွေကို ရေးနေချိန်။ ဗညားသီဟရဲ့ စာပေဝေဖန်ရေးဟန်ဟာ သမရိုးကျ စာပေဝေဖန်ရေးတွေနဲ့ မတူပါ။ ဟိုဟိုဒီဒီ ပြောချင်ရာတွေကို ဝေ့ကာဝိုက်ကာ ခင်းကာ ကျင်းကာ ပါးပါးနပ်နပ်ပြောဆိုပြီးမှ အဓိက ဦးတည်ဖော်ပြထားတဲ့ စာအုပ်အတွက် စာအုပ် ဝေဖန်ချက်ကို ဖျတ်ကနဲ ဖျတ်ကနဲလောက်သာ တို့ထိဖော်ပြသွားတဲ့ ဝေဖန်ရေးမျိုး ဖြစ်ပါတယ်။ ‘ဝေဖန်စရာ’အပေါ် တချိန်လုံးလုံး မီးမောင်းထိုးပြီးမထားဘဲ ဆလိုက်ထိုး ပြလိုက်တဲ့ ဝေဖန်ဖော်ပြဟန်မျိုးဖြစ်ပါတယ်။ မြင်လိုက်ရတာ တမျိုးသစ်ပြီး ပညာသားပါပါ လှပလွန်းလှပါတယ်။ ဆရာမြသန်းတင့်ရဲ့ ‘ကျနော် ဆက်၍ရေးချင်သော ဝတ္ထုများ’ဆိုတဲ့ ခေါင်းစဉ်နဲ့ ရေးသားသွားတဲ့ ဝေဖန်ဟန်က တမျိုးဖြစ်သလို၊ ဆရာတာရဲ့ ‘ဗညားသီဟ’ ဝေဖန်ဟန်က တဘာသာလို့ပြောရမှာပါ။ ဆရာမြသန်းတင့်က သူစိတ်ဝင်စားခဲ့တဲ့ နာမည်ကျော်ဝတ္ထုကြီးတွေအပေါ် အသစ်မြင် ဝေဖန်ရေးပုံစံတခု ထူထောင်ပြီး ဝတ္ထုတို တပုဒ်သဖွယ် ရေးသားဖော်ပြ ဝေဖန်ပါတယ်။ ဆရာတာကတော့ သူဝေဖန်တို့ထိပြချင်တဲ့ စာအုပ်စာစောင်တွေအပေါ် သူကျင်လည်ဖြတ်သန်းလာခဲ့ရာ အတွေ့အကြုံ အတွေးအမြင် နောက်ခံကားချပ်တွေနဲ့ ယှဉ်ဟပ်ပြီး လိုအပ်သလောက်လေးလောက်ပဲ ဖျတ်ကနဲ ဆလိုက် ထိုးပြ ဝေဖန်လေ့ရှိပါတယ်။ သမိုင်းမှန်ကူကွက်တွေကြားက ပန်းစကြာမှန်ပြောင်း လှည့်ပြဟန်လို့ပဲ ကင်ပွန်းတပ်ရမလား မသိပါ။ ပညာသားပါပါနဲ့ လှပနေတာကတော့ သေချာခဲ့ပါတယ်။
အဲဒီတုန်းက မဂ္ဂဇင်းစာမျက်နှာတွေပေါ်က ပေါ်ပင်ကလောင်ရှင်တချို့ရဲ့ စာတွေ အကြောင်းလည်း ရောက်သွားခဲ့ကြသလို ဆရာမြသန်းတင့်ရဲ့အဆက်မပြတ်ရေးနေတဲ့ ပင်တိုင် အခန်းဆက်ဆောင်းပါးတွေ အကြောင်းဆီလည်း ဖျတ်ကနဲ ရောက်သွားခဲ့ပါတယ်။ ‘ရှုမဝ’မှာလား အခန်းဆက်ရေးနေတဲ့ ‘လှိုင်းပြာက ပြောသော ဇာတ်လမ်းများ’ဆီ ဖျတ်ကနဲ ရောက်သွားတော့ ဆရာတာက… “အဲဒါတွေကတော့ ကိုမြသန်း သမဝါယမဂျာနယ်မှာ ရေးဖို့ကောင်းတာ…”လို့ပြောရင်း တချက်ပြုံးလိုက်တာလည်းမှတ်မှတ်ထင်ထင် တွေ့လိုက်ရပါ တယ်။ ရေးဟန်သားဟန် အနုပညာဆန်လွန်း၊ နုရွလွန်းသလောက် လေသံကအစ လူပုံပန်းဟန်က နုညံ့လွန်းလှ ပျော့ပျောင်းလှသလောက် နှလုံးသားထဲက ရပ်တည်ချက်အရ မူအရကတော့ တော်တော်ကို ခိုင်ကျည်သန်စွမ်းလှတာ ဖျတ်ကနဲ မြင်လိုက်ရပါတယ်။ ဆရာတာကိုယ်တိုင်ရဲ့ သခင်ဗဟိန်းကို ရေးဖွဲ့ခဲ့ဖူးတဲ့ စကားလုံးတွေနဲ့ပဲ ခဏငှါးသုံးရ မယ်ဆိုရင်… ဆရာတာကိုယ်တိုင်ကလည်း သံမဏိကြိုးမျှင်တမျှင်ပဲမဟုတ်လား။ ‘ပျော့လျှင် ဖယောင်း၊ မာလျှင် သံချောင်း အမျိုးအစား။ ဒဂုန်တာရာဟာ အနုသမား သို့သော် သံမဏိ။ သံမဏိကြိုးမျှင်တမျှင်…’လို့ပဲ ခံစားလိုက်ရပါတယ်။

(၃)
ဆရာတာ ကိုယ်တိုင်ကတော့ သူ့ကိုယ်သူ နိုင်ငံရေးသမားရယ်လို့ မသတ်မှတ်ပါ။ ဒါပေမယ့် ဆရာတာဟာ ဗမာပြည်ရဲ့နိုင်ငံရေးလှုပ်ရှားမှုသမိုင်းမှာ အထင်ကရ ဇာတ် ကောင်ကြီးတွေနဲ့အတူ ထဲထဲဝင်ဝင် ရင်းရင်းနှီးနှီး ယှက်နွယ်ပတ်သက်ရင်း သမိုင်းပေးတာဝန် တချို့ကို သူတတ်နိုင်တဲ့နေရာကနေ ပါဝင်အားဖြည့်ထမ်းဆောင်ခဲ့သူ ဖြစ်ပါတယ်။ တခါတရံ များ ကိုယ့်ကိုယ်ကို နိုင်ငံရေးသမားလို့ မြိန်ရေယှက်ရေပြောဆိုနေသူ၊ တံဆိပ်ကြီးကြီး တပ်ထားသူတွေထက်တောင် နိုင်ငံရေးအမြင်၊ နိုင်ငံရေးရပ်တည်ချက်က ပိုမိုတောင့်တင်း ခိုင်မာနေတာ၊ ရှင်းရှင်းသန့်သန့်နဲ့ ပြတ်ပြတ်သားသား ကြည်ကြည်လင်လင်ဖြစ်နေတာ တွေ့ရတဲ့အပြင် သမိုင်းခေတ် ကာလတလျှောက် အရေးပါလှတဲ့ ကောင်းကျိုးပြုမှု၊ စွမ်း ဆောင်မှုတွေ လုပ်ဆောင်ခဲ့သူဖြစ်ပါတယ်။ အထက်တန်းကျောင်းသားဘဝ (၁၉၃၆ ခုနှစ်) ကတည်းက ဂျူဗလီဟောမှာ ကျင်းပခဲ့တဲ့ ပထမဦးဆုံး နိုင်ငံလုံးဆိုင်ရာ ကျောင်းသား ညီလာခံကို ကျောင်းသားကိုယ်စားလှယ်တယောက်အဖြစ် တက်ရောက်ခဲ့ဖူးသူဖြစ်ပြီး တက္ကသိုလ်ရောက်တော့ (၁၉၃၉)မှာ တကသ အမှုဆောင်တယောက် ဖြစ်ခဲ့တဲ့အပြင် ၁၉၄၀ ပြည့်မှာ သမိုင်းဝင် နာမည်ကျော် ‘အိုးဝေ’မဂ္ဂဇင်းရဲ့ တာဝန်ခံအယ်ဒီတာ လုပ်ခဲ့သူဟာ ‘ကိုဌေးမြိုင်’ဆိုတဲ့ ဒဂုန်တာရာ (ဆရာတာ)ပါပဲ။ ဗမာပြည်နိုင်ငံရေးလှုပ်ရှားမှုသမိုင်းမှာ တကသ၊ ဗကသရဲ့အခန်းဟာ အင်မတန်အစဉ်အလာကြီးလှသလို တကသ၊ ဗကသရဲ့ သမိုင်းမှာ အိုးဝေမဂ္ဂဇင်းရဲ့အခန်းဟာလည်း အစဉ်အလာကြီးလှပြီး နာမည်ကျော် အိုးဝေ မဂ္ဂဇင်းကြီးကို တာဝန်ယူ ကိုင်တွယ်ခဲ့ကြသူ၊ အိုးဝေမဂ္ဂဇင်း တာဝန်ခံဆိုသူတွေဟာလည်း သမိုင်းတင်ထားရတဲ့ သမိုင်းဝင် အစဉ်အလာကြီးသူတွေချည်းမဟုတ်လား။ ဆရာတာရဲ့ အရင် အိုးဝေကို ကိုင်ခဲ့ကြသူတွေဟာ သခင်အောင်ဆန်း၊ သခင်ဗဟိန်း၊ ဦးညိုမြတို့လို အထင်ကရပုဂ္ဂိုလ်ကြီးတွေမဟုတ်လား။
ဗမာပြည် လွတ်လပ်ရေး ကြိုးပမ်းလှုပ်ရှားမှုသမိုင်းမှာ တရုတ်ပြည်ကွန်မြူနစ်ပါတီနဲ့ အဆက်အသွယ်ရဖို့ ကြိုးပမ်းရာမှာ… သခင်အောင်ဆန်း၊ သခင်လှမြိုင် (ဗိုလ်ရန်အောင်)တို့ နှစ်ယောက် ရုပ်ဖျက်ပြီး ခရီးထွက်ခွါခြင်းမလုပ်ခင် တော်တော်စောစောကတည်းက ပထမဆုံး ကြိုးပမ်းခဲ့ကြသူ နှစ်ယောက်ရှိခဲ့ပါတယ်။ အဲဒါကတော့ သခင်ဗဟိန်းနဲ့ ဒဂုန်တာရာပါပဲ။ သခင်ဗဟိန်းကနေ အဖော်ခေါ်သွားလို့ ဆရာတာ လိုက်သွားရပြီး ရှမ်းပြည်မြောက်ပိုင်း သိန္နီ-သီပေါအထိ ရောက်ပြီးမှ ရှမ်းပုလိပ်တွေက တားလို့ လှည့်ပြန်ရတဲ့ခရီးစဉ်၊ မအောင်မြင်တဲ့ ခရီးစဉ် ဖြစ်ခဲ့ရပါတယ်။ ဗိုလ်ချုပ်အောင်ဆန်း၊ ဗိုလ်ရန်အောင်တို့ခရီးစဉ်က ၁၉၄၀ ပြည့်ထဲ ဖြစ်ခဲ့ပြီး သခင်ဗဟိန်းနဲ့ဆရာတာတို့ခရီးစဉ်က ၁၉၃၉ ခုနှစ်ကတည်းက ဖြစ်ခဲ့ပါတယ်။ တနှစ်တိတိ စောခဲ့ပါတယ်။ အဲဒီခရီးစဉ်သာ အောင်မြင်ခဲ့မယ်ဆိုရင်လည်း ဆရာတာ တယောက်အနေနဲ့ စာပေနဲ့နိုင်ငံရေးကြား မျဉ်းကြောင်းပေါ်မှာပဲ ရပ်နေခဲ့ရာက နိုင်ငံရေးဖက် အလေးကဲခဲ့လေမလား တွေးဆဖွယ်ရာဖြစ်ပါတယ်။ ဘာပဲဖြစ်ဖြစ် အဲဒီလို တိုင်းပြည်ရဲ့ အရေးကြီး နိုင်ငံ့ရေးရာတွေနဲ့ပတ်သက်နေတဲ့ နိုင်ငံရေးလှုပ်ရှားမှုကြီးတွေထဲမှာ ဆရာတာ တယောက် တတ်နိုင်ရာရာကနေ ပါဝင်ပတ်သက်ခဲ့တာတွေကတော့ မှတ်မှတ်သားသား ဖြစ်စရာတွေချည်း ဖြစ်ပါတယ်။
အင်္ဂလိပ် နယ်ချဲ့သမားရဲ့လက်အောက်၊ ကျွန်ပြုဖိနှိပ်ထားရမှုအလီလီအောက်ကနေ အလုပ်သမားလူတန်းစားရဲ့ တပ်ဦးပါတီကြီးအဖြစ် ဗမာပြည်ကွန်မြူနစ်ပါတီလို လျို့ဝှက် ကွန်မြူနစ်ပါတီကြီးတရပ် ပေါ်ပေါက်ဖွဲ့စည်းနိုင်ဖို့ တကယ်ကို တိုးတိုးတိတ်တိတ် ကြိတ်ဝိုင်း လေးတွေအဖြစ် လျို့ဝှက်ဆွေးနွေးညှိနှိုင်းခဲ့ကြတဲ့ စကားဝိုင်းတချို့မှာလည်း ဒဂုန်တာရာ ပါခဲ့ ဖူးသလို အင်္ဂလိပ်နယ်ချဲ့သမားကို ထောင်ထားဆန့်ကျင်ဖို့ သမိုင်းဝင်တပ်ပေါင်းစုကြီးအဖြစ် ‘ဗမာ့ထွက်ရပ်ဂိုဏ်း’လို အဖွဲ့ကြီး ဖွဲ့စည်းနိုင်ဖို့ စိုင်းပြင်းကြတဲ့ ပဏာမ အရေးကြီးအစည်း အဝေးပွဲတွေမျိုးမှာလည်း ပါဝင်တက်ရောက်ခဲ့ဖူးသူ ဖြစ်ပါတယ်။ သခင်အောင်ဆန်း၊ သခင်ဗဟိန်း၊ သခင်သန်းထွန်းတို့လို ပုဂ္ဂိုလ်တွေကအပြင် ဗိုလ်လက်ျာ၊ ဗိုလ်ဇေယျတို့လို ပုဂ္ဂိုလ်တွေကပါ ယုံယုံကြည်ကြည် ထဲထဲဝင်ဝင် သံယောဇဉ်ထား ချစ်ခင်ကြတာလည်း ခံခဲ့ရသူမျိုးဖြစ်ပါတယ်။ ဖက်ဆစ်တော်လှန်ရေး ကာလကြီးအတွင်းက ဗမာ့တပ်မတော်က မသိမ်းပိုက်ရသေးတဲ့ နယ်မြေတွေအပေါ် လေယာဉ်ပေါ်ကနေ ကြဲချတဲ့၊ ဗမာ့တပ်မတော် ချီတက်လာလျှင် ပူးပေါင်းပါဝင်ဖို့ လှုံ့ဆော်ထားတဲ့ ‘တို့ဗမာအပေါင်းတို့…’လို့ ခေါင်းတပ်ထား တဲ့ စာရွက်ပါ စာသားတွေဟာ ဆရာတာရဲ့လက်ရာတွေပါ။ တိုင်းပြည် လွတ်လပ်ရေး မကြေ ညာနိုင်သေးခင် ဖဆပလခေတ်က ဖဆပလအဖွဲ့ကြီးရဲ့ဖဆပလ စာစောင်ပေါ်မှာ ကလောင် နာမည်တခုနဲ့ ဆောင်းပါးတွေ ရေးပေးဖဲ့ရဖူးသလို ဗမာ့လွတ်လပ်ရေးတပ်မတော် စစ်ရုံးမှာ ဗိုလ်လက်ျာ၊ ဗိုလ်စကြာတို့ရဲ့ အကူအညီတောင်းချက်ကြောင့် ဗိုလ်လောင်းသင်တန်း လျှောက်လွှာတွေကို စီစစ်ပေးရတဲ့ လုပ်မျိုးတွေတောင် ကူညီလုပ်ကိုင်ပေးခဲ့ရတာမျိုးတွေ လည်း ရှိခဲ့ဖူးပါတယ်။ ဗမာ့တပ်မတော်အတွက် ပြည်သူ့ဆက်ဆံရေးဌာန စီမံကိန်းမူကြမ်း ဆိုတာမျိုးကိုတောင် ၁၉၄၅ ခုနှစ်လောက်က ဗိုလ်ဇေယျကတဆင့် ဆရာတာ ရေးဆွဲပေးခဲ့ရ တာမျိုးလည်း ရှိပေမယ့် ကိုယ်တိုင် ရာထူးရာခံတခုခုယူပြီး လုပ်ရမှာမျိုးကိုတော့ ဆရာတာရာ ဝါသနာမပါပါလို့ပဲ ပြောရပါလိမ့်မယ်။ ဗမာ့တပ်မတော် ပြည်သူ့ဆက်ဆံရေးဌာန ညွှန်ကြား ရေးမှူးအဖြစ် ဗိုလ်ချုပ်အောင်ဆန်းရဲ့ စစ်ဝန်ကြီးလက်မှတ်နဲ့ စာထုတ်ခန့်အပ်တာကို လက်ခံရမှာစိုးတဲ့အတွက် ဗိုလ်ချုပ်အောင်ဆန်းနဲ့ မတွေ့ရအောင် ရှောင်တိမ်းရင်း ဗိုလ်ချုပ်နဲ့ ပက်ပင်းတိုးရတော့မလို ကြံကြံဖန်ဖန်သွားအကြုံမှာ စားပွဲအောက်အထိ ဝင်ပုန်းခဲ့ရဖူးသလို ၁၉၄၅-၄၆ က ဖဆပလခေတ် ဖဆပလပြန်ကြားရေးဌာနမှာ အလုပ်ဝင်လုပ်ဖို့ကိုလည်း ခေါင်းခါခဲ့ပြီး သူကိုယ်တိုင် အချစ်ဆုံး၊ အထင်ကြီးဆုံးဖြစ်တဲ့ သခင်ဗဟိန်းကိုယ်တိုင် ဥက္ကဋ္ဌ အဖြစ် တာဝန်ယူဆောင်ရွက်နေတဲ့ ဗမာနိုင်ငံလုံးဆိုင်ရာ အလုပ်သမားသမဂ္ဂမှာ ဒုတိယ ဥက္ကဋ္ဌအဖြစ်လုပ်ဖို့ တိုက်တွန်းခဲ့တာမျိုးကိုတောင် ငြင်းဆန်ခဲ့သူမျိုးလည်း ဖြစ်ပြန်တယ်။ ဆရာတာဟာ ရှေ့ကထွက်ပြီး လုပ်ဆောင်ရတာမျိုးထက် နောက်ကွယ်ကနေ လုပ်ဆောင် ပေးရတာမျိုးကို နှစ်သက်သူ။
ဆရာတာက သူ့ကိုယ်သူ နိုင်ငံရေးသမားမဟုတ်၊ အနုပညာသမားပါလို့ ဘယ် လောက်ပဲပြောပြော သူဖြတ်သန်းလာခဲ့တဲ့ သမိုင်းကာလတလျှောက် အရေးပါတဲ့ နိုင်ငံရေး လှုပ်ရှားမှုတွေအတွင်းမှာ နိုင်ငံအတွက် မနည်းလှတဲ့ကောင်းမှုမျိုးစုံ ပြုခဲ့ဖူးသူဖြစ်ပါတယ်။ တချို့တချို့သော နိုင်ငံရေးသမားဆိုသူတွေထက်တောင် နိုင်ငံ့အတွက် နိုင်ငံရေးအလုပ်တွေ လုပ်ဆောင်ပေးခဲ့ဖူးသူမျိုးဖြစ်တယ်ဆိုတာ ဆရာတာအကြောင်း ထဲထဲဝင်ဝင်သိသူတွေက တော့ သိကြပါတယ်။
အမှန်တရားဘက်က ရပ်တည်တဲ့အခါမှာလည်း ပြတ်သားရမယ့်နေရာမှာ စံထားစရာ တွေ ရှိခဲ့ဖူးသူဖြစ်ပါတယ်။ ပမာအားဖြင့်… ၁၉၅၆ ခုနှစ်က ဖြစ်ပွားခဲ့တဲ့ ‘ဟန်ဂေရီ အရေးအခင်း’ကို ပြန်ကြည့်နိုင်ပါတယ်။ တိုးတက်တဲ့အမြင်အယူအဆရှိသူတွေလို့ ကြွေးကြော် နေကြတဲ့ လက်ဝဲသမားဆိုသူတွေ တော်တော်များများက ဆိုဗီယက်က ဟန်ဂေရီကို ကျူးကျော်ဝင်ရောက်ခဲ့တာကို မှန်ကန်သလိုလိုလုပ်နေကြတဲ့အချိန် ဒါမှမဟုတ် ရေငုံနှုတ်ပိတ် လုပ်သူက လုပ်နေကြတဲ့အချိန်မှာ ဆရာတာကတော့ ကန့်ကွက်ခဲ့ပါတယ်။ ဆိုဗီယက်ရဲ့ ဟန်ဂေရီအပေါ် ဝင်ရောက်ကျူးကျော်မှုကို လက်မခံနိုင်ကြောင်း၊ ကန့်ကွက်ကြောင်း ဖော်ပြခဲ့ ပါတယ်။ အဲဒီတုန်းက ဆိုဗီယက်နိုင်ငံကြီးဟာ ကွန်မြူနစ်နိုင်ငံ၊ လက်ဝဲနိုင်ငံကြီးတခုအဖြစ် ပုံပေါ်နေချိန်ဖြစ်တဲ့အတွက် ဆိုဗီယက်ရဲ့ လုပ်ဆောင်မှုတွေကို ‘လက်ဝဲအချင်းချင်း ရိုင်းပင်းရ မယ်၊ နားလည်မှုရှိရမယ်’ဆိုတဲ့ဂိုက်မျိုးနဲ့ ဝိုင်းဝန်းပြီး နားလည်မှုပေးနေကြချိန် အင်မတန် များပြားနေချိန်မှာ ဆရာတာက လက်မခံနိုင်ကြောင်း တရားဝင် ကန့်ကွက်ဖော်ပြခဲ့တာ ဖြစ်ပါတယ်။ အစည်းအဝေးတခုမှာ တယောက်ထဲ ထပြီး ကန့်ကွက်နေတာကို ဆရာတာနဲ့ အင်မတန်ရင်းနှီးလှတဲ့ ဆရာတာရဲ့လူရင်းရဲဘော်တယောက်က လက်ကိုဆွဲပြီး ထိုင်တော့ဖို့ တောင်းပန်တာတောင် မရခဲ့ဘူးလို့ ကြားနာမှတ်သားရဖူးပါတယ်။ အမှန်တရားနဲ့ မကိုက် ညီဘူး၊ မမှန်ဘူးလို့ယူဆရင် တယောက်တည်းမကလို့ တခြမ်းတည်းဖြစ်ဖြစ် ရပ်ရဲတယ်ဆိုတဲ့ သတ္တိ ဆရာတာမှာ ရှိပါတယ်။ ရပ်လည်း ရပ်ခဲ့ဖူးတာတွေ ရှိပါတယ်။ အခုအခါမှာတော့ ဟန်ဂေရီကိစ္စ ဆိုဗီယက်ကြီး မှန်သလား၊ မှားသလားဆိုတာ လူတိုင်းလိုလို သိရှိ နားလည်နေကြပြီဖြစ်ပါတယ်။ နှစ်ပေါင်း လေးငါးဆယ် ကျော်လွန်ပြီးတဲ့အခါမှာတော့ သမိုင်း အဖြေ ပေါ်လွင်ခဲ့ပြီးပြီဖြစ်ပါတယ်။ ဒီကိစ္စနဲ့ပတ်သက်ပြီး ရပ်တည်ချက်အရ ဘယ်သူတွေက မှန်လို့ ဘယ်သူတွေက မှားခဲ့ကြပါသလဲ။ ဆရာတာ မှန်ကန်ခဲ့ပါတယ်။ လူပုံ နွဲ့ပေမယ့် ရပ်တည်ချက်က မနွဲ့ခဲ့တာ သာဓကအဖြစ် ရှုမြင်နိုင်ပါတယ်။
ဆရာတာရဲ့စိတ်ဓါတ်ကို ဖျတ်ကနဲ မြင်ရနိုင်တဲ့ နောက်ထပ်သာဓကတခုကတော့ ‘နိုင်ငံ့ဂုဏ်ရည်’ကိစ္စ ဖြစ်ပါတယ်။
၁၉၈၀ ပြည့်နှစ်ထဲမှာ မဆလ စစ်အစိုးရ၊ ဗိုလ်နေဝင်းက နိုင်ငံ့ဂုဏ်ရည်ဘွဲ့တွေ ဖန်တီးပြီး နိုင်ငံရေးသမားဟောင်းကြီးတွေကို ပျားရည်နဲ့ ဝမ်းချပေးဖို့ လုပ်ပါတယ်။ ဆရာ ရာဂျန်တို့လို၊ သခင်ဗမောင်တို့လို ခြွင်းချက်အနည်းစုလောက်ကလွဲလို့ သမိုင်းဝင် နိုင်ငံရေး သမားဟောင်းကြီးတွေ အားလုံးနီးပါး နိုင်ငံ့ဂုဏ်ရည်ဘွဲ့ ရကြပါတယ်။ သမိုင်းဝင်ပုဂ္ဂိုလ် တယောက်ဖြစ်တဲ့ ဆရာဒဂုန်တာရာကိုလည်း နိုင်ငံ့ဂုဏ်ရည် ဒုတိယအဆင့် ပေးပါတယ်။ ပထမဆုံးအသုတ် နိုင်ငံ့ဂုဏ်ရည် ဘွဲ့ရသူတွေစာရင်း ကြေညာကတည်းက ဆရာဒဂုန်တာရာ့ နာမည် ပါပါတယ်။ နိုင်ငံ့ဂုဏ်ရည်ဘွဲ့ရကြသူ နိုင်ငံရေးသမားတချို့ ဝမ်းသာသူတွေ ဝမ်းသာ ကြပေမယ့် ဆရာတာ ဝမ်းမသာခဲ့ပါဘူး။ တချို့များ စာရင်းကြေညာပြီးလို့ သတင်းစာပေါ် နာမည်ပါလာတာ သေချာပြီးကတည်းက အဲဒီအတွက် ဆုကြေးငွေကို ဘယ်လိုထုတ်ရမလဲ လို့ ဘဏ်တွေ ရုံးတွေ သွားမေးကြသူတွေတောင် ရှိနေကြချိန်မှာ ဆရာတာကတော့ စိတ်ဆင်းရဲ ကိုယ်ဆင်းရဲ ဖြစ်နေခဲ့ပါတယ်။ မဆလ စစ်အစိုးရ ဗိုလ်နေဝင်းက ပေးအပ် ချီးမြှင့်လိုက်တဲ့ အဲဒီ နိုင်ငံ့ဂုဏ်ရည်ဘွဲ့ ဆိုတာကြီးကို မစင်ပုပ်လို သဘောထားပြီး နည်းနည်းလေးမှ မလိုချင် ငြင်းဆန်ဖယ်ရှားပစ်လိုက်သူတချို့ ရှားရှားပါးပါး ပေါ်ခဲ့ ရှိခဲ့တဲ့ အထဲမှာ ကျနော်တို့ရဲ့ဆရာ ဒဂုန်တာရာ ပါခဲ့ပါတယ်။
ဆရာက သွားမယူတဲ့အတွက် တာဝန်ရှိသူတွေက ဆရာတာဆီ လာပေးသွားကြရ တယ် ဆိုပါတယ်။ ဒါတောင် ဆရာတာက “မလိုချင်ဘူး။ ပြန်ယူသွားပါ”လို့ ပြောခဲ့ရာမှာ “ကျနော်တို့မှာ ပေးဖို့တာဝန်ပဲ ပါပါတယ်။ ပြန်ယူသွားဖို့ တာဝန် မပါပါဘူး”ဆိုပြီး တာဝန်ရှိသူ လာပေးသူတွေက ဒီအတိုင်းထားပြီး ပြန်သွားခဲ့ကြရတယ်ဆိုပါတယ်။ အဲဒီတုန်းက အဲဒီလို ပူပူနွေးနွေးကာလကြီးမှာ အဲဒီသတင်းကို တဟဲဟဲရယ်မောရင်း ပြောပြသူကတော့ ဆရာကြူး (ဆရာ မင်းလှညွန့်ကြူး)ပါ။ ဆရာကြူးက ကျနော်တို့နဲ့ထိုင်နေကျ လ္ဘက်ရည်ဆိုင်လေးမှာ ထိုင်ရင်း… “ကိုဌေးမြိုင်က မလိုပါဘူး ပြန်ယူသွားကြပါလို့ ငြင်းပေမယ့် ဟိုကောင်တွေက လာပေးဖို့ပဲပါတယ်၊ ပြန်ယူသွားဖို့မပါဘူးလို့ပြောပြီး ငွေထုပ်ကြီး ဒီအတိုင်းချပြီး ပြန်လစ် သွားကြသတဲ့ဗျ။ အဲဒါ သူ့ကို ကျနော် သွားပြီးနောက်ရရင် ကောင်းမလားတောင် တွေးမိ သေးတယ်။ ဘယ်လိုလဲဆိုတော့… ခင်ဗျား အဲဒါကြီး၊ အဲဒီအထုပ်ကြီး မလိုချင်ဘူးဆိုရင်လည်း လွှင့်တော့မပစ်လိုက်ပါနဲ့၊ အလကားဖြစ်မယ့်အစား ဆရာကြီးသခင်ကိုယ်တော်မှိုင်းဂူဘေးက မြက်တွေဘာတွေရှင်းပြီး ဆေးလေးဘာလေး သုတ်ပစ်လိုက် သုံးပစ်လိုက်ရင် မကောင်းဘူး လားလို့… နောက်မလားလို့ဗျ။ ဒါပေမယ့် သေချာစဉ်းစားကြည့်လိုက်တော့ အဲဒါမှ ပိုပြီး ဒေါသထွက်ကုန်နိုင်တယ်။ ဆရာကြီးဂူမှာ ဒီလိုငွေမျိုးနဲ့ ရာရာစစ ခင်ဗျားမို့ပြောတယ်ဆိုပြီး စိတ်ဆိုးသွားနိုင်တယ်...”လို့ စီကာပတ်ကုံးပြောပြီး တဟဲဟဲနဲ့ ရယ်ပါတယ်။ အဲဒီကာလတွေ အတွင်းမှာ ‘ဆရာတာနဲ့ နိုင်ငံ့ဂုဏ်ရည်ဘွဲ့’အကြောင်း ဇာတ်လမ်းစုံကို ဟိုကဒီက နေရာ တချို့ကနေလည်း ကျနော်တို့တတွေ ကြားနာနေခဲ့ရတာတွေ ရှိပါတယ်။ ဘာပဲဖြစ်ဖြစ် ဆရာတာရဲ့စိတ်ဓါတ်နဲ့ နိုင်ငံ့ဂုဏ်ရည်ဘွဲ့အပေါ်သဘောထားကို ကျနော်တို့တတွေ ကောင်း ကောင်းကြားသိနေခဲ့ရပါတယ်။ ဘာပဲပြောပြော ဆရာတာ့အသဲနှလုံးကို ကျနော်တို့တတွေ နားလည်အသိအမှတ်ပြုခဲ့ရပါတယ်။

(၄)
၁၉၈၂ ခုနှစ်၊ နွေဦးကာလကြီးထဲမှာပဲ အုတ်ရိုးနဲ့သံတိုင်တွေကြား ကျနော် ရောက်ရှိသွားခဲ့ပါတယ်။
‘မူးယစ်ဝေသော နွေဦးညတွေ’မဖြစ်ခဲ့ရဘဲ ‘ရင်နာစရာ နွေဦးညတွေ’ဖြစ်ခဲ့ရရင်း ဆရာ ဗန်းမော်တင်အောင်နဲ့ ဆရာဒဂုန်တာရာတို့တတွေကိုလည်း အမှတ်ရစရာ ဖြစ်လာခဲ့ရ ပြန်ပါတယ်။ ဆိတ်ဖူးပန်းရနံ့တွေ ရမိလေတိုင်း ဆံဆတွေ တလူလူနဲ့ ဆရာတာရဲ့ ထူးထူးခြားခြားမျက်နှာကို ဖျတ်ကနဲ သတိရမိတတ်သလို ဆရာတာရဲ့ ‘ဆိတ်ဖလူးရနံ့ သင်းသောနေရာ’ဆိုတဲ့ အသုံးလေးကိုလည်း ပြေးပြေးမြင်မိတတ်ပါတယ်။
ဒီနေရာဟာ ဆရာဗန်းမော်တင်အောင်၊ ဆရာဒဂုန်တာရာ၊ ဆရာမြသန်းတင့်တို့လို အနုပညာရှင်ကြီးတွေအပြင် ဆရာကြီးရွှေဥဒေါင်း၊ လူထုဦးလှ၊ လူထုဦးစိန်ဝင်းတို့လို ကလောင်ရှင်ကြီးတွေလည်း ရောက်ခဲ့ရဖူး ဝင်ခဲ့ရဖူးတဲ့ နေရာတခုမဟုတ်လား။ ဒီနေရာကို ဆရာဗန်းမော်ကြီးက ‘နရသိန်’လို့ ခေါ်ဝေါ်တတ်ပြီး ဦးမြသန်းတင့်ကတော့ ‘ဘဝ တက္ကသိုလ်’လို့ ရည်ညွှန်းတတ်လေ့ရှိပါတယ်။ ဆရာတာကတော့ ‘ဆိတ်ဖူးရနံ့ သင်းသော နေရာ’တဲ့။ ဟုတ်ပါတယ်။ ဆိတ်ဖလူးရနံ့တွေ ရံဖန်ရံခါ ရတတ်ပါတယ်။ ဆိတ်ဖလူးရနံ့ဟာ အတူတူပဲဖြစ်မှာ ဖြစ်ပေမယ့် ဆရာတာ ရှူရှိုက်ခဲ့ရဖူးတဲ့ ဆိတ်ဖလူးရနံ့နဲ့ ကျနော်တို့ ရှူရှိုက်ခဲ့ရတဲ့ ဆိတ်ဖလူးရနံ့ဟာ တနေရာတည်း တပင်တည်းကလားဆိုတာကတော့ သိပ်မသေချာပါ။ နေရာအတူတူ အပင်အတူတူတွေကဆိုရင်တောင် အနှစ် ၂၀ လောက် အချိန်ကာလတွေ ကွာခြားနေခဲ့ကြပြီးပြီဆိုတော့ ဆိတ်ဖလူးပင်ရဲ့အရွယ်အစားနဲ့ သက်တမ်း အနုအရင့်ကတော့ တူတော့မှမဟုတ်ပါ။ ရနံ့အပြင်းအပျော့ အပေါ့အလေးတွေအထိ ကွာခြားမယ်ဆိုရင်လည်း ကွာခြားနိုင်ပါတယ်။ ဒါပေမယ့် ဆိတ်ဖလူးရနံ့ကတော့ ဆိတ်ဖ လူးရနံ့ပါပဲ။ ဆိတ်ဖလူးရနံ့တွေကို တဝေ့ဝေ့ ရမိလေတိုင်း ဖျတ်ကနဲ သတိရမိနေတတ် တာကတော့ ဆရာဒဂုန်တာရာကိုပဲ ဖြစ်ပါတယ်။ ‘တိုက်’ကနေ ‘အဆောင်’တွေဆီ ရောက်ရ တော့လည်း ကြမ်းပိုးကိုက်တာ ခံရတိုင်း ‘ထောင်ထဲမှာ တခြားသူတွေက ကြမ်းပိုးတွေကို ဖမ်းသတ်နေချိန်မှာ ကြမ်းပိုးတွေကို တကောင်ချင်း အသာအယာဖမ်းပြီး လွှတ်ဖို့ကြိုးစားနေတဲ့ ဆရာတာရဲ့အကြောင်း’ကို ပြေးပြေးပြီး သတိရနေခဲ့ဖူးပါတယ်။ ရပ်တည်ချက်အရ ပြတ်သား ခိုင်ကျည်သလောက် နှလုံးသားအရ ပျော့ပျောင်းနုညက်လွန်းလှသူတယောက်ရဲ့ တကယ့် ဘဝ ဖြတ်သန်းခဲ့ရမှုတွေအပေါ် ကျနော်ကတော့ လေးလေးစားစား တန်ဖိုးထား နားလည် သတိရမိနေခဲ့ပါတယ်။ ဆရာတာဟာ ‘ဆိတ်ဖလူးရနံ့သင်းသောနေရာ’လို့ဆိုတဲ့ ဒီအုတ်ရိုးနဲ့ သံတိုင်တွေကြားထဲမှာ ၁၉၆၃ ခုနှစ်ကနေ ၁၉၆၇ ခုနှစ်ထိ ရောက်ရှိခဲ့ရ ဖြတ်သန်းခဲ့ရဖူးတဲ့ တကယ့်အနုပညာသမား နိုင်ငံရေးအကျဉ်းသားတဦးလည်း ဖြစ်ခဲ့ဖူးတယ် မဟုတ်လား။ ဆရာကြီးသခင်ကိုယ်တော်မှိုင်းနဲ့တွဲပြီး ကမ္ဘာ့ငြိမ်းချမ်းရေးကွန်ဂရက် လှုပ်ရှားမှုတွေအပြင် ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး လှုပ်ရှားမှုတွေအတွင်း ရှေ့တန်းအခန်းက ပါဝင်လှုပ်ရှားခဲ့သူဖြစ်တဲ့အတွက် ငြိမ်းချမ်းရေးကို ချစ်လွန်းလှတဲ့ ဆရာတာ့ကို ဗိုလ်နေဝင်းရဲ့ တော်လှန်ရေးကောင်စီက ငြိမ်းချမ်းရေးဆွေးနွေးပွဲတွေ အပြီးတိုင် ဖျက်သိမ်းပစ်လိုက်ပြီးတဲ့ နောက်ပိုင်း ထောင်ထဲထည့်ထားလိုက်တာဖြစ်ပါတယ်။
ကျနော်ကိုယ်တိုင် ထောင်ထဲ နေနေခဲ့ရစဉ်တလျှောက် ဘဝတူ ရဲဘော်တွေ၊ နိုင်ငံရေး သမားတွေနဲ့ စာပေအကြောင်း၊ အနုပညာအကြောင်း၊ သမိုင်းနဲ့ ဒဿနတွေအကြောင်း အခါအားလျော်စွာ လေးလေးနက်နက် ပြောမိဆိုမိတတ်ကြပါတယ်။ အဲဒီလိုစကားဝိုင်းတွေ ထဲမှာလည်း ဆရာဗန်းမော်တင်အောင်နဲ့ ဆရာဒဂုန်တာရာတို့ရဲ့နာမည်တွေဟာ ကျနော်တို့ တတွေ မှီငြမ်းကိုးကားခဲ့ရတဲ့ နာမည်တွေ မကြာခဏဖြစ်ခဲ့ရပါတယ်။ သတိရစရာတွေ ဖြစ်ခဲ့ရပါတယ်။
ကျနော် ထောင်ကနေ အပြင်ကို ရောက်လာခဲ့ရတဲ့အချိန်မှာ ဆရာတယောက် မြို့တော်ရန်ကုန်မှာ မရှိတော့ပါ။ ဆရာတာကိုယ်တိုင် ‘ကိုယ့်ကိုယ်ကို မဲဇာသို့ ပို့ခြင်း’လို့ ပြောလေ့ရှိပြီး ‘မဲဇာ’လို့ သတ်မှတ်ထားတဲ့ ‘မှော်ဘီ’မြို့ကို ပြောင်းရွှေ့ရောက်ရှိသွားပြီ ဖြစ် ပါတယ်။ ဆရာတာက ဆရာတာရဲ့တူမလေး မမြင့်မြင့်စိန်နဲ့အတူ လိုက်ပါနေထိုင်တာဖြစ်တဲ့ အတွက် မမြင့်မြင့်စိန် (သင်းမြစန္ဒီ)တာဝန်ကျရာ မှော်ဘီ ဘောလုံးစက်ရုံရှိရာအရပ် (ဆရာ တာ့အခေါ်) ကျေးလက်မဲဇာမှာ ခြေချနေထိုင်နေပြီဖြစ်ပါတယ်။
ဆရာတာ မဲဇာမှာနေတော့လည်း ဆရာတာကို ချစ်တဲ့ ကျနော်တို့တတွေဟာ ဆရာတာနေရာ မဲဇာအထိ ရောက်ကြပြန်ပါတယ်။ ကျနော် ထောင်ကထွက်ပြီး သိပ်မကြာမီ ရောက်ခဲ့တာဖြစ်ပါတယ်။ အဲဒီတုန်းက မနုနုရည် (နုနုရည်-အင်းဝ)နဲ့ ကိုအောင်ကျော်တိုးတို့ ဇနီးမောင်နှံက ကားကအစ စီစဉ်ပေးပြီး တအုံတမကြီး ရောက်အောင် သွားဖြစ်ခဲ့ကြတာပါ။ ဆရာဂျမ်းလား၊ ဆရာစွမ်းလား တယောက်ယောက် ပါသေးတယ်လို့လည်း ရေးတေးတေး မှတ်မိနေပြီး သေသေချာချာမှတ်မိနေတာကတော့ အင်းစိန်ထောင်ထဲမှာပဲ ကျဆုံးသွားခဲ့ရရှာ ပြီဖြစ်တဲ့ ကိုသိန်းတင် ပါပါတယ်။ ရှစ်လေးလုံး အရေးတော်ပုံကြီးတောင် မပေါ်သေးခင် ကာလမို့ သူလည်း အဲန်အယ်ဒီ ရန်ကုန်တိုင်း စည်းအဖွဲ့ဝင် မဟုတ်သေးရုံမက ‘တင် သိန်းမောင်’ဆိုတဲ့ ကလောင်နာမည်တောင် မတပ်ရ မမှည့်ရသေးပါ။ သူ့ရဲ့ကလောင်နာမည်ခွဲ ‘ပထဝီ မောင်တင်’ဆိုတာလည်း ဘယ်မှာမှ မပေါ်ပေါက်ရသေးပါ။ နောက်ထပ်အတူ ပါလာသူတယောက်ကတော့ ကိုမြင့်လှိုင်(ယ္ခု အမေရိကန်ရောက် ဒေါက်တာမြင့်လှိုင်)ပါ။ ကိုမြင့်လှိုင်က အဲဒီတုန်းက မြောက်ဥက္ကလာပဖက်မှာ အချိန်ပိုင်း ကျူရှင်ဆရာလုပ်နေရင်းက ရန်ကုန်တက္ကသိုလ် သတ္တဗေဒဌာနမှာလည်း သရုပ်ပြဆရာလေး လုပ်နေတဲ့အချိန်ပါ။ သူလည်း အင်းစိန် နရသိန်ထွက်တယောက်ပါ။ ကားတစီးတိုက်စာ အပြည့်ပါလာကြတဲ့ ကျန်လူတွေကလည်း ထောင်ထွက်နဲ့ ကိုကိုးကျွန်းပြန် ရဲဘော်တွေချည်း ဖြစ်ပါတယ်။ တကသခေါင်းဆောင်ဟောင်း အကိုကြီး ကိုလှရွှေ (ဘိုကလေး ကိုလှရွှေ)ပါပါတယ်။ ကျွန်းပြန်တွေဖြစ်တဲ့ အကိုကြီး ကိုလှတင်အောင်၊ ကိုအောင်ဝင်းနဲ့ ဗိုလ်ဓမ္မကြီးတို့တတွေ လည်း ပါပါတယ်။ ဗိုလ်ဓမ္မကြီးဆိုတာကတော့ (အခု စာရေးဆရာမ နှင်းပန်းအိမ် ဖြစ်နေတဲ့)မသန္တာရဲ့အဖေပါ။ စာပေကို သိပ်ဝါသနာကြီးလွန်းလှသူဖြစ်ပါတယ်။ အားလုံးဟာ ဆရာတာအပေါ် လေးစားရင်းစွဲရှိပြီးသားတွေချည်း ဖြစ်ပါတယ်။
ဆရာတာက တအုံတမကြီး ရောက်လာတဲ့ ကျနော်တို့တတွေကို ဝမ်းမြောက်ဝမ်းသာ ကြိုပါတယ်။ တိုးတိုးညင်ညင်ပဲ ပြောတတ်ဆိုတတ်လေ့ရှိတဲ့ ဆရာတာရဲ့ ပင်ရင်းလေသံ ဖွဖွလေးပေါ်မှာတောင် ရွှင်လန်းတက်ကြွရိပ်တွေသန်းနေရင်း သိသိသာသာ ကြည်စင်နေပါ တယ်။ ဝတ်ထားတဲ့ အင်ဒိုးနီးရှားပါတိတ် အင်္ကျီပေါ်က ကနုတ်ပန်းနွယ်ပန်းခက်တဝေဝေနဲ့ အပြိုင် ဆရာတာရဲ့ ဒဂုန်တာရာမူပိုင် ဘော်ငွေရောင် ဆံပင်ရှည်ရှည်လျားလျားလွင့်လွင့်ဟာ လည်း လှိုင်းလိပ်နှယ် တလူလူလွင့်နေရင်း ဆရာတာရဲ့မျက်နှာဟာ သက်ဝင်ပန်းချီကား တချပ်နှယ် လန်းလန်းဆန်းဆန်း ရှင်သန်နေတာတွေ့ရပါတယ်။ ဆရာတာရဲ့အရွယ်နဲ့မမျှ အောင် ရှင်သန်လန်းဆန်းနုပျိုနေသေးမှုအပေါ် ကျနော်တို့တတွေလည်း ဝမ်းမြောက်ဝမ်းသာ ဖြစ်ခဲ့ရပါတယ်။
အဲဒီနေ့က ဆရာတာက ပြုံးပြုံးရွှင်ရွှင် လန်းလန်းဆန်းဆန်းဖြစ်နေရုံမက “အခု လာခဲ့ ကြသူတွေအားလုံးရဲ့ အမည်နဲ့ အသက်အရွယ် မွေးသက္ကရာဇ်တွေပါ အပြည့်အစုံ ရေးပေးခဲ့ ကြပါဗျာ။ တတ်နိုင်ရင် နေရာလိပ်စာသဘောလေးတွေပါ ရေးပေးခဲ့ကြပါ။ ကျနော် သိချင် တယ်။ မှတ်ထားချင်တယ်ဗျာ”လို့ ပြောတဲ့အတွက် မမြင့်မြင့်စိန်က ဗလာစာအုပ် အသစ် တအုပ်သပ်သပ် ယူလာပေးတဲ့အခါ (အရင်ကလည်း ခဏခဏရောက်နေတဲ့) မနုနုရည်တို့ လင်မယားအပါအဝင် ကျနော်တို့တတွေအားလုံးက တဦးစီ တဦးစီ မွေးနေ့သက္ကရာဇ်တွေပါ ပါဝင်တဲ့ ကိုယ်ရေးအချက်အလက်လေးတွေကို မှတ်တမ်းသဖွယ် ရေးပေးခဲ့ရပါတယ်။ မျိုး ဆက်အဆင့်ဆင့် ဖြတ်သန်းမှုတွေအပေါ် စိတ်ဝင်စားလေ့ရှိတဲ့ ဆရာတာဟာ ကျနော်တို့ တတွေရဲ့အသက်အရွယ်အလိုက် ဖြတ်သန်းကျော်လွှားခဲ့ရမှုတွေအပေါ်လည်း လေးလေး နက်နက် ပြန်လည်စိတ်ဝင်စားနေခဲ့ပါတယ်။ သူ့ရဲ့စာပေလက်ရာတွေအပေါ် ကျနော်တို့တ တွေရဲ့ တဦးချင်းစီ တဦးချင်းစီရဲ့ အကြိုက်နဲ့အမြင်တွေကိုလည်း စိတ်ဝင်စားလှစွာ ပြန်လည် သိရှိကြားနာလိုနေရင်း လေးလေးနက်နက် နားထောင်နေခဲ့ပါတယ်။ သူ့ရဲ့စာပေအနုပညာ လက်ရာအဖုံဖုံကြားထဲမှာ ကဗျာ၊ ဝတ္ထုတို၊ ဝတ္ထုရှည်၊ ဝေဖန်ရေး၊ ရုပ်ပုံလွှာ အရေးအဖွဲ့၊ စာပေသဘောတရား၊ သမိုင်းဖြတ်သန်းမှု၊ ဆောင်းပါးအထွေထွေ၊ ဘာသာပြန် … စတဲ့ စတဲ့ အင်မတန်များပြားလှတဲ့ လက်ရာအမယ်မယ်အဖုံဖုံတွေ ရှိတဲ့အထဲမှာ ကျနော်တို့တတွေက ဘာကိုအကြိုက်နှစ်သက်ဆုံး၊ အားအရဆုံး၊ အသိအမှတ်အပြုဆုံးလဲဆိုတာကိုလည်း စိတ် ထားနှိမ့်ချစွာနဲ့ ရိုးရိုးသားသား သိချင် နားလည်ချင်နေခဲ့ပါတယ်။ အဲဒီတုန်းက ကျနော် ကတော့ ဆရာတာရဲ့လက်ရာတွေထဲမှာ ကျနော့်အကြိုက်ဆုံးကတော့ `ရုပ်ပုံလွှာ’လို့ပဲ ပြောခဲ့ဖူးပါတယ်။ (အခုချိန်ထိလည်း အဲဒီတုန်းကနဲ့ဆိုရင် အနှစ် ၂၀ ကျော်ကျော် ကြာပြီ ဖြစ်ပေမယ့် ဆရာတာ့ လက်ရာတွေအပေါ်မှာ ကျနော့်အကြိုက်ဆုံးဟာ မပြောင်းမလဲ ‘ရုပ်ပုံလွှာ’အရေးအဖွဲ့တွေပဲ ဖြစ်နေပါသေးတယ်။) ဆရာတာရဲ့ ‘ဒို့ခေတ်ကိုတော့ ရောက်ရ မည်မှာ မလွဲပါ’သမိုင်းနောက်ခံ ဝတ္ထုရှည်ကြီးနဲ့ ပတ်သက်လို့ကတော့ အခုမှ ဇာတ်လမ်းအစ လောက်ပဲ ရှိသေးတော့ ဘယ်သူကမှ ဘာမှထူးထူးခြားခြား မပြောဆိုလိုကြသေးပါ။ ဆက်ပြီး တော့သာ ရေးဖို့ အားလုံးလိုလိုက တိုက်တွန်းခဲ့ကြပြီး ဆက်လက်ဖတ်ရှုနိုင်ဖို့ စောင့်လင့်နေခဲ့ ကြပါတယ်။ (အခုချိန်ထိပဲ ဆိုပါတော့။) ကျနော်တို့တတွေက ဆရာတာကို သိလိုရာရာ မှန်သမျှကိုလည်း မေးခဲ့ကြပါတယ်။
“ပြည်ပ နိုင်ငံခြားအဆက်အသွယ်ရဖို့ သွားကြတဲ့အခါ၊ တရုတ်ပြည် ကွန်မြူနစ်ပါတီနဲ့ အဆက်အသွယ်ရဖို့ တရုတ်ပြည်ခရီးကို သွားကြတဲ့အခါ သခင်ဗဟိန်းနဲ့ ဆရာတာရာတို့ရဲ့ ၁၉၃၉ ခုနှစ်၊ ခရီးဟာ ဘယ်ပါတီ၊ ဘယ်အဖွဲ့အစည်း၊ ဘယ်ကော်မီတီက တာဝန်ပေးချက်အရ ဒါမှမဟုတ် ဘယ်သူတွေရဲ့mandate အရ သွားခဲ့ကြပါသလဲ”ဆိုတဲ့မေးခွန်းမျိုးကအစ သမိုင်း ဆိုင်ရာ သိလိုရာရာတွေကိုလည်း မေးခဲ့ကြပါတယ်။ အနုပညာဆိုင်ရာအရ ‘နွေနှောင်း ရွက်ကျန်’လို ကိစ္စလေးတွေမျိုးကနေ ‘မုဆိုး စိုင်သင်’ကိစ္စ၊ ‘ကာရန်မဲ့မဲ့ မမဲ့မဲ့၊ အဘိဓမ္မာ မမဲ့ဖို့’ဆိုတာမျိုးတွေအထိ စိတ်ဝင်စားစရာ မေးခွန်းမျိုးစုံကိုလည်း မေးခဲ့ကြပါတယ်။ ဆရာက တခုချင်း တခုချင်းကို အေးအေးဆေးဆေး လေးလေးနက်နက် ဖြေပါတယ်။ သမိုင်း ဆိုင်ရာကိစ္စမျိုးတွေကို ပြောတဲ့နေရာမှာတော့ ဆရာရဲ့ရုပ်ပုံဟာ သိသိသာသာကို ဖြေးလေး သွားပြီး မျက်မှန်ကြီးအစုံအောက်က ရီမှုန်လွန်းနေရှာပြီဖြစ်တဲ့ မျက်လုံးအစုံဟာလည်း ခံစား ချက်တွေနဲ့အတူ ပိုမိုမှုန်ဝေရီဆိုင်းတွဲ့နေပါတော့တယ်။ အတိတ်ကို ပြန်ခေါ်နေတဲ့ မျက်နှာပြင်ဟာ သိသိသာသာကို ငေးငေးလျလျဖြစ်သွားတာကိုလည်း မကြာခဏတွေ့လိုက် ရပါတယ်။ တော်တော်ကို ခံစားတတ်မှု၊ ရင်ခုန်တတ်မှု ပြင်းရှလွန်းတတ်သူလို့ အသိအ မှတ်ပြုထားရတဲ့၊ အင်မတန်မှ အနုပညာဆန်လွန်းလှတဲ့ အနုပညာရှင်ကြီးရဲ့ အနုပညာ ဆန်ဆန် မျက်နှာပြင်ဟာ ငေးငေးငူငူဖြစ်ဖြစ်သွားတဲ့အခါ အတွေးသမား၊ အငေးသမား တယောက်ရဲ့ရုပ်ပုံ ပိုမိုပေါ်လွင်လာတတ်ပြီး အဘိဓမ္မာရှင်တယောက်ရဲ့မျက်နှာအဖြစ်လည်း မကြာခဏ ကူးပြောင်းနေတာ တွေ့လိုက်ရပါတယ်။ ဆရာတာဆိုတာ တကယ့်ကဗျာဆရာ အစစ်တယောက်လည်းပဲ မဟုတ်လား။ တကယ့်ကဗျာဆရာအစစ်ဆိုတာ အနုပညာရှင် လည်း ဖြစ်သလို အဘိဓမ္မာရှင်လည်းပဲ ဖြစ်တယ်မဟုတ်လား။

(၅)
ကျနော် ထောင်ကထွက်လာပြီးတဲ့နောက်ပိုင်း ဆရာတာဆီကို လူတွေအများကြီး တအုံတမကြီးနဲ့ သွားကြပြီးတဲ့နောက်ပိုင်း ကျနော်တယောက်တည်းလည်း ဆရာတာရဲ့ မဲဇာတောကို အကြောင်းကြောင်းနဲ့ ရောက်ဖြစ်ခဲ့ရတာတွေ ရှိပါတယ်။
ရှစ်လေးလုံး အရေးတော်ပုံကြီး ပြီးကာစ အမျိုးသားဒီမိုကရေစီအဖွဲ့ချုပ်ကြီး ပေါ် ထွန်းလာအပြီး နိုင်ငံရေးပါတီတွေအသီးသီး ပေါ်ထွန်းလာစ ကာလမှာလည်း ကျနော် ရောက်ခဲ့ဖူးပါတယ်။ အဲဒီတုန်းက ဆရာတာက သူ့ရဲ့မူပိုင် အပြုံးမြမြနဲ့ပဲ “ဟိုတလောကတော့ ကိုအောင်ဝေးတို့တတွေ လာသွားကြတယ်ဗျ”တဲ့။ “အဲဒီတုန်းက အကြီးအကျယ်ကာလကြီး မဟုတ်လား။ ကိုအောင်ဝေးတို့က ခေါင်းမှာ ပုဝါနီတွေဘာတွေ ပတ်လို့”လို့ မမြင့်မြင့်စိန်က လည်း ပြုံးပြုံးကြီး ပြောလာပြန်တော့ ဆရာတာက ထပ်ပြီး လှလှပပပြုံးနေပြန်တာ တွေ့ရ ပြန်ပါတယ်။ အဲဒီတုန်းက ဆရာတာက… “မျက်စေ့က တော်တော်ကို မကောင်းတော့ဘူး။ မျက်စေ့အစား နားကိုပဲ ပိုပြီးအသုံးပြုနေရတယ်။ အဲဒီတော့ သတင်းတွေကိုတော့ တော် တော်ကို စုံအောင်နားထောင်ဖြစ်နေတယ်။ ရေဒီယိုတလုံးနဲ့ ဗမာလိုလွှင့်နေတဲ့ဟာတွေ မှန်သမျှအပြင် အင်္ဂလိပ်လို လွှင့်နေတာတွေရော ဘာရော၊ သတင်းတွေကတော့ စုံနေ အောင်ကို နားထောင်ဖြစ်ပါတယ်။ နားကိုပဲ နားရော မျက်စေ့ရော လုပ်ထားလိုက်ရသလို ဖြစ်နေတယ်။ ခက်တာက စာဖတ်ချင်တဲ့ဒုက္ခပဲ”လို့ စိတ်မကောင်းစရာ ပြောရှာတယ်။ ကျနော်က ဆရာ့မျက်နှာကို ငေးကြည့်မိရင်း ပင့်သက်ကို ဖွဖွလေး ခိုးပြီး ချမိတယ်။ “ကိုယ်တိုင်က စာဖတ်လို့မရတော့ မြင့်စိန်ကို ဖတ်ပြဖို့ ခိုင်းရတယ်။ သူကလည်း ဖတ်ပြရှာ ပါတယ်။ ဒါပေမယ့် သူ့ကို ဖတ်ပြဖို့ခိုင်းရတာဆိုတော့ ဆယ်ပုဒ်လောက် ဖတ်ချင်ရင်တောင် နှစ်ပုဒ်သုံးပုဒ်လောက်ပဲ စဉ်းစဉ်းစားစား ခိုင်းရတယ်။ သူ့စိတ်အခြေအနေက ဘယ်လိုရှိနေ သလဲ၊ ချက်ရ ပြုတ်ရ အိမ်ကိစ္စတွေအပြင် သူ့လုပ်ငန်းခွင်က အခြေအနေတွေကကော ကောင်းရဲ့လား၊ စိတ်အခြေအနေ ဘယ်လိုများရှိနေလိမ့်မလဲဆိုတာ နည်းနည်းတွက်ဆပြီးမှ ခိုင်းရတော့ ဆယ်ခါလောက် ခိုင်းချင်ရင်တောင် နှစ်ခါသုံးခါလောက်ပဲ ဖြစ်ဖြစ်သွားရတာပေါ့”လို့ တိုးတိုးညင်ညင်လေးနဲ့ ပြောပြတယ်။
အဲဒီနေ့က ဆရာတာနဲ့အတူ ကျနော်မှတ်မှတ်ရရ နှစ်ယောက်သား ထမင်းစားဖြစ် ခဲ့ပါတယ်။ မမြင့်မြင့်စိန်က ဆရာတာနဲ့ကျနော့်အတွက် ထမင်းဝိုင်းကို ပြင်ပေးပြီး သူကတော့ မစားသေးဘဲ နေပါတယ်။ ကျနော်က ဆရာတာ ထမင်းစားတာကို သေသေချာချာ ဂရု စိုက်ကြည့်နေမိရင်း ကျနော့်အမေရဲ့အဖေ ကျနော့်အဖိုးနဲ့ ကျနော် ကလေးဘဝက ထမင်း အတူစားခဲ့ရတာတွေကို မှတ်မှတ်ရရ ပြန်သတိရနေမိတယ်။ ကျနော့်အဖိုးက အသက် ၇၀ လောက်မှာ မျက်စေ့ကောင်းကောင်းမမြင်ရှာတော့ပါ။ အမေက ထမင်းပွဲပြင်ပေးရင် အဖိုးကို ကူရင်း ကျနော်လည်း ထမင်းအတူ လိုက်စားရပါတယ်။ အဖိုးက ကောင်းကောင်း မျက်စေ့ မမြင်တော့ အဲဒါက ဘာဟင်းဆိုတာ ပြောပြောပြရင်း မကြာမကြာ ဟင်းခပ်ပေးရပါတယ်။ ဟင်းချို ဒါမှမဟုတ် ချဉ်ရည်ဟင်းလို ဟင်းရည်သောက်ပန်းကန်ကိုတော့ ပန်းကန်ကြီးကြီးနဲ့ ထည့်ထားပြီး အဖိုးအနီးမှာ ကပ်ချထားပေးရပါတယ်။ ဟင်းရည်သောက်တာကိုတော့ အဖိုးက သူ့ဟာသူ ခပ်ပါတယ်။ ဒါပေမယ့် မျက်စေ့က မကောင်းတော့ ပန်းကန်ထဲကဇွန်းကို လူကောင်းတယောက်လို ဖျတ်ကနဲ တန်းတန်းမတ်မတ် ကောက်ပြီး အလွယ်တကူ ကိုင်နိုင်တာတော့မဟုတ်ပါ။ ပန်းကန်နှုတ်ခမ်းဘေးကို လက်ကလေးနဲ့ထိပြီး လက်ကလေးနဲ့ မသိမသာ ခပ်ဆဆလေးပတ်ပြီး စမ်းရင်း ဇွန်းကို စမ်းမိ ထိမိသွားတော့မှ ဇွန်းကို အိနြေ္ဒမပျက် ကောက်ကိုင်လိုက်နိုင်တာမျိုး ဖြစ်ပါတယ်။ ဆရာတာရဲ့ ဇွန်းကို ကိုင်လိုက်ပုံ ကိုင်လိုက်နည်းဟာကလည်း မျက်စေ့မကောင်းရှာတဲ့ ကျနော့်အဖိုး ကောက်ကိုင်လိုက်ပုံမျိုးနဲ့ ဆင်ဆင်တူနေပါတယ်။ ဆရာတာကို အနီးကပ် ဂရုတစိုက်ကြည့်လိုက်မိရင်း ကျနော့်မှာ စိတ်မကောင်းခြင်းကြီးစွာ ဖြစ်လိုက်မိပါတယ်။ ဆရာတာကတော့ သိမယ်မဟုတ်ပါ။
အကြောင်းဆုံတိုင်းလိုလို ရင်ထဲမှာ အမှတ်တရဖြစ်နေရတဲ့ ဆရာတာနဲ့ပတ်သက်ပြီး ကျနော့်ရဲ့အမှတ်အရဆုံး ခရီးတခေါက်လည်းပဲ ရှိပါသေးတယ်။
အဲဒါကတော့ ဆရာတာရဲ့လက်ရာ စာမူကို ပင်တိုင်ရေးပေးဖို့ စာမူသွားတောင်းခဲ့ရတဲ့ ခရီးဖြစ်ပါတယ်။ ကျနော့်ရဲ့မိတ်ဆွေတဦးက ဂျာနယ်တစောင်ထုတ်ဖို့ လုပ်ဆောင်နေရာမှာ ပါသင့်ပါထိုက်တဲ့ စာရေးဆရာကြီးတွေရဲ့ စာမူကို အပါတ်စဉ် မှန်မှန်ရနိုင်ရေးအတွက် ကျနော်ကပဲ တာဝန်ယူပြီး သူနဲ့အတူ ပူးပေါင်းလုပ်ဆောင်ဖို့ မေတ္တာရပ်ခံရာကနေ ဆရာ တာဆီက စာမူမှန်မှန်ရဖို့ ကျနော် သွားခဲ့ရတာဖြစ်ပါတယ်။ ဆရာတာနဲ့ အေးအေးဆေးဆေး နှစ်ယောက်သား စကားပြောခွင့် ကြာကြာရခဲ့ပါတယ်။ ကျနော်ပြောပြတဲ့ ထုတ်ဝေချင်တဲ့ ဂျာနယ်ရဲ့အနေအထားနဲ့ ဂျာနယ်ကို တာဝန်ယူထုတ်ဝေမယ့်သူရဲ့အခြေအနေကို ဆရာက သေသေချာချာနားထောင်ပြီး ခေါင်းညိတ်လိုက်ပါတယ်။
အဲဒီတုန်းက နိုင်ငံတကာ့အခြေအနေတွေက စစ်အေးခေတ်ရဲ့နိဂုံးဆီ ဦးတည်ရွေ့ လျားနေစပြုပါပြီ။ ဆိုဗီယက်က ဂလပ်စနော့နဲ့ ပယ်ရီစထွိုက်ကာတွေအပြင် ‘ဗဟုဝါဒ’ဆိုတဲ့ အသံတွေလည်း စီစီညံအောင် ကြားနေရစပြုပါပြီ။ ရေဒီယိုတလုံးနဲ့ သတင်းဌာနပေါင်းစုံက သတင်းမျိုးစုံကို သူများတွေထက်တောင် ပိုပြီးနားထောင်နေဖြစ်ခဲ့တဲ့ ဆရာတာဟာ ပြည်တွင်းက ဒီမိုကရေစီလှိုင်းခတ်သံတွေသာမက ပြည်ပနေရာပေါင်းစုံက နိုင်ငံတကာ့ ဒီမိုကရေစီရေစီးကြောင်းကြီးရဲ့အသံတွေကိုပါ အဆက်မပြတ်လိုလို သိရှိကြားနာနေခဲ့ရပြီး ပြီဖြစ်ပါတယ်။ ငယ်စဉ်ကျောင်းသားဘဝကတည်းက အောက်တိုဘာတော်လှန်ရေးရဲ့ အမြောက်သံနောက်မှာ ဗမာပြည်ကို မာ့က်စ်-လီနင်ဝါဒ စတင်ရောက်လာစ ရှေးဦးကာလ လောက်ကတည်းက သခင်အောင်ဆန်း၊ သခင်ဗဟိန်း၊ သခင်သန်းထွန်းတို့နဲ့အတူ (အထူး သဖြင့် ချစ်ခင်နားလည်မှုအရှိဆုံးဖြစ်တဲ့ သခင်ဗဟိန်းနဲ့အတူ)မာ့က်စ်ဝါဒကို စိတ်ပါဝင်စားစွာ လေ့လာလိုက်စားခဲ့ဖူးတဲ့ ဆရာတာရာဟာ သဘောတရားနဲ့အဘိဓမ္မာတွေကိုလည်း စိတ်ဝင် စားရုံမက ကိုယ်တိုင်လည်း အဘိဓမ္မာရှင်တပိုင်းမျှ ဖြစ်နေတဲ့ ဆရာတာဟာ နိုင်ငံတကာ့ အခြေအနေ၊ မာ့က်စ်ဝါဒအခြေအနေတွေအပေါ်မှာလည်း လေးလေးနက်နက် တွေးဆရှုမြင် ကြည့်နေတာတွေလည်း တော်တော်ကို ရှိနေလိမ့်မယ်ထင်ပါတယ်။ ဆရာတာက မျက်နှာကို အပြင်ဘက်ဆီ ငေးနေသလိုလို၊ ဆုံးစမရှိ တွေးနေသလိုလိုရှိရာက ကျနော့်မျက်နှာဆီ တည့်တည့်မတ်မတ်ကြည့်လိုက်ပြီး… “ကျနော် ပင်တိုင်ရေးပေးမယ်။ ‘မာ့က်စ်ဝါဒသစ်’ဆိုတဲ့ ခေါင်းစဉ်နဲ့ကို ရေးပေးမယ်။ ကလောင်နာမည်ကိုလည်း ဒဂုန်တာရာနဲ့မရေးဘဲ ‘မောင်…………’ နဲ့ပဲ ရေးမယ်။ အဲဒါကိုတော့ ဘယ်သူ့မှ မပြောနဲ့နော်”လို့ ပြောလာပါတယ်။ ဖြေးဖြေးချင်း တလုံးချင်း ပြောလိုက်တဲ့အသံဟာ တိုးတိုးညင်းညင်းပေမယ့် ပီပီသသ ကြည်ကြည်မြမြနဲ့ လေးနက်နေပါတယ်။
ကျနော်လည်း တော်တော်ကို ဝမ်းသာသွားမိပါတယ်။ အဲဒီနေ့က ဆရာတာရဲ့ မဲဇာကျေးလက်ကနေ ရန်ကုန်ကို ပြန်လာခဲ့ရတဲ့အချိန်ထိ ကြုံရာစီးလာခဲ့ရတဲ့ ခရီးသည် ဘတ်စ်ကားကြီးပေါ်မှာ ဆရာတာ ရေးပေးမယ့် ‘မာ့က်စ်ဝါဒသစ်’… ‘မာ့က်စ်ဝါဒသစ်’ဆိုတဲ့ ခေါင်းစဉ်ဟာ ကျနော့်သွေးကြောအားလုံးကို လှုပ်နှိုးထုပုတ်ရင်း ကျနော်နဲ့အတူ စီးမျောလိုက် ပါလာခဲ့ပါတယ်။ ဆရာတာ ဘာတွေရေးပြမလဲ၊ ဆရာတာရဲ့တွေးတတ်၊ မြင်တတ်၊ ခံစား တတ်မှုတွေကိုလည်း ယုံကြည်နားလည်နေမိရင်း ရှုဒေါင့်အသစ်ကနေ ရေးပြမယ့် ဆရာတာ ရာရဲ့အတွေးအခေါ်အမြင်အယူအဆသစ်တွေကိုလည်း ကြိုတင်စိတ်ဝင်စားနေမိခဲ့ပါတယ်။
ဒါပေမယ့် ကျနော်တို့မျှော်လင့်သလို မဖြစ်ခဲ့ရပါ။ ဂျာနယ်ထုတ်ဖို့ တဖက်တလမ်းက နေ ပြင်ဆင်ကြိုးပမ်းနေဆဲ ကာလမှာပဲ ထုတ်ဝေမယ့်သူကိုယ်တိုင် နရသိန်ထဲ စောစောစီးစီး ရောက်ရှိသွားခဲ့ရသလို ကျနော်ကိုယ်တိုင်လည်း အဖမ်းမခံရအောင် တချိုးတည်းနဲ့ ဝရမ်း ပြေးဘဝ ရောက်ခဲ့ရတဲ့အပြင် ပြည်တွင်းမှာတောင် နေလို့မရ၊ ပြည်ပအထိ လစ်ခဲ့ရပါတော့ တယ်။ အဲဒီကတည်းက ဆရာတာနဲ့ တွေ့ခွင့်ကြုံခွင့် စကားပြောခွင့်မရတော့တာလည်း အနှစ် ၂၀ နီးပါးလောက်တောင် ရှိပါပြီ။
ဆရာ့လက်ရာတွေမှန်သမျှ ရနိုင်သလောက် အဝေးကပဲ ဖတ်ရှုနေရပါတယ်။ ဆရာ့ အသံကို ရံဖန်ရံခါ လေလှိုင်းတွေပေါ်ကပဲ နားဆင်နေရပါတယ်။
ဆရာ့ရဲ့ ပင်ရင်းနှလုံးသားထဲက လာတဲ့ ‘ငြိမ်းချမ်းရေး - ညီညွတ်ရေး’ဆိုတဲ့အသံဟာ အရင်ကထက်တောင် ပိုပြီးကျယ်လောင်လာသလိုလည်း ခံစားလိုက်ရပါတယ်။ ဆရာ့ရဲ့ ဒဿနဆန်ဆန်စကား “ရန်သူမရှိ - မိတ်ဆွေသာရှိ၊ မုန်းသူမရှိ - ချစ်သူသာရှိ”ဆိုတာကို ကျနော်တို့တတွေ တတ်နိုင်သလောက် နားလည်နိုင်အောင် ခွဲခြမ်းစိတ်ဖြာ သုံးသပ်ကြည့်နေ မိပါတယ်။

(၆)
ကျနော့်တဦးချင်း ခံစားနားလည်မှုအရ ပြောရရင်တော့ ဆရာတာဟာ တကယ့် အနုပညာရှင်ကြီးတယောက်ပါ။
တကယ့် ငြိမ်းချမ်းရေးသမားကြီးတယောက်ဖြစ်သလို ပြည်သူ့ဘက်က ပြည်သူ့ရှေ့ ဆောင် တယောက်လည်းပဲ ဖြစ်ပါတယ်။
တပြိုင်နက်တည်းမှာ အဟောင်းအဆွေးတွေကို ဖြိုပစ်၊ အသစ်အသစ်တွေကို ဖန်တီး ချင်တဲ့ တကယ့်အသစ်ဖန်တီးရှင်တယောက်လည်းပဲ ဖြစ်ပါတယ်။ ဆရာဒဂုန်တာရာဟာ စာပေနယ်မှာ ‘တာရာ’ကို ထွန်းညှိခဲ့သလို ‘စာပေသစ်’ကို ရှေ့ဆောင်ကြွေးကြော်ခဲ့သူလည်း ဖြစ်ပါတယ်။ လက်ရာအသစ်တွေကိုသာမက စကားလုံးအသစ်တွေကိုပါ ထွင်ဖို့ အားသန်ခဲ့သူ ဖြစ်တဲ့အတွက် ဝေဖန်ရှုတ်ချသူတွေလည်း ရှိခဲ့သလို တွင်ကျန်ရစ်ခဲ့တာတွေလည်း ရှိပါတယ်။
‘ဝေါ့ဒစ္စနေ အပြာ’နဲ့ ‘ဝတ်လစ်စလစ် လမ်းမ’တို့ကို နှာခေါင်းရှုံ့သူတွေ တော်တော် များများရှိခဲ့ပေမယ့် ‘ပင်မရေစီး’၊ ‘ခေတ်ပြိုင်ခံစားမှု’နဲ့ ‘အလှဗေဒ’ဆိုတဲ့ စကားလုံးသစ်တွေက တော့ စာပေနယ်မှာ တွင်တွင်ကျယ်ကျယ် အသုံးပြုနေကြရပြီဖြစ်တဲ့ ဆရာတာရာရဲ့ ကောင်းမှုပြုချက်တွေပဲမဟုတ်လား။ ပန်းချီနဲ့အရောင်တွေကိုလည်း အနုစိတ် ချစ်တတ် မြင်တတ် ခံစားတတ်လွန်းတဲ့ဆရာဟာ အသစ်မြင်ရှုဒေါင့်ကနေ တီထွင်မှုရှိရှိလည်း ဖော်ပြသုံးစွဲတတ်သူဖြစ်ခဲ့တယ်။ ‘ရွှေအိုရောင်’၊ ‘ပန်းနုရောင်အို’ဆိုတာတွေအပြင် လကို တောင် ‘လစိမ်း’လို့ မြင်တတ် ဖော်ပြတတ်ခဲ့တာ ဆရာတာပဲမဟုတ်လား။ ပန်းချီကိုလည်း ဝါသနာထုံခဲ့ဖူးတဲ့ဆရာတာဟာ သူခံစားရတဲ့အတိုင်း အရောင်အမြင်အယူအဆတွေနဲ့ ပန်းချီ ကားတွေ ဆွဲခဲ့ဖူးတာ ရှိပါတယ်။ ဆရာတာတို့ရဲ့မဲဇာကျေးလက်က ဧည့်ခန်းဆောင်လေးထဲ မှာ ဆရာတာရဲ့လက်ရာ ‘မဲနယ်တောင်’ပန်းချီကားကို ကျနော် တွေ့ရဖူးပါတယ်။ ရှမ်း ပြည်ထဲက နေရာတခုရဲ့ရှုခင်းကို ပကတိအမြင် အရောင်တွေအတိုင်း ရေးဆွဲထားတာ မဟုတ်ဘဲ စိတ်အမြင်အရောင်တွေအတိုင်း ရေးဆွဲထားတယ်ဆိုတဲ့ အဲဒီပန်းချီကားလေးဟာ တမူထူးခြားသစ်လွင်နေပါတယ်။ ဂီတသမားလည်း အင်မတန်ဖြစ်ချင်ခဲ့ဖူးတဲ့ ဆရာတာဟာ စန္ဒယားခလုတ်တွေနဲ့ ထိတွေ့ညှိငင် တီးခတ်ရတဲ့အခါမှာကော…။ သာမန်အတိုင်း တီးခတ် ရတာကို မနှစ်သက် ထွင်လုံး ကွန့်လုံးလေးတွေနဲ့ တီးရတာကိုမှ မွေ့လျော်သူ။ အကွက်ရိုး အတိုင်း တီးခတ်ရင်တောင် အကွက်ရိုးအပေါ် အကွက်စိပ်စိပ် တွဲလုံးများများလေးနဲ့ တီး ခတ်တတ်သူအဖြစ်၊ အသစ်အသစ်တွေကို တီထွင်မှုရှိရှိ တီးခတ်ချင်သူအဖြစ် ဂီတ ကျွမ်းကျင်သူတွေကတောင် မှတ်ချက်ပေးခြင်းခံရသူမျိုး ဖြစ်ခဲ့တယ်။ ဆရာတာဟာ အရောင်တွေကို ခွဲခွဲခြားခြား နားလည်မြတ်နိုးခဲ့သလို သံစဉ်တွေနဲ့လည်း နွေးနွေးထွေးထွေး ရင်းနှီးကျွမ်းဝင်ခဲ့သူ ဖြစ်ပါတယ်။
စာပေ၊ ဂီတ၊ ပန်းချီဆိုတဲ့ အနုပညာရပ်တွေအားလုံးနဲ့ ရင်းနှီးကျွမ်းဝင် ချစ်ခင် မြတ်နိုးခဲ့သူဖြစ်ပေမယ့် ဆရာတာ ပေါ်လွင်ထင်ရှားခဲ့တာကတော့ စာပေအနုပညာနယ်မှာပါ။ အများက လေးလေးစားစား အသိအမှတ်ပြု နေရာပေးခဲ့ကြတာကလည်း စာပေအနုပညာ နယ်မှာပါ။ ဗမာပြည် စာပေအနုပညာလောကမှာ ကဗျာဆရာ၊ စာရေးဆရာအချင်းချင်းက တောင် အနုပညာခွန်အား ကြီးမားလှသူတယောက်အဖြစ် အသိအမှတ်ပြုရပြီး ဆရာကြီး သခင်ကိုယ်တော်မှိုင်းပြီးရင် စာပေသြဇာ အကြီးမားဆုံးသော တကယ့်ရှေ့ဆောင် ကလောင် ရှင်ကြီးတွေစာရင်းမှာ ရှေ့ဆုံးတန်းကနေ စာရင်းသွင်းထားရမယ့် အနုပညာရှင်ကြီး တယောက်ကတော့ ‘ဒဂုန်တာရာ’ဆိုတာ အားလုံးက လက်ခံကြလိမ့်မယ်ထင်ပါတယ်။ ဗမာ ပြည် စာပေအနုပညာဘဏ္ဍာတိုက်အတွင်း ဆရာဒဂုန်တာရာရဲ့ တီထွင်ဖန်တီးမှုရှိရှိ စာပေ အနုပညာလက်ရာတွေဟာ သမိုင်းကာလတလျှောက် တရိပ်ရိပ်တိုးပွား ဖြည့်ဆည်းနိုင်ခဲ့ပြီးပြီ ဖြစ်ပါတယ်။
ကဗျာမှာ ‘အလင်္ကာ’ကနေ ‘မာယာ’အလယ် - ကနေ့အထိ၊ ဝတ္ထုမှာ ‘မေ’ကနေ ‘ဒို့ခေတ်ကို ရောက်ရမည်မှာ မလွဲပါ’၊ ‘ကြယ်ရိပ်ပန်းနု’၊ ‘စိမ်းမြဧရာ’အလယ် - ကနေ့အထိ၊ ရုပ်ပုံလွှာအဖွဲ့အနွဲ့ စကားပြေမှာ ‘အောင်ဆန်း သို့မဟုတ် အရိုင်း’နဲ့ စလိုက်တဲ့ ‘ရုပ်ပုံလွှာ’ကနေ ‘ဖျတ်ကနဲ တွေ့ရသော ရုပ်ပုံလွှာကားချပ်များ’အလယ် - ကနေ့အထိ ရေးဖွဲ့ခဲ့တဲ့ ရုပ်ပုံလွှာ ပေါင်းများစွာ၊ စာပေလက်ရာ ကဗျာထွေထွေအတွင်း ဆရာတာရာရဲ့ မနည်းလှတဲ့ စာပေ အနုပညာ စံထားစရာတွေကိုလည်း ကျနော်တို့တတွေ တွေ့မြင်ခံစား ရင်ခုန်ခဲ့ကြရရင်း ဆရာတာအပေါ် ကျနော်တို့တတွေ လေးလေးနက်နက် တန်ဖိုးထားခဲ့ရပါတယ်။
ဗမာပြည် စာပေအနုပညာ မိုးကောင်းကင်ပေါ်မှာ ဆရာတာဟာ ဧရာမ ကြယ်စင် တပွင့် ဖြစ်ပါတယ်။ ကျနော်ကတော့ ဆရာတာကို ‘ရွှေအိုရောင် ကောင်းကင်သစ်ပေါ်က တောက်ပတဲ့ကြယ်ပွင့်ကြီး’အဖြစ် ရှုမြင်ပါတယ်။
တကယ်က ဆရာဒဂုန်တာရာရဲ့ကလောင်အမည် ‘တာရာ’ဆိုတာကိုက အများ ပြည်သူလူထုတွေကတော့ ‘ကြယ်’နဲ့တွဲပြီး ‘ကြယ်တာရာ’လို့ပဲ ခေါ်ဝေါ်လေ့ရှိကြပါတယ်။ တကယ်က ‘တာရာ’ဆိုတာ ကြယ်တပွင့်တည်းတောင် မကပါ။ တောက်ပထွန်းလင်းနေတဲ့ ‘ကြယ်စုကြီး’ဖြစ်ပါတယ်။ ကြယ်စင်တန်း၊ ကြယ်စုကြီးဖြစ်ပါတယ်။ အလင်းရောင်ဟာ တခု တည်းတောင် မကပါ။ အဘိဓါန်တွေမှာတော့ ‘တာရာ’ဆိုတာ ကြယ်အစု (constellation)ပဲ ဖြစ်ပါတယ်။ ဆရာတာရဲ့ ‘ဗဟိန်း သို့မဟုတ် ကဗျာ’ရုပ်ပုံလွှာကို အင်္ဂလိပ်လို ဘာသာ ပြန်ဆိုပေးခဲ့ဖူးတဲ့ သူကြီးဂေဇက် ဦးခင်မောင်ကတော့ ဆရာတာရာကို “တာရာဆိုတာ လှုပ်ရှားနေတဲ့ ဂြိုလ်နက္ခတ်တခုပဲ။ ရပ်နေတာမဟုတ်ဘူး”လို့ အနက်ဖွင့်လှစ်ပြောဆိုခဲ့ဖူး တယ်ဆိုပါတယ်။
ကျနော်ကတော့ ဆရာဒဂုန်တာရာကို ‘ရွှေအိုရောင် ကောင်းကင်သစ်ပေါ်က တောက်ပတဲ့ ကြယ်တပွင့်’အဖြစ်၊ ကြယ်စင်အဖြစ် ရှုမြင်ခံစားလိုက်ရပြီးတဲ့နောက် ကြယ်ရဲ့အရောင်ကိုပါ ဖော်ပြချင်လာပါတယ်။ ဆရာတာကိုယ်တိုင်က ‘ပန်းနုရောင်အို’နဲ့ ‘ပန်းနုရောင် နှစ်ကာလများ’ဆိုတာကို ဖွဲ့ဆိုခဲ့ဖူးတဲ့အပြင် ‘ပန်းနုရောင်ကို ကျနော်ချစ်သည်’လို့ ဖော်ပြခဲ့ဖူးတာတွေကိုလည်း အမှတ်ရမိပြီး ဆရာတာကို ဆရာတာချစ်တဲ့ အရောင်တွေနဲ့ပဲ ဂုဏ်ပြုချင်လာပါတယ်။ ဆရာတာဟာ တောက်ပတဲ့ ကြယ်တပွင့်၊ ပန်းနုရောင် ကြယ်တပွင့်၊ ပန်းနုကြယ်။
ဆရာတာရဲ့ စာပေအနုပညာတွေမှာ ကျနော် အနှစ်သက်ဆုံးအဖွဲ့အနွဲ့တခုဖြစ်တဲ့ ‘ရုပ်ပုံလွှာ’ရေးဟန်တွေမှာ ဆရာတာ ခေါင်းစည်းတပ်လေ့ရှိတဲ့ ဆရာ့ဟန်အတိုင်း ဆရာ့ကို လည်း မှတ်မှတ်ရရ ပြန်လည်ခေါင်းစဉ်တပ်ပြီး ဂုဏ်ပြုလိုက်ပါတယ်။ အဲဒါကတော့…
‘ဆရာဒဂုန်တာရာ (သို့မဟုတ်) ရွှေအိုရောင် ကောင်းကင်သစ်ပေါ်က တောက်ပတဲ့ ပန်းနုကြယ်’
‘ဆရာဒဂုန်တာရာ (သို့မဟုတ်) ရွှေအိုရောင် ကောင်းကင်သစ်ပေါ်က တောက်ပတဲ့ ပန်းနုကြယ်’။ ။

၊ဝင်းတင့်ထွန်း၊
၂၇၊ ၃၊ ၂၀၀၈

Read More...

07 May 2009

နိုင်ငံအတွက် ရင်နာတယ် (ဝင်းတင့်ထွန်း)

(၁)
‘နာဂစ်’တဲ့
ကမ္ဘာစစ်ထက်တောင် ပြင်းထန်
ဗုံးဒဏ်ကမှ ရှောင်လို့ရနိုင်သေး
ပြေးးလို့လည်း မလွတ်
ပုန်းလို့လည်း မလွတ်
ဘေးလွတ်ရာဆိုတာ နတ္ထိ
ကယ်သူဆိုတာလည်း မရှိခဲ့ရတဲ့ဘဝ
ရက်စက်လှတဲ့ ဒီမုန်တိုင်း
ရိုင်းလွန်းလှတဲ့ ကံကြမ္မာ
ရင်ကျိုးစရာတွေချည်းပါလား…။



အိမ်ခေါင်မိုးတွေ အကုန်လန်
ထရံမှန်သမျှ ပျက်ကြေပြတ်
ဓါတ်တိုင်တွေက ယိုင်လဲပြို
သစ်ပင်အိုကြီးတွေက တုံးလုံးပက်လက်
ရေတစက်မှမလာတဲ့ ရေပိုက်ခေါင်း
ထီးတော်စောင်းသွားခဲ့ရတဲ့ စေတီတော်
ကုန်းပေါ်ရောက်သွားခဲ့ရတဲ့ လှေသင်္ဘော
ရင်မောစရာ မြင်ကွင်းစုံ
ဒဏ်ရာပေါင်းစုံ မြင်ရတယ်…။

အမေမရှိတော့တဲ့ သား
သားမရှိတော့တဲ့ မိခင်
လင်မရှိတော့တဲ့ ဇနီး
ဇနီးမရှိတော့တဲ့ ယောက်ျား
သားသမီးမရှိတော့တဲ့ အဖေ
မိဘတွေ အားလုံးမရှိတော့တဲ့ ကလေး
ငိုကြွေးသံတွေက တညံညံ
ရှိုက်သံတွေက အလီလီ
ဧရာဝတီတခုလုံး အမှောင်ဖုံး
မဆုံးနိုင်တဲ့ သောကတွေ
ဘယ်လိုဖြေလို့ ပြေပါ့မယ်…။

ဗမာပြည်ရဲ့စပါးကျီ
ဧရာဝတီရဲ့ငိုရှိုက်သံ
တနိုင်ငံလုံး ကြားနေရ
ကြားရသူတိုင်း ရင်တွေနာ
မြင်ရသူတိုင်း အသဲနာ
… နာ … နာ … နာ
နာဂစ်… တဲ့
အနာဖြစ်ရုံမက
လည်မျိုညှစ်ချလိုက်သလို
ငိုသံတွေပါ ရေထဲနစ်
တဂစ်ဂစ်နဲ့ မျောပါရင်း
ရုန်းရင်းကန်ရင်း သေခဲ့ရ
ဆုံးခဲ့ရတဲ့ အသက်တွေ
ရေတွက်မရနိုင်အောင်ဘဲ များခဲ့တယ်…။

ကျွန်းညိုတောမှာ
ကွန်းခိုပြောစရာ မကျန်ရစ်
ရေပြင်ဖြစ်ပြီး ကွင်းလုံးမြုပ်
ရွာလုံးပြုတ်သွားခဲ့ရတဲ့ ကျေးရွာတွေ…
ငွေသောင်ယံတဝိုက်လည်း
သေအောင် ခံလိုက်ရပြီး လှိုင်းတွေအောက်
ရွာပါ ပျောက်သွားခဲ့ရတဲ့ဒေသတွေ…
မိန်းမလှကျွန်း
ဆတ်ကျွန်း
ဟိုင်းကြီးကျွန်း
…ကျွန်း …ကျွန်း …ကျွန်း
မြစ်ဝကျွန်းပေါ်တခုလုံး
ဝရုန်းသုန်းကား မုန်တိုင်းအောက်
ကုန်းကောက်စရာ မကျန်အောင်
နယ်လုံးပြောင်အောင် ခံလိုက်ရ
ပျက်ခဲ့ရတဲ့ အိမ်ယာတွေ…။

တဝုန်းဝုန်းပေါ့
လှိုင်းလုံးတွေနဲ့ လေပြင်းကြား
လွင့်မသွားရအောင် လူချင်းဖက်
လက်ချင်းဆက်ပြီး ကြိုးနဲ့ချည်
မျက်ရည်တွေနဲ့ ပင်လယ်ရေ
ဒုက္ခပင်လယ်ဝေတယ်ဆိုတာ ဒါမျိုးပေါ့
ကြိုးတစတည်း တွဲထားရင်း
သေမင်းခေါ်ရာ လိုက်သွားရ
ဆုံးရရှာတဲ့ မိသားစု
ရှုမိသူတိုင်း ရင်နင့်ဖွယ်…။

ကျွဲသေ နွားသေ ခွေးလည်း သေရ
ကြက်သေ ဝက်သေ ကြောင်လည်း သေရ
ဒီရေထဲမှာ…
ချာချာလည်အောင် မျောပါရင်း
ဆယ်ယူခြင်းမဲ့ အကောင်တွေ
နေရာပေါင်းစုံ မြင်ရတယ်…။

လူတွေလူတွေ လူသားတွေလေ
သေရပုံတွေ မြင်မကောင်း
အလောင်းတွေက ပေါလောစုန်
ဒိုက်ပုံကြီးလို မျောတာမျော
ကိုင်းတောစပ်မှာ တင်တာတင်
လမုပင်မှာ ငြိတာငြိ
မကြည့်ရက်စရာ မြင်ကွင်း
ကျင်းတူးမြှုပ်မယ့်သူ မလာ
အလောင်းရှာမယ့်သူ မမြင်
သရဏဂုံတင်မယ့်သူ မရှိ
ပိုင်ရှင်မရှိတဲ့သူတွေလို
ညာတကာမရှိတဲ့သူတွေလို
အို… နိုင်ငံမရှိတဲ့သူတွေလိုပါပဲလား…။

(၂)
မုန်တိုင်းဒဏ်အောက်
မသေမပျောက် ကျန်ပေမယ့်
သောက်စရာ ရေမရှိ
ရေအတိနဲ့ လှိုင်းတွေကြား
သောက်ရေရှားရ အဖြစ်ဆိုး
ရေတအိုးတောင် ပေးသူမရောက်
ရေတပေါက်လောက် တမ်းတရင်း
သေမင်းခေါ်သံ ကြားလိုက်ရ
သေရသူတွေ ရှိခဲ့တယ်…။

စားစရာမရှိ
ချိချိနဲ့နဲ့ အံကိုတင်း
ထမင်းလေးကို အိမ်မက်မက်
ဆန်ပြုတ်တခွက် မျှော်လင့်ရင်း
ကယ်တင်ခြင်းတွေ စောင့်မျှော်ကာ
ဗိုက်ဆာဆာနဲ့ ဆုံးပါးရ
သေရသူတွေ ရှိခဲ့တယ်…။

ကယ်သူမရှိ ရေတွေထဲ
အမိုးလည်း ဗလာ
အကာလည်း နတ္ထိ
ခြုံစရာမရှိ နေရရင်း
တမျှဉ်းမျှဉ်းနဲ့ ကြိတ်မှိတ်ခံ
မိုးဒဏ်လေဒဏ် အဖုံဖုံကြား
ရောဂါများစွာ ရခဲ့ရ
သေရသူတွေ ရှိခဲ့တယ်…။

မသေသင့်ဘဲ သေကြရ
ဒီဒုက္ခပေါင်းစုံတွေရဲ့တရားခံ
လက်သည်အမှန်ဟာ ဘယ်သူလဲ…။

သဘာဝဘေး ကပ်ဆိုးဒဏ်အပေါ်
မင်းဆိုးဒဏ်က ထပ်ဆင့်လောင်းတော့
မြင်မကောင်းအောင် သေခဲ့ရ
မြေမချရတဲ့ အလောင်းတွေ
ဧရာရေပြင် သိပါတယ်…။

ကယ်လိုသူတွေ ရှိပါလျက်နဲ့
ရက်စက်တဲ့ စစ်အုပ်စုကြောင့်
လူ့ကရုဏာတရားတွေနဲ့ ဝေးခဲ့ရ
ပေးခဲ့ရတဲ့ အသက်တွေ
ဝိဉာဉ်တွေရဲ့ငိုရှိုက်သံ
တနိုင်ငံလုံး ကြားနေရ
ပင်လယ်ဝက ဒီတွန်ချိန်
ဆည်းဆာချိန်တွေ မှောင်လွန်းတယ်…။

(၃)
ကယ်ဆယ်ရေးတွေ လုပ်ပြီးပြီ…တဲ့
ဒါ ရီစရာမဟုတ်
ပြက်လုံးထုတ်ပြီး ပြောနေတာမဟုတ်ပါ
ဒုက္ခသည်တွေအတွက်
ရက်ပေါင်းများစွာ ကြာတဲ့အထိ
ချက်စရာ ဝက်စာဆန်
ရေစိုဆန်က နို့ဆီဗူးလေးလုံး
အာလူးက သုံးလုံး
စားအုန်းဆီက ငါးကျပ်သား
ဆားက လက်တခုပ်
ခေါက်ဆွဲခြောက်က နှစ်ထုပ်စီ
ကယ်ဆယ်ရေးတွေ လုပ်ပြီးပြီ…တဲ့…။

နိုင်င့တကာက ပို့လိုက်တဲ့
ဒုက္ခသည်တွေအတွက်
ရွက်ဖျဉ်တဲတွေ အမြောက်အများ
ဘယ်ဆီရောက်သွားကုန်ပြီလဲ…။

သောက်စရာ ရေသန့်ပုလင်း
အချိုရည်ပုလင်းနဲ့ ရေသန့်ဆေးပြား
အားဖြည့်အစားအစာနဲ့ ထမင်းဗူး
နို့မှုန့်ဗူးနဲ့ ဆေးခြင်ထောင်
နိုင်ငံခြားစောင်အမျိုးမျိုးနဲ့ အဝတ်အထည်တွေ
ဒုက္ခသည်တွေထံ မရောက်
ဘယ်ဆီရောက်ကုန်ပါပြီလဲ…။

နိုင်ငံမျိုးစုံက
လာလိုက်ကြတဲ့ ခေါက်ဆွဲထုပ်
ဆန်ပြုတ်ထုပ်နဲ့ ဆေးဝါးတွေ
သွပ်ပြားတွေနဲ့ မိုးကာစ
သံချောင်းကနေ မီးစက်အထိ
လေယာဉ်အပြည့်နဲ့ ပစ္စည်းတွေ
ဒုက္ခသည်တွေ မမြင်ရ
ဘယ်ဆီရောက်ကုန်ကြပြီလဲ…။

စစ်အစိုးရ ယုတ်မာပုံ
တိုင်းလုံးတုန်အောင် မြင်ကြရ
ကူညီကြမယ့် အကူအညီတွေ
သူတို့တွေကတဆင့် ပေးရမတဲ့…။

နိုင်ငံသားအချင်းချင်း
ကိုယ့်ပြည်တွင်းက အလှူရှင်
စေတနာရှင်တွေကိုတောင် ခွင့်မပြု
ဝင်ခွင့်မပြု၊ မသွားရ
သူတို့ကပဲတဆင့် လှူဒါန်းရမတဲ့…။

နိုင်ငံတကာအကူအညီတွေအပေါ်
မတော်မလျော် ကမ္ဗည်းထိုး
အစိုးရရဲ့စေတနာ
ဗိုလ်ချုပ်ကြီးများရဲ့စေတနာ…တဲ့
ယုတ်မာရာမှာ ကမ်းကုန်တယ်…။

(၄)
နိုင်ငံတကာက ကျွမ်းကျင်သူ
ကယ်ဆယ်သူတွေ မဝင်ရ
စစ်အစိုးရ လက်မခံ
ငြင်းဆန်ခဲ့တာ ဘာ့ကြောင့်လဲ…။

သူတို့တွေရဲ့ယုတ်မာမှု
အတုအယောင် ဆန္ဒခံယူပွဲ
မဲခိုးပွဲကို မြင်သွားမှာ
စိုးရမ်တာလည်း ပါသလို…
နအဖရဲ့ရက်စက်ပုံ
ပြောမယုံနိုင် ဇာတ်လမ်းတွေ
သေသေချာချာ သိသွားကြ
ဆိုးရွားလှတဲ့ ဒုက္ခတွေ
သေသေချာချာ မြင်သွားကြ
နအဖရဲ့အုပ်စိုးမှု
လူထုကြီးက ရွံရှာတာ
ပေါ်လာမှာတွေ စိုးရိမ်ပြီး
အချည်းနှီးနဲ့ လိမ့်နေတာ
တကမ္ဘာလုံး သိပါတယ်…။

လိမ်… လိမ်… လိမ်… ဆက်ပြီးလိမ်
ဘယ်လိုလိမ်မလဲ - လိမ်နေဆဲ
အလိမ်ပြေချိန် အရှိန်ရပ်တော့
သတ်ဖြတ်ခဲ့တဲ့ အမှုတွေ
ငတ်ပြတ်ခဲ့ရ အမှုတွေ
သေခဲ့ရတဲ့ အမှုတွေ
ပင်လယ်ရေနဲ့ ဆေးမရ
မိုးမှောင်ညကြီး ရှည်ခဲ့တာ
စစ်အာဏာရှင်တွေ တရားခံ
နိုင်ငံအတွက် ရင်နာတယ်…
နိုင်ငံအတွက် ရင်နာတယ်…။ ။

၊ဝင်းတင့်ထွန်း၊
၂၂၊ ၅၊ ၂၀၀၈
(မုန်တိုင်းဒဏ်သင့် အမိနိုင်ငံတော်သား ဗမာပြည်သားအားလုံးသို့)

Read More...

သမိုင်းသက်သေ တင်ခဲ့ပြီ (ဝင်းတင့်ထွန်း)

(၁)
ဗန်းမော်တင်အောင်ဆိုတာ
ကလောင်သာ နီတာမဟုတ်
ပုဂ္ဂိုလ်အရလည်း ထက်မြတ်
ပြည်သူ့ဖက်က ရှေ့ဆောင်
ပြည်သူ့အလင်းရောင်…။



ဒီအလင်းရောင်ကို
အမှောင်တွေက ရန်သူလုပ်
ချုပ်ကြ အုပ်ကြ ဖမ်းဆီးကြလည်း
ဖုံးကြ ဖိကြ ဖျက်ဖြိုကြလည်း
ညတကာကို ကျော်ဖြတ်ရင်း
အလင်းဟာ အလင်း
ကြာလေ လင်းလေ ဝင်းပလေပေါ့
ညတာနက်လေ ထင်ရှားလေပေါ့
မဖျော့မမှိန် တထိန်ထိန်နဲ့
အရှိန်မပျက် ဂုဏ်သိန်လက်ခဲ့
သမိုင်းသက်သေ တင်ခဲ့ပြီ…။

(၂)
ဗမာစာပေသမိုင်းမှာ
ဆရာကြီးမှိုင်းရဲ့လမ်းကြောင်းပေါ်
ခေါင်းမော်ပြီး ချီတက်
ပြည်သူအတွက် ဦးထိပ်ပန်
နိုင်ငံရေးစံသာမက
အနုပညာစံအရပါ တံခွန်ထူ
စာပေသြဇာကြီးသူတဦးဖြစ်ခဲ့တာ
ဆရာဗန်းမော်တင်အောင်ပါပဲ…။

‘တော့ကာသာ ဘဲရယ်နဲ့’လို့
ခနဲ့ချင် ခနဲ့
ကဲ့ရဲ့ချင် ကဲ့ရဲ့
ရင်ထဲကလာတဲ့ ပင်ကိုယ်အသံနဲ့
ကိုယ်ပိုင်ဟန် ထူထောင်ပြီး
သြဇာကြီးခဲ့တဲ့ ကလောင်ဟာ
ဗန်းမော်တင်အောင်ပဲဆိုတာ
စာပေနယ်တခုလုံး သိပါတယ်…။

ဗန်းမော်တင်အောင်ကို
ထောင်ထဲသွင်း
အကျဉ်းချ
တကျွန်းပို့
ချေမှုန်းဖို့ကြိုးစား
မတရားပြုခဲ့ကြသူတွေသာ
(ခုတော့…) ထာဝရသေဆုံး
ပျက်သုဉ်းသွားရရင်း
သမိုင်းအမှိုက်ခြင်းထဲ ရောက်သွားရ
ဗန်းမော်တင်အောင်ကတော့ ခပ်ပြုံးပြုံး
အသက်ဆုံးသွားပေမယ့် ဆက်ရှင်သန်
နာမည်တွင် ကျန်ခဲ့ရုံမျှသာမက
စံထားရမယ့် သူ့လက်ရာ
အနုပညာတွေပါ ဆက်ပြီးကျန်
အမှန်တရားဖက်က ရပ်တည်ရင်း
အချိန်ကာလမျဉ်းတွေကို လွန်မြောက်
ရှင်သန်ထမြောက်မှုတွေနဲ့ ဆက်ပြီးရှင်
ဂုဏ်ရောင်တလွင်လွင်နဲ့ တောက်ပဆဲ
နှလုံးသားထဲက ဒီကြယ်နီ
ကမ္ဘာနည်သရွေ့ တည်ပါစေ…။ ။

၊ဝင်းတင့်ထွန်း၊
၁၈၊ ၁ဝ၊ ၂ဝဝ၇

Read More...

ရေဆန်တက်နှင့် လေဆန်ငှက် (ဝင်းတင့်ထွန်း)

အို… လှေငယ်ရှင်
ရေဆန်လမ်းလည်း လှော်ရသေး
လှေကွဲကြီးလည်း ဖြစ်နေသေး
ရွက်တိုင်ကလည်း ကျိုးနေသေး
ဝဲကတော့ထိုး၊ ရေလှိုင်းဆိုးကြား
တက်ကျိုးနဲ့သာ၊ လှော်ရပါလည်း
လှော်ခက်ရဲစွ
ဘယ်ကအားမာန် ရသနည်း…
ဘယ်အတွက် အသင်လှော်သနည်း…။



လှေငယ်ရှင်။ ။တဖက်ကမ်း၌
အောင်ပန်းရှိသည်၊ ငါယုံကြည်၍
ယုံကြည်မှုမှ၊ အားမာန်ရကာ
လှော်ခဲ့ပါသည်
ရှေ့မှာပန်းတိုင် ငါမြင်ပြီ…။

အို… လေဆန်ငှက်
လေဆန်လမ်းလည်း ပျံရသေး
ဒဏ်ရာကလည်း ရခဲ့သေး
တောင်ပံကလည်း ကျိုးနေသေး
သွေးတွေစီးဖြာ၊ ရင်နာနာဖြင့်
ပျံကာနေရ၊ သွားနေရလည်း
ပျံသန်းရဲစွ
ဘယ်ကအားမာန် ရသနည်း…
ဘယ်တွက်အသင် ပျံသနည်း…။

လေဆန်ငှက်။ ။ တဖက်ကြော၌
ပန်းတောရှိသည်၊ ငါယုံကြည်၍
ယုံကြည်မှုမှ၊ အားမာန်ရကာ
ပျံခဲ့ပါသည်
ရှေ့မှာတောရိပ် ငါမြင်ပြီ…။ ။


၊ဝင်းတင့်ထွန်း၊
၁၉၈၃၊ အင်းစိန်ထောင်


Read More...

05 May 2009

ကျနော် နယ်စပ်ကို ခရီးထွက်နေရလို့ ခုမှပဲ ပြန်ထိုင်နိုင်ပါတော့တယ်။ လာလည်ကြသူတွေကို ချက်ချင်းစာမပြန်နိုင်ခဲ့တာ ခွင့်လွှတ်ပါ။ အသစ်တွေ ထပ်တင်ဖို့ စာစီရပါဦးမယ်။

Type rest of the post here

Read More...

09 April 2009

တောင်အာရှ စာပေပွဲတော်




၉ ကြိမ်မြောက် တောင်အာရှနိုင်ငံများ စာပေပွဲတော် (SAARC Festival of Literature)ကို မတ်လ ၁၃ ရက်ကနေ ၁၆ ရက်နေ့ထိ အိန္ဒိယနိုင်ငံမှာ ကျင်းပခဲ့ပါတယ်။ ကျင်းပခဲ့တဲ့နေရာကတော့ ကမ္ဘာ့အံ့ဖွယ်များထဲက တခုအပါအဝင်ဖြစ်တဲ့ တာ့ခ်ျမဟာ (Taj Mahal)အဆောက်အဦကြီး တည်ရှိရာ အိန္ဒိယပြည် မြောက်ပိုင်း အာဂရာ (Agra)မြို့မှာ ဖြစ်ပါတယ်။

ဒီစာပေပွဲတော်ကို သက္ကရာဇ် ၂ဝဝဝ ပြည့်နှစ်ကတည်းက SAARC လို့ခေါ်တဲ့ တောင်အာရှဒေသတွင်းပူးပေါင်းဆောင်ရွက်ရေးအဖွဲ့ကြီးရဲ့အဓိက အစိတ်အပိုင်းဖြစ်တဲ့ Foundation of SAARC Writers and Literature (FOSWAL)ကနေ ကမကထပြုခဲ့တာ ဖြစ်ပါတယ်။ ဒါ့အပြင် အိန္ဒိယ နိုင်ငံခြားရေးဝန်ကြီးဌာနရဲ့ပူးပေါင်းဆောင်ရွက်မှုနဲ့ အကောင်အထည်ဖော်ခဲ့ကြတာလည်းဖြစ်ပါတယ်။ အစပိုင်းမှာတော့ SAARC အဖွဲ့ဝင်နိုင်ငံတွေဖြစ်ကြတဲ့ အိန္ဒိယ၊ ပါကစ္စတန်၊ ဘင်္ဂလားဒေ့ရှ်၊ နီပေါ၊ ဘူတန်၊ သီရိလင်္ကာနဲ့ မားလ်ဒိုက်ဖ်နိုင်ငံတွေသာ ပါဝင်နိုင်ခဲ့ပြီး အာဖဂန်နစ္စတန်နိုင်ငံကိုတော့ နောက်ပိုင်းမှာ ဖိတ်ကြားပါဝင်စေခဲ့ပါတယ်။ ဒါကြောင့် နှစ်စဉ် စာပေပွဲတော်ကို ၈ နိုင်ငံလုံး ပါဝင်တက်ရောက်နိုင်ခဲ့ရာမှာ ခုနှစ် ၂ဝဝ၉ ခုနှစ်မှာတော့ ဗမာပြည်ကိုပါ ဖိတ်ကြားတက်ရောက်စေခဲ့ပါတယ်။

ဗမာပြည်ဟာ SAARC အဖွဲ့ဝင်နိုင်ငံမဟုတ်ပေမယ့် ဖိတ်ကြားရတဲ့အကြောင်းကတော့ တောင်အာရှရဲ့ယဉ်ကျေးမှုတွေဟာ အာဖဂန်နစ္စတန်ကနေ ဗမာပြည်ထိ ဆက်နွှယ်ပြန့်နှံ့နေတယ်ဆိုတဲ့ စဉ်းစားချက်ကြောင့် ဒီလို စာပေယဉ်ကျေးမှုဖလှယ်ပွဲကို ဖိတ်ကြားရတာဖြစ်တယ်လို့ဆိုပါတယ်။ ဗမာပြည်က အထင်ကရ စာရေးဆရာတွေဖြစ်ကြတဲ့ နေဝင်းမြင့်နဲ့ ဂျူးကို ဖိတ်ကြားခဲ့ပေမယ့် နှစ်ဦးစလုံး မတက်ရောက်နိုင်ခဲ့ကြပါဘူး။ ဆရာနေဝင်းမြင့်ထံမှ အကြောင်းတစုံတရာ ပြန်ကြားတာမရှိခဲ့ပေမယ့် ဆရာမ ဂျူးအနေနဲ့ ဆရာမရဲ့အသက် ၉၈ နှစ်အရွယ် ဖခင်ကြီးကို အနီးကပ်ပြုစုစောင့်ရှောက်နေရလို့ မလာနိုင်တော့တဲ့အကြောင်း ပြန်ကြားလာပါတယ်။ ဒါ့အပြင် ဆရာမက “သက်ကြီးရွယ်အို မိဘများကို ပြုစုစောင့်ရှောက်ခြင်းဟာ (တောင်အာရှ)ဒေသကြီးတခုလုံးက ကျမတို့အားလုံးအတွက် အင်မတန်အရေးကြီးတဲ့ တာဝန်တရပ်ဖြစ်ပါတယ်။”လို့ အကြောင်းပြန်ကြားစာထဲမှာ ထည့်သွင်းရေးသားဖော်ပြခဲ့ပါတယ်။

ဒီနှစ်ပွဲတော်ကိုတော့ အဓိကအားဖြင့် ‘အကြမ်းဖက်မှု’ (Terrorism)အန္တရာယ်အပေါ် အဓိကထား ဆွေးနွေးကြပါတယ်။ တောင်အာရှဒေသတခုလုံးကို ခြိမ်းခြောက်နေတဲ့ ဒီအန္တရာယ်ကို စာရေးဆရာ၊ ကဗျာဆရာ၊ ပညာတတ်အတန်းအစားများအနေနဲ့ ဘယ်လိုတုန့်ပြန်ကာကွယ်နိုင်မလဲဆိုတဲ့အချက်ကို ဆွေးနွေးကြတာ တွေ့ရပါတယ်။ စာတမ်းဖတ်ချိန်တွေက ကြာပြီး ပြန်လည်ဆွေးနွေးချိန်တွေက နည်းလွန်းတော့ ထမင်းစားချိန်၊ လ္ဘက်ရည်သောက်ချိန်၊ နားနေချိန်တွေမှာ နီးစပ်သလို ဆွေးနွေးရတာများပါတယ်။

အာဂရာမြို့ရဲ့ ဟိတ်ဟန်မကြီးတဲ့ တထပ်တိုက် Grand Hotel ခန်းမမှာ နေ့စဉ် ၄ ရက်ဆက်တိုက် ကဗျာတွေရွတ်ကြ၊ စာတမ်းတွေဖတ်ကြနဲ့ မတူညီတဲ့အတွေ့အကြုံတွေနဲ့ ပြဿနာတွေကို ခံစားနားလည်လာရပါတယ်။ ‘အကြမ်းဖက်မှု’ဆိုတာကို အဓိပ္ပါယ်ဖွင့်ကြပါတယ်။ အဘိဓါန်ထဲက၊ ဘဝလက်တွေ့ထဲက။ SAARC ရဲ့ ညီလာခံတွေထဲမှာ နိုင်ငံရေးသမားတွေ မပါဘူးဆိုတဲ့ စာပေပွဲတော်၊ ကဗျာပွဲတော်လို့ဆိုပေမယ့် သတင်းတွေထဲမှာ လောလောလတ်လတ် အကြမ်းဖက်မှုကို ရင်ဆိုင်နေရတဲ့ အိန္ဒိယ၊ ပါကစ္စတန်၊ သီရိလင်္ကာ၊ ဘင်္ဂလားဒေ့ရ်ှနဲ့ အာဖဂန်နစ္စတန်တို့က ကဗျာဆရာတွေရဲ့ ခြောက်ခြားဖွယ်ကဗျာတွေ၊ အေးချမ်းတဲ့ မဲလ်ဒိုက်ဖ်လို နိုင်ငံက ရိုမန်းတစ်ကဗျာတွေ၊ ဘူတန်ဒုက္ခသည်တွေဆီက အိမ်အလွမ်းတွေ၊ နီပေါက တောင်တန်းပြာနဲ့အောင်လံနီ တလွင့်လွင့်ဝေ့သံတွေဟာ သက်ဆိုင်ရာတိုင်းပြည်တို့ရဲ့ နိုင်ငံရေး၊ လူမှုရေးအခြေအနေတွေကို ရင်ခုန်နေမိကြတာတွေ့ရပါတယ်။

ဗမာပြည်ကိုယ်စား အဖိတ်ကြားခံရတဲ့ ဆရာတို့နှစ်ယောက်အပြင် ပြည်ပရောက် စာနယ်ဇင်းသမားတွေထဲကလည်း ၃ ဦး အဖိတ်ကြားခံရလို့ သွားတက်ခဲ့ကြပါသေးတယ်။ ဒီဗီဘီသတင်းထောက် ကိုခင်မောင်စိုးမင်း၊ မဇ္ဈိမသတင်းထောက် ကိုမျိုးမြင့်အောင်နဲ့ ကျနော်(နေမင်းနီ)တို့ပါ။ ဒေသခံသတင်းထောက်တွေရဲ့မေးမြန်းချက်ကို ဖြေရတော့ ကျနော်တို့ဗမာပြည်မှာ Terrorism လို့ခေါ်တဲ့ အကြမ်းဖက်မှုမျိုးတော့ မရှိကြောင်း၊ သို့သော် ‘နိုင်ငံတော်အကြမ်းဖက်မှု’ (State Terrorism)သဏ္ဍာန်နဲ့တော့ စစ်အစိုးရက ကျင့်ကြံနေကြောင်း ရှင်းပြဖြစ်ခဲ့ပါတယ်။

ဗမာပြည်ကိုယ်စား ကဗျာရွတ်ဆိုခွင့် ၂ ကြိမ်ရရှိခဲ့လို့ ၂ ပုဒ်ရွတ်ဆိုပြခဲ့ပါတယ်။ ဘာသာစကားအရသာ ခံစားနိုင်ဖို့ မူရင်းဗမာလိုရော၊ အင်္ဂလိပ်ဘာသာပြန်ကိုပါ ရွတ်ဆိုခိုင်းတာပါ။ ကျနော့်အနေနဲ့ ကိုယ်လေးစားတဲ့ဆရာကြီးတွေရဲ့မာစတာပိစ် ကဗျာတွေကို ရွတ်ဆိုပြလိုက်ချင်တာပါ။ (ဥပမာ… ဆရာစွမ်းရဲ့ အနီနဲ့အပြာထဲက တပုဒ်ပုဒ်ပေါ့) သို့ပေတဲ့ သူတို့စည်းကမ်းက ပင်ကိုယ်ရေး ကဗျာတွေကိုသာ ရွတ်ဆိုခွင့်ရှိတာမို့ (ကိုယ့်ထက် ဘာသာစကားကျွမ်းကျင်သူတွေကို အင်္ဂလိပ်လို ဘာသာအပြန်ခိုင်းပြီး) ကိုယ့်ကဗျာကို ကိုယ်တိုင်ရွတ်ဆိုပြခဲ့ပါတယ်။

သူငယ်ချင်းသို့ အိတ်ဖွင့်ပေးစာ

သူငယ်ချင်းရာ
သစ္စာပန်းပု၊ သွေးနဲ့ထုပြီး
ငါ… အခု စာရေးလိုက်တယ်…။

မင်းရဲ့ငယ်ပေါင်း၊ သံစဉ်ပြောင်းပြီး
ကျောင်းတော်ကိုခွါ၊ ကာရန်မဲညစ်
တော်လှန်ပစ်ဖို့ ကြိုးစားနေတယ်…။

ဒီအချိန်မယ်
လွယ်အိတ်လေး၊ စင်္ကြန်ဘေးမှာ
ချေးညှော်ကပ်လျက်၊ ထားရက်သူကို
စောင့်ကြိုနေတာ မြင်မိမယ်…။

ထိုင်ခုန်အိုရွဲ့ ၊ ပိုးမျှင်ဖွဲ့လို့ 
တိုးသဲ့ရှိုက်သံ
ရံဖန်ရံခါ ကြားမိမယ်…။

ဒို့ကိုချစ်လှ၊ ဆရာမလည်း
တမ်းတပူဆွေး
ဟိုအဝေးက ကျောင်းပြေးလေးကိုလေ…။

ကျောင်းရှေ့ကလမ်း၊ တမာတန်းမှာ
ခြေရာတခု၊ သမိုင်းပြုဖို့ 
သွန်းထုပုံဖော်နေရော့မယ်…။

ကျောင်းဝတ်ဖြူစိမ်း၊ ဒီဇာတ်သိမ်းပြီး
ဖယ်တိမ်းခွဲခွါ၊ နေခဲ့ကြာလည်း
ပညာမုန်း၍ မဟုတ်ပါ…။

ခေါင်းလောင်းချိုမြ၊ အချက်ပြသော်
ခန်းဝမဝင်၊ ဟိုးအပြင်မှာ
ရောက်နေတာလည်း
ပညာမုန်း၍ မဟုတ်ပါ…။

ငါ့နာမည်အုပ်၊ မင်နီသုတ်ပြီး
ကျောင်းထုတ်ခံရ၊ ဒီကိစ္စလည်း
ငါ့စာညံ့၍ မဟုတ်ပါ…။

ပညာရှာရင်း၊ ပြည်သူတွင်းမှာ
သက်ဆင်းမိတော့
ငါသိဉာဏ်စဉ်၊ အသဲပြင်မှာ
စွဲထင်နှိပ်ကပ်
'ငါ့ရပ်တည်ချက်၊ ပြည်သူ့တွက်'လို့
တသက်ဘဝ၊ ပုံခဲ့ရပြီ
ခဏလွမ်းစိတ် ကျောင်းရိပ်ဆီ…။

စစ်အတွင်းမှာ
လူဖြစ်လာရ၊ တို့ဘဝလည်း
ငယ်ကသင်တွေး
ကျေးညီနောင်လို၊ ဟိုဒီကွဲကွာ
ယုံကြည်ရာလည်း
တွယ်ရာကိုင်းပေါ် တည်ကြတယ်…။

ငယ်စဉ်အခါက
ငါတို့အတွက်၊ ရည်မှန်းချက်လေ
'ဆေးတက္ကသိုလ်'တဲ့
ခုလိုချိန်မှ၊ တက်ခဲ့ရပြီ
'ဘဝတက္ကသိုလ်'၊ ငါ့ကုသိုလ်ပေါ့
ဟို့ဟိုအဝေးကို ရောက်ခဲ့ပြီ…။

ဝေးခဲ့ရပြီ
ကျောင်းတော်ဆီကို
တချီအိပ်မက်၊ တချက်တွေးပြင်
လွမ်းမိရင်လည်း
မြင်ဆဲဖန့်ဖန့်၊ ဆွတ်ပျံ့ပျံ့လေ
မိုးနံ့နှင်းနံ့ ကြူနေဆဲ….။

နေလိုထွန်းပပြီး
လလိုရွှန်းမြခဲ့တဲ့ တက္ကသိုလ်
ခုတော့
နေလို လလို
ဝေးခဲ့ရပြီပေါ့ တက္ကသိုလ်…။

သူငယ်ချင်း
မင်းလက်သီးဆုပ်နဲ့
မျက်ရည်သုတ်လိုက်ပါကွာ…။ ။

၊နေမင်းနီ၊

Read More...

07 April 2009

လွမ်းကြပါတော့ ရဲဘော်တို့ရေ (သခင်ဗသိန်းတင် ၁၉၁၄-၉၇) ဝင်းတင့်ထွန်း


၁။
“ရဲဘော်တို့
မိတ်ဆွေတို့
ပြည်သူလူထု အပေါင်းတို့…”
စိမ်းစိမ်းညို့ညို့ တောင်တန်းတွေကို ဖြတ်ကျော်
သံလွင်ပေါ်ကနေ ဧရာဝတီ
ဒုဋ္ဌဝတီ၊ ချင်းတွင်း၊ စစ်တောင်း
မြစ်ရိုး၊ ချောင်းဖျား
ရှိုကြား၊ လယ်ကွင်း
အိမ်တွင်း၊ တဲတွင်း
ဆားကျင်း၊ သတ္တုတွင်း
မိုင်းတွင်းတွေထဲ
လူထုထဲအနှံ့
ဖြန့်ကျက်လိုက်တဲ့ အသံ
ထားဝယ်သံ ဩဩကြီးနဲ့
ဥက္ကဋ္ဌကြီးရဲ့ အဖွင့်နှုတ်ခွန်း
ပထမဆုံးသော
ပြည်သူတရပ်လုံးသို့မိန့်ခွန်းဟာ


မြယာတောလယ် ကြွေခ
ကြယ်စင်မြများကို အလေးပြုရင်း
အရှင်းလင်းဆုံး ဖော်ပြ
အလယ်ရိုးမရဲ့ ဗဟိုချက်
ရှမ်းကုန်းပြင်မြင့်ဘက်က ဆက်ခံ
တော်လှန်တဲ့ သမိုင်းကြောင်း
သွေးသစ်လောင်း နှိုးဆော်
“ရဲဘော်တို့…
ကြိုးစင်ပေါ်မှာ
ထောင်ထဲမှာ
တရားရုံးမှာ၊ အချုပ်ဂါတ်ထဲမှာ
ဘယ်နေရာမှာဖြစ်ဖြစ်
ဘယ်နေရာရောက်ရောက်
ဘယ်တော့မှ ဒူးမထောက်ရဘူး
ဒူးမထောက်ရဘူး
ဒူးမထောက်ရဘူး…”တဲ့
ရင်ထဲကို စူးဝင်
နားဆင်လိုက်ရ
ဘယ်တော့မှ မမေ့စရာ
ဒါ
ဥက္ကဋ္ဌကြီးရဲ့အသံ
ဒုတိယမ္ပိ ကြားမိဖူးခြင်းပါ…။

ပထမဆုံးအကြိမ်က
ကျနော့်အသက်က ဆယ့်သုံးလေးနှစ်
၁၆၉၇ ခုနှစ်
ဗမာပြည်မှာ ဆန်ပြဿနာ စပေါ်တဲ့နှစ်
တရုတ်-ဗမာ အရေးအခင်း ဖော်တဲ့နှစ်
ပီကင်းအသံ လေလှိုင်းကြားက
ဥက္ကဋ္ဌကြီးရဲ့ စကားပြောသံ
သာမန် အလယ်တန်း ကျောင်းသားလေးအဖြစ်
လှစ်ကနဲ တဝက်တပြက်
လျပ်တပြက် ကြားဖူးတယ်…။

၁၉၈၁
‘မင်းရန်အောင်’ထိုးစစ် ပြီးတဲ့နောက်ပိုင်း
တတိုင်းပြည်လုံးသို့ ရှင်းပြချက်
ငြိမ်းချမ်းရေးဆွေးနွေးပွဲ ပျက်ခဲ့ရတဲ့ဇာတ်ကြောင်း
ပြည်သူအပေါင်းသို့ တင်ပြချက်
သမိုင်းစာမျက်နှာထက် တင်ထားရမယ့်
ဗမာပြည်မှာ
ပါတီစုံ ဒီမိုကရေစီ ကျင့်သုံးရေး
ပြည်တွင်းစစ် ရပ်စဲရေး
အမျိုးသားသွေးစည်းညီညွတ်ရေး တောင်းဆိုသံ
အမိနိုင်ငံရဲ့ရှေ့ရေး မျှော်တွေးထောက်ရှု
လူထုအကျိုးစီးပွားဘက်က
ထာဝရရပ်တည်ရင်း ရှင်းလင်းမြွက်ဟ
ဥက္ကဋ္ဌကြီးရဲ့ စကားသံ
‘ပြည်သူ့အသံ’ နားထောင်ရင်း
အမှောင်တွင်းကနေ ကြားရ
ဒါ… တတိယမြောက် အကြိမ်ပါ…။

၁၉၈၉
မုတ်သုန်မိုးက သည်းထန်ဆဲ
စစ်ဘီလူးသရဲများရဲ့ ကောင်းမှုနဲ့
၈၈ ခုနှစ် အရေးတော်ပုံကြီးအတွင်း
ကွန်မြူနစ်ပါတီတွင်း ခေါင်းဆောင်ကြီးများရဲ့
လူထုလှုပ်ရှားမှု ဒီရေအပေါ် အကဲဖြတ်ချက်
လေးလေးနက်နက် ဆွေးနွေးနေဟန်
အပြန်အလှန်ပြောဆိုနေကြပုံတွေ
ဗီဒီယိုအခွေကနေတဆင့်
ထုတ်လွှင့်ပြတာ ကြည့်ရရင်း
ကြယ်နီဦးထုပ် တဝင်းဝင်းနဲ့ဥက္ကဋ္ဌ
ခပ်ဖွဖွ ပြုံးပြီးပြော
ကိုယ့်ကိုများ ပြောလိုက်သလားထင်ရ…
“ကျနော်တို့ရဲဘော်တွေက
လက်ဝဲကျလိုက်တာ
မဆလထဲ ဝင်လုပ်ခိုင်း အလုပ်လုပ်ခိုင်းရင်
မလုပ်ချင်ကြဘူး…”တဲ့
ရေရှည်အမြင်နဲ့တော်လှန်ရေး
အလေးပေးဖွင့်ဟ
ဥက္ကဋ္ဌကြီးရဲ့ စကားသံ
စတုထ္ထမ္ပိ ကြားဖူးတယ်…။

ဥက္ကဋ္ဌကြီးကို ကျနော်ဟာ
တခါမှ မတွေ့ဖူးပါ
ဒါပေမယ့် သိနေတယ်…
ဥက္ကဋ္ဌကြီးနဲ့ကျနော်ဟာ
တခါမှ စကားမပြောဖူးပါ
ဒါပေမယ့် ကြားနေတယ်…။

၂။
သခင်ဗသိန်းတင်ဆိုတာ
တို့ဗမာအစည်းအရုံးဝင်
သခင်တယောက်အဖြစ်ကနေ
ဥရောပတစ္ဆေကြီးရဲ့ ဝိဉာဉ်ကို
သခင်အောင်ဆန်း၊ သခင်သန်းထွန်း
သခင်ဗဟိန်းတို့နဲ့အတူတူ
ဂုဏ်ယူစွာ ပူးကပ်
ကြီးမြတ်တဲ့ပါတီ
စတင်တည်ခဲ့တဲ့သူတွေထဲ
မျိုးစေ့ကြဲသူတယောက်အဖြစ် စာရင်းထိုး
မော်ကွန်းထိုးရမယ့် ပုဂ္ဂိုလ်တဦးပါ…
မြေအောက်ပါတီအဖြစ်
အကျစ်လစ်ဆုံး တည်ဆောက်
အပြောင်မြောက်ဆုံး ဖွဲ့စည်း
ဘုံခရီးကို ချီတက်ရင်း
ဆင်းရဲချို့ငဲ့
ပစ္စည်းမဲ့တို့ရဲ့အကျိုး
သယ်ပိုးရှေ့ဆောင်
အမှောင်ထဲက ကြယ်နီ
အမိပြည်ရဲ့ လွတ်လပ်ရေး
နယ်ချဲ့ဆန့်ကျင်ရေးတာဝန်
ကြေကြေပြွန်ပြွန်ထမ်းခဲ့တယ်…။

တကမ္ဘာလုံး
အုံးအုံးကြွက်ကြွက်ဖြစ်ရ
ဖက်ဆစ်ဝါဒ ခေါင်းထောင်
မာန်တစောင်စောင်နဲ့ ပေါ်လာ
ချိန်ဘာလိန်တို့ လေပြေထိုး
အရိုးအရင်းတွေ ချကျွေးပစ်
မြူးနစ်စာချုပ်တွေ ချုပ်နေစဉ်
ဒီမီထရော့ အစီရင်ခံစာ
ဗမာပြည်ကွန်မြူနစ်များ နားလည်
နယ်ချဲ့အင်္ဂလိပ်ကို ဆန့်ကျင်ရာက
ဝင်လာတဲ့ ဂျပန်ဖက်ဆစ်
ဘီလူးအသစ်တွေကိုလည်း မောင်းထုတ်ရေး
ဖက်ဆစ်တော်လှန်ရေးကြီး ဆင်နွှဲ
ရဲရဲရင့်ရင့် သမိုင်းကြောင်း
သွေးနဲ့လောင်းပြီး ကမ္ဗည်းဆင်
ကြယ်ဖြူတပွင့် အလံနီကို တင်တဲ့အခါ
သခင်ဗသိန်းတင်ဟာ
တိုင်း ၅ မှာ နိုင်ငံရေးမှူး
တပ်ဦးက ပါခဲ့တဲ့
တကယ့် ခေါင်းဆောင်တဦး ဖြစ်ခဲ့တယ်…။

ဂျပန်ကို မောင်းထုတ်ပြီး
ဒုတိယကမ္ဘာစစ်ကြီးလည်း ပြီးသွား
ဆင်းမလားရောက် မျက်နှာဖြူဟာ
စက္ကူဖြူစီမံကိန်းကို တကိုင်ကိုင်နဲ့
အမိနိုင်ငံတွင်း ပြန်ရောက်
နောက်တခေါက် ကျွန်ပြုရန်
ကုလားဖန် အလီလီထိုး
အမျိုးမျိုးညစ်ပတ်
ကိုလိုနီဇာတ်ကို ဆက်ပြီးက
အမှောင်ညကြီး ရှည်ချိန်မှာ
အမိဗမာပြည်ရဲ့ မိုးသောက်ရေး
လွတ်လပ်ရေးအတွက် တိုက်ပွဲဝင်
တူတံဇဉ်ကို လွှင့်ထူရင်း
အဝင်းပဆုံး ရွှန်းပြက်
လင်းလက်ခဲ့ကြတဲ့ ကြယ်နီတွေထဲ
သခင်ဗသိန်းတင်လည်း ပါခဲ့တယ်…။

၃။
လွတ်လပ်ရေးကြီး
ကြေညာအပြီး
အမျိုးသားသွေးစည်းညီညွတ်ရေး
ဟစ်ကြွေးရမယ့်အချိန်မှာ…
ကျောက်ကြီးပေါက် အရောက်တက်
လက်နက်ကိုင်တော်လှန်ရေး
ဟစ်ကြွေးပြီး ဖော်ခဲ့ရ
ရိုးမကို သက်သေတင်
အာဏာရှင်တွေနဲ့ ပြိုင်ဆိုင်ရင်း
‘ရန်ပုံခွင်း’နဲ့ စခဲ့ရ
‘သမိုင်းဇ’နဲ့ ကြယ်နီ
အစချီကတည်းက ပါဝင်
သခင်ဗသိန်းတင်ဆိုတာ
ရာသက်ပန် တော်လှန်ရေးသမား
မားမားမတ်မတ် ပြခဲ့တယ်…။

နောက်ပိုင်း
ဂန္ဓာလရာဇ်တိုင်းဆီ ခရီးဖေါက်
အဝေးရောက်တာဝန်
ကြေပြွန်အောင် ထမ်းဆောင်ရင်း
ပြတ်သားခြင်းနဲ့ ပျော့ပျောင်းမှု
စံပြုလောက်အောင် ပေါင်းစပ်
မြင့်မြတ်တဲ့ နာယကဂုဏ်
အပြည့်စုံဆုံး ခေါင်းဆောင်ကောင်း
ကွန်မြူနစ်ကောင်းစစ်စစ် ဖြစ်ခဲ့တယ်…။

ပြည်သူ့ဒီမိုကရေစီတော်လှန်ရေး
အရေးတော်ပုံကြီးတလျှောက်
မှတ်ကျောက်တင် အစမ်းသပ်ခံ
တူတံဇဉ်အလံကို မြဲမြဲဆုပ်
အုပ်စိုးသူအဆက်ဆက်နဲ့ ယှဉ်ပြိုင်
အမိနိုင်ငံအပေါ် ချစ်မြတ်နိုး
ကွေ့ချိုးပေါင်းများကို ကျော်ဖြတ်
ကြီးမြတ်တဲ့ တော်လှန်ရေးသမားပီသစွာ
ဂုဏ်ပြောင်စွာ အားထုတ်ရင်း
အလင်းတေးတွေ သီခဲ့တယ်…။

သက်ရှိထင်ရှား
ရှိနေသား အချိန်မှာပဲ
လက်ထဲက တူတံဇဉ်အလံ
ခေါင်းဆောင်ကိုင်စွဲလာခဲ့တဲ့ တော်လှန်ရေးအလံ
ပါတီရဲ့ အောင်အလံကို
မျိုးဆက်သစ်များထံ လက်ဆင့်ကမ်း
နည်းလမ်းတကျ အပ်နှံ
ဆက်ခံသူတွေကို အားပေးရင်း
ရင်တွင်းကလာတဲ့ စကားလုံးတွေနဲ့
နှလုံးသွေးတွေပါ စီးမျော
ဟောဒီလို ပြောခဲ့ရှာတယ်…
“ရဲဘော်တို့ … အခုအချိန်ဟာ
ပါတီရဲ့ တော်လှန်ရေးအလံကို
မျိုးဆက်သစ်များထံ
အပ်နှံရမယ့်အချိန် ရောက်ပါပြီ”…။

၎။
နှင်းတွေ…
ကြွေနေဆဲ
မျက်ရည်ဝဲနေတဲ့ ကောင်းကင်
ရှိုက်သံဝင်နေတဲ့ ပန်းပွင့်
ရင်နင့်စဖွယ် မှိုင်းလျ
အေးလွန်းလှတဲ့ ဆောင်းလယ်ရက်
ရော်ရွက်တွေ ချွေနေတုန်း…
မဆုံးနိုင်တဲ့ မြူလှိုင်းတွေ
တရိပ်ရိပ် ဝေနေတုန်း…
နောက်ဆုံး ခွန်းဆက်တရား
မြွက်ဟထားပြီးသားမို့လား မပြောတတ်
နောက်ထပ်
နှုတ်ဆက်စကားလေးတောင် ထပ်မဆို
ရဲဘော်တွေအားလုံးကို ခွဲခွါ
ငြိမ်သက်စွာ အနားယူသွား
သေတမ်းစာလေးပဲ ထားခဲ့တယ်…။

တပြည်လုံးသိတဲ့ ကြယ်နီ
ပါတီတခုလုံးရဲ့ ဥက္ကဋ္ဌ
ရတဲ့ ခွင့်ပြုငွေလေးတောင် ကုန်အောင်မသုံး
အခြိုးခြံဆုံး နေထိုင်
အခိုင်မာဆုံး ရိုးသားမှုနဲ့
စံပြုလောက်အောင် ဖြူစင်
သူတော်စင်တယောက်လို စားသောက်ရင်း
ခေါင်းအုံးအောက်မှာ ချန်ပြီးသား
ငွေသား ယွမ်ငွေလေးက နှစ်ထောင့်ငါးရာ
အသုံးအဆောင် ပစ္စည်းပစ္စယာလေးတွေက ခပ်နဲနဲ
အင်္ကျီဘောင်းဘီလေးတွေပဲ ကျန်ခဲ့တယ်…။

ဥက္ကဋ္ဌကြီးရဲ့ ရုပ်ကလာပ်ပေါ်
ကြီးမြတ်တဲ့ တူတံဇဉ်အလံ
လွှမ်းရံပြီး ဖုံးအုပ်
အရိုးကုပ်ဆုံး ဈာပန
ပကာသန တခုမှမပါ
ပြာချပြီး သင်္ဂြိုလ်ရင်း
အံတင်းဖြေဆည်ခဲ့ရတယ်…။

အရိုးစ ပြာအိုးကို
ရိုကျိုးစွာ ဆောင်သယ်
မြစ်လယ်မှာ အသာမျှော
လှိုက်မောစွာ ရှုငေးရင်း
တင်းထားရတဲ့ ပင့်သက်တွေ
မြောက်ပြန်လေပေါ် သွန်ချ
တစတစ…။

ရေလယ်ကြောမှာ
သင်္ဘောနဲ့ သုံးပါတ်ပါတ်
သုံးထပ်သုံးကြိမ် အလေးပြုရင်း
ဖြေးဖြေးချင်း လှည့်ကာ
အရိုးပြာအိုးငယ်ကို ဦးခိုက်
တိုက်ပွဲထဲက အာဇာနည်
ပြည်သူတွေရဲ့ သူရဲကောင်း
ခေါင်းဆောင်ကောင်းကြီးရဲ့ အရိုးပြာတွေဟာ
ရေစီးမှာ ပျော်ဝင်
မြစ်ပြင်ကနေ ပင်လယ်
ပင်လယ်ကနေ သမုဒ္ဒရာ
တရွေ့ရွေ့ ဖြာဆင်း
အမိဗမာပြည်ရဲ့ အတွင်းဆီ
တနင်္သာရီ၊ ထားဝယ်၊ မြိတ်
ဇာတိရိပ် မွေးမြေအထိ
ရောက်ရှိပျံ့နှံ့နေပါစေ…။

၅။
ဝေချင်ပါလျက်
အဝေခက်ခဲ့ ဖိတ်စာ…
လာချင်ပါစေလျက်
အလာခက်ခဲ့ ရဲဘော်…
ခေါ်ချင်ပေလျက်
အခေါ်ခက်ခဲ့ မိတ်ဆွေ…
ချွေချင်ပေလျက်
အချွေခက်ခဲ့ မိန့်ခွန်း…
သွန်းထုချင်ပေလျက်
အသွန်းခက်ခဲ့ ရုပ်ထု…
ပြုချင်ပေလျက်
အပြုခက်ခဲ့ အလေးနီ…
စီချင်ပါလေလျက်
စီခက်ခဲ့ စာတမ်း…
ကမ်းချင်ပါလေလျက်
အကမ်းခက်ခဲ့ ယပ်တောင်…
ဆောင်ချင်ပါလေလျက်
အဆောင်ခက်တဲ့ ရုပ်ကလာပ်…
စပ်ချင်ပါလေလျက်
အစပ်ခက်ခဲ့ ကဗျာ…
ချပါလေလျက်
အချခက်ခဲ့ လွမ်းပန်းခွေ…
မဝေနိုင်ခဲ့တဲ့ ဈာပန…
ရှောင်သွေခဲ့ရတဲ့ ဈာပန…
ဖြေဆည်ခဲ့ရတဲ့ ဈာပန…
ခုမှ… ခုမှ…
လွမ်းကြပါတော့ ရဲဘော်တို့ရေ
လွမ်းပါရစေတော့ ရဲဘော်တို့ရေ
အမိမြေရဲ့ ဝေးရာမှာ
ကြွေသွားရှာတဲ့ ကြယ်နီ
‘သခင်ဗသိန်းတင်’ဆိုတဲ့ ကြယ်နီကို
ကမ္ဘာတည်သရွေ့ မော်ကွန်းတင်ကြပါ…။ ။

၊ဝင်းတင့်ထွန်း၊
၇၊ ၃၊ ၁၉၉၉

Read More...

10 March 2009

ဖက်ဆစ်တော်လှန်ရေး အမှတ်တရ (ဝင်းတင့်ထွန်း)

၊တော်လှန်ရေး မစမီ၊

‘ရဲဘော်သိန်းတန်’…တဲ့
တော်လှန်တဲ့ သူရဲကောင်းဟာ
ခေါင်းတခြား ကိုယ်တခြား
ဖက်ဆစ်များရဲ့ဓါးချက်အောက်
မတွန့်မဖောက် စတေးခံ
အမိနိုင်ငံအပေါ် သစ္စာရှိ
စစ်ကိုင်းတံတားကြီး သိပါတယ်…
ဧရာဝတီ ငိုခဲ့ရတဲ့ အဲဒီနေ့
ဘယ်တော့မှ မမေ့ကြဖို့ မှတ်တမ်းတင်ထားပါ…။


လက်ပံတန်း ဦးဘတင်ကနေ
သခင် သခင်မ
အာရှလူငယ်များ အပါအဝင်
ရဟန်းရှင်လူ အမြောက်အများ
ကင်ပေတိုင်များရဲ့လက်ချက်အောက်
အသက်ပျောက်ခဲ့ရတာတွေလည်း မနည်းလှ
ရင်နာစရာ ကောင်းလှတယ်…။

၊တော်လှန်ရေးနိဒါန်း၊

ပဲခူး စံပြတပ်ရင်းက
တပ်ရင်းမှူး ဗိုလ်ကျော်ဇောရဲ့ကုတင်ပေါ်မှာ
သခင်စိုးနဲ့ ဗိုလ်ချုပ်အောင်ဆန်း
ရည်မှန်းချက်ရှိရှိ ပြင်ဆင်ကြရာက
‘ဖတပလ’ဆိုတဲ့ သန္ဓေသား
ဖက်ဆစ်လှံစွပ်ကြားမှာ အခြေတည်
ကလလရေကြည် စခဲ့တယ်…။

ကွန်မြူနစ်ပါတီ
ဗမာ့တပ်မတော်
ပြည်သူ့အရေးတော်ပုံပါတီ
ဟန်ချက်ညီညီ ပေါင်းစည်း
‘ဖဆပလ’ကြီး ပေါ်ထွန်းလာခဲ့တယ်…။

၊တော်လှန်ရေးကြီးအတွင်း၊

‘လွတ်လပ်မှ အမျှဝေပါ…’တဲ့
ကြေကွဲစွာ မှာကြားရင်း
အံကိုတင်းပြီး အသက်ပေး
မော်ကွန်းရေးသွားကြတဲ့ အာဇာနည်တွေဟာ
ဟောဒီ…တော်လှန်ရေးကြီးထဲမှာပါ…။

“ငါတို့အရိုးတွေပေါ်မှာ
ခေါင်းပေါင်းစတွေ တထောင်ထောင်နဲ့
နိုင်ငံရေးခေါင်းဆောင်တွေ စည်းစိမ်ခံ
တော်လှန်ရေးအပေါ် သစ္စာဖောက်
လွတ်လပ်ရေးလမ်းကြောင်း ပျောက်ခဲ့ရရင်
ရောက်ရာဘဝကနေ ကမ္ဘာမကြေ
လက်စားချေသွားမယ်ဟေ့…”လို့ ကျိန်စာတိုက်
သေနတ်ကို ပိုက်ပြီး စစ်မြေအတွင်း
ရင်မြေကတုတ်ခင်းပြီး ရှေ့ကိုတက်
အသက်နဲ့လဲပြီး စွန့်ခဲ့ကြ
ကျဆုံးသွားကြတဲ့ သူရဲကောင်းတွေဟာ
ဟောဒီ…တော်လှန်ရေးကြီးထဲမှာပါ…။

နိုင်ငံရေးသမား
တပ်မတော်သား
အလုပ်သမား - လယ်သမား
ကျောင်းသားနဲ့ ရဟန်း
နိုင်ငံတဝှန်းက မျိုးချစ်တွေ
ကျရာနေရာကနေ ပါဝင်ပြီး
ဟောဒီတော်လှန်ရေးကြီးအတွင်း စွန့်ခဲ့တာ
အမိဗမာပြည်ရဲ့လွတ်မြောက်ရေး
လွတ်လပ်ရေးကြီးအတွက်သာမက
လောကပါလနဲ့ ဗြဟ္မစိုရ်တရား
တရားမျှတမှုနဲ့နိုင်ငံတော်
ပေါက်ဖွားပေါ်ထွန်းလာရေး ဖြစ်ပါတယ်…။

၊တော်လှန်ရေးအပြီး - လွတ်လပ်ရေးကြီးနောက်၊

ဖက်ဆစ်တော်လှန်ရေးကြီးရဲ့ဂုဏ်အရှိန်နဲ့
အဟုန်တထိန်ထိန် ဆက်ပြီးသွေး
လုံးဝလွတ်လပ်ရေးဆီ ဆက်ပြီးရှု
မျက်မှောက်ပြုနိုင်ကြတော့တဲ့အချိန်မှာ…..

ပထမဆုံးသော လွတ်လပ်ရေးနေ့အထိမ်းအမှတ်
အလံတော်တဖျပ်ဖျပ် စင်မြင့်ထက်
အကျအန တက်ပြီးထိုင်နေကြ
‘လွတ်လပ်သော မြန်မာနိုင်ငံတော်အစိုးရ’…တဲ့
ခေါင်းပေါင်းစ တထောင်ထောင်နဲ့
အဆောင်အယောင်တွေ အပြည့်ဆွဲ
အိနြေ္ဒကြီး တခွဲသားနဲ့လူတွေထဲ
ဖက်ဆစ်တော်လှန်ရေးကြီးထဲတုန်းက ပါဖူးသူ
လူဆယ်ဦး ပြည့်အောင်တောင်မရှိ ဆိုပါကလား…။

လွတ်လပ်ရေး ကြေညာပြီးစ
ဖက်ဆစ်တော်လှန်ရေးနေ့ ညစာစားပွဲကြီး
စားပြီးလို့မှ လက်မခြောက်သေးချင်
ရင်နာစရာ မိုက်ရိုင်း
သမိုင်းတကွေ့အဖြစ်
ပြည်တွင်းစစ်
တရားခံအစစ်တွေဟာ ဘယ်သူလဲ
တရားခံအစစ်တွေဟာ ဘယ်သူလဲ…။

ဖက်ဆစ်တော်လှန်ရေး သူရဲကောင်း
နိုင်ငံ့သားကောင်းတချို့
သူပုန်လို့ အမည်တွင်
သောင်းကျန်းသူလို့ စာရင်းတင်
ကမ္ဗည်းဆင်သွားခဲ့ရ
ရိုင်းလှတဲ့အဖြစ်
တရားခံအစစ်တွေက ဘယ်သူလဲ…။

ခုချိန်ထိလည်း
ကြေကွဲစရာ အဖြစ်ဆိုးနဲ့
ရင်ကျိုးစရာတွေချည်း ကြုံနေရ
ဖက်ဆစ်ဟောင်းကနေ ဖက်ဆစ်လက်သစ်
စစ်အာဏာရှင်စနစ်အလီလီရဲ့လက်အောက်
မိုးမသောက်နိုင်သေးတဲ့ နိုင်ငံတော်
လင်းကြက်ဆော်ဖို့ ဝေးနေဆဲ
ရောင်နီပေါ်ဖို့ ဝေးနေဆဲ…။

ဖက်ဆစ်တော်လှန်ရေး သူရဲကောင်းတို့ရဲ့ကျိန်စာ
မှာတမ်း
ရည်မှန်းချက်
ပျက်ခဲ့ပြီလော…ပြည့်ပြီလော
အတိတ်တောအုပ်ထဲက ပဲ့တင်သံ
တညံညံ ကြားနေရ
မတ်လ ရောက်တိုင်း ပိုကျယ်လာ…။

ဟိုတုန်းက
ဖက်ဆစ်တော်လှန်ရေးရဲ့အောင်ပွဲကို
အရှက်နည်းသူတွေက အချောင်ပိုက်
ကြောင်တောင်နှိုက်တာ ခံခဲ့ရသလို
အခုကျတော့
စစ်ဓါးပြတွေက မောင်ပိုင်စီး
တော်လှန်ရေးနေ့ကြီးရဲ့နေရာ
စစ်တပ်နေ့ကြီးပါလို့ အတင်းထူ
သူခိုးတွေက လူလူဟစ်
ဖက်ဆစ်
လက်သစ်…။

မူလဖက်ဆစ်တော်လှန်ရေးကြီးရဲ့ပဲ့တင်သံ
တကျော့ပြန် ကြားနေရဆဲ…
ဒုတိယ ဖက်ဆစ်တော်လှန်ရေးကြီးအတွက်
ရက်ချိန်း ထပ်မံရွေးကြရဦးမလား
သမိုင်းဒဏ်ရာများနဲ့ အမိပြည်
မျက်ရည်ရှိုက်သံ မဆုံးနိုင်သေးပါတကား…။ ။

၊ဝင်းတင့်ထွန်း၊
၁၈၊ ၁၊ ၂ဝဝ၅
(မှတ်ချက်။ ။၂ဝဝ၅ ခုနှစ်က ဖက်ဆစ်တော်လှန်ရေးနေ့ အနှစ် ၆ဝ ပြည့်အတွက် အမှတ်တရ ရေးခဲ့ ဖော်ပြခဲ့တဲ့ကဗျာ)

Read More...

သိက္ခာနှစ်ထပ်နဲ့လူ (ဝင်းတင့်ထွန်း)

(၁)
ငါဟာ
လေးစားအပ်စရာ ဂုဏ်ဒြပ်နဲ့
သမိုင်းဆိုတဲ့ ဇာတ်ခုံပေါ်မှာ
သိပ်အရေးပါလှတဲ့ကောင်တော့ မဟုတ်ပါဘူး…။

ဒါပေမယ့်
နိုင်ငံရေးအပေါ်ထားတဲ့ ငါ့သစ္စာ
အနုပညာအပေါ်ထားတဲ့ ငါ့သစ္စာ
ရင်ထဲမှာ အစဉ်မပြတ်
“သိက္ခာနှစ်ထပ်နဲ့လူ ဟေ့”
ဘယ်သူ အသိအမှတ်ပြုပြု မပြုပြု
အမြဲဂရုပြုပြီး ခံယူထားခဲ့တယ်…။


(၂)
‘လူဟာ
နိုင်ငံရေးသတ္တဝါ’…တဲ့
ရိုးသားစွာ လက်ခံ
အဲဒီစံအတိုင်း
နိုင်ငံရေးသမားတပိုင်းဖြစ်တဲ့ငါ
နိုင်ငံရေးလှုပ်ရှားမှုများစွာမှာ ပျော်ဝင်
အမိနိုင်ငံရဲ့သမိုင်းစဉ်မှာ
(သမိုင်းဝင်ပုဂ္ဂိုလ်တယောက် မဟုတ်ပေမယ့်)
ရောက်ရာအရပ်ကနေ ထမ်းသယ်ပိုး
သမိုင်းကွေ့ချိုးတိုင်းမှာ … ငါပါတယ်…။

ယုံကြည်ချက်အတွက်
အသက်နဲ့ လောင်းကြေးထပ်
စိတ်ဓါတ်ကို တံခွန်ထူ
ပြည်သူအပေါ် သစ္စာရှိ
အမိနိုင်ငံကို ငါချစ်ရင်း
နေဝင်းရဲ့မဆလ
ရာဇာပလ္လင်ပေါ်ကနေ ပြုတ်ကျရေး
ဘဝတွေ စတေးပြီး တိုက်ခဲ့ကြ
ပြင်းထန်လှတဲ့ တိုက်ပွဲဒီရေစီးတလျှောက်
ငါတယောက်လည်းပဲ ပါပါတယ်…။

မဆလရဲ့
မလှပတဲ့ ခေတ်တလျှောက်
ဒူးမထောက်တမ်း တိုက်ခဲ့ကြ
ဆန့်ကျင်ခဲ့ကြတဲ့သူတွေထဲ
ငါတယောက်လည်းပဲ ပါပါတယ်…။

မဆလရဲ့
မလှပတဲ့ ခေတ်တလျှောက်
ဒူးမထောက်တမ်း တိုက်ခဲ့ကြ
ဆန့်ကျင်ခဲ့ကြတဲ့သူတွေထဲ
ဘယ်သူတွေပဲ ပါသလဲ
ရဲရဲပြောစမ်းပါ…။

အဲဒီထဲမှာ
ငါတို့ပါတယ်
ငါပါတယ်…။

ငါဟာ
စစ်အာဏာရှင်စနစ်ကို မုန်းခဲ့တယ်
အဲဒီအတွက်
ရက်စက်တဲ့ မဆလ က
အလှပဆုံး ဆီးလ်တံဆိပ်နဲ့
ခပ်နှိပ်ပြီး ဆုချ
ငါ… ဆုတဆု ရခဲ့တယ်…
ရခဲ့တဲ့ ဆုလာဘ်
နှလုံးသားနဲ့ မှတ်တမ်းတင်
ထာဝစဉ် ဂုဏ်ယူစရာပ
ပုဒ်မ ‘၅/ည’… တဲ့
ငါးည မက
ငါးလ မက
လကနေ နှစ်တွေဆောင်း
ရက်ပေါင်း ထောင်ကျော်စွာ
နရသိန်ထဲမှာလည်း စံခဲ့ဖူးပါတယ်…။

တရားရုံးမှာ
ထောင်ထဲမှာ
စစ်ကြောရေးမှာ
ညှဉ်းပန်းရေးစခန်းမှာ
ရောက်လေရာမှာ အရှုံးမပေး
နှလုံးသွေးနဲ့ သက်သေတင်
(နေဝင်း စစ်ခွေးမှန်သမျှ)
ဆန့်ကျင်ခဲ့ပါတယ်…။

၁၉၈၈
ပြည်သူချစ်တဲ့ ကျောင်းသားတွေက
အသက်သွေး မြေကျခံ စတင်လိုက်တဲ့
တိုက်ရဲသူ ပြည်သူတရပ်လုံးရဲ့
အကြီးမြတ်ဆုံးသော မှတ်တိုင်သစ်
ရှစ်လေးလုံး အရေးတော်ပုံကြီး
မြေတုန်ဟီးအောင် ပေါ်ထွန်းလာတဲ့အခါမှာလည်း
ငါ… ဂုဏ်ယူစွာနဲ့ ပါခဲ့တယ်…။

ပြည်သူတွေရဲ့စိတ်ဓါတ်ကို
သေနတ်နဲ့ဖြိုခွင်း
နေဝင်းရဲ့အိမ်တော်ပါ
တောကြောင်တကောင် တက်လာပြီး
ဗမာပြည်ကို အမှောင်ချ
‘နဝတ’တဲ့
မဆလရဲ့မယားပါသား
မတရား မင်းမူ
ပြည်သူအပေါ် ဗိုလ်ကျ
တဖက်က သေနတ်
တဖက်က ပါးစပ်နဲ့
မအပ်မရာတွေ ဟောလိုဟော
မတတ်တာတွေ ပြောလိုပြော
တသောသော တညောင်ညောင်နဲ့
မာရှယ်လောကို အလံထောင်ပြီး
မျက်နှာပြောင်ပြောင်နဲ့ အုပ်စိုးနေချိန်မှာလည်း
ငါဟာ
စစ်အာဏာရှင်စနစ်ကို ဆန့်ကျင်
စစ်ဘုရင်များကို ဖြိုချရေး
ဒီမိုကရေစီအရေးတွေအတွက် ပါခဲ့တယ်…။

ပြည်သူတွေရဲ့ဆန္ဒပန်း
လှပစွာ ပွင့်လန်းရေး
ဘဝပေးပြီး ငါဆောင်ရွက်
ပြည်သူဘက်က ငါရပ်တည်
ငါ့တိုင်းပြည်ကို ငါချစ်တယ်…။

ငါ့တိုင်းပြည် သာစေကြောင်းအတွက်
ပြည်သူ့သံဃာအပေါင်းကို ငါဦးတင်
ခွပ်ဒေါင်းရှင်လေးများကို ငါအားဖြည့်
ဇွဲသတ္တိနဲ့ ငါရွက်ဆောင်
ဒေါင့်စုံအောင်လည်း ထမ်းခဲ့ဖူးပါတယ်…။

အဲဒီတွေအတွက်
လက်နက်နဲ့ နဝတ
မုန်းမာန်ရှ ရန်ငြိုးဆင်
သတင်းစာရှင်းလင်းပွဲတွင် ထည့်ပြီးပြော
တောရော မြို့ပါအနှံ့ လိုက်ဖမ်းပြီး
မဲမဲမြင်ရာ ထင်ရာရမ်းတော့
ငါ… ဝရမ်းပြေးဘဝလည်း ရောက်ခဲ့ရဖူးပါတယ်…။

ဒါပေမယ့်
ဘာတွေနဲ့ပဲ ဖြစ်ခဲ့စေ
ဘယ်ဘဝအခြေရောက်ရောက်
ဘယ်ဒေသတွေပေါက်ပေါက်
မပျောက်နိုင်တဲ့ ငါ့စိတ်ဓါတ်
အပြတ်သားဆုံး ဆက်ပြီးထူ
ငါ့ပြည်သူကို ငါချစ်တယ်…။

ငါ့ပြည်သူအတွက်
ပေးဆပ်နိုင်သမျှ ပေးသွားမယ်…။

ငါ့တိုင်းပြည်အတွက်
ထမ်းရွက်နိုင်သမျှ ထမ်းသွားမယ်…။

ငါဟာ
ဘာကောင်မှတော့ မဟုတ်ပါဘူး
ဒါပေမယ့်
ဒီမိုကရေစီကို ငါလိုတယ်
ငြိမ်းချမ်းရေးကို ငါကြိုမယ်
အမျိုးသားသွေးစည်းညီညွတ်ရေးကို ငါဆိုမယ်…။

(၃)
ဒီမိုကရေစီကို ငါလိုတယ်…
ဒီမိုကရေစီ
ဘာဒီမိုကရစီလဲ
ဘယ်လိုဒီမိုကရေစီလဲ
ခွဲကြည့်ချင် ခွဲကြည့်
တွဲကြည့်ချင် တွဲကြည့်
(ရိချင်ရိ…ကလိချင်ကလိ)
အဖိနှိပ်ခံ ပြည်သူတရပ်လုံးရဲ့
ဆုံးရှုံးနေတဲ့ လူ့အခွင့်အရေး
မွေးရာပါ ရပိုင်ခွင့်
ရှိသင့်ရှိထိုက်တဲ့ လိုအပ်ချက်
အမှန်တရားအတွက် ရှင်သန်ရန်
အာမခံနိုင်မယ့် ဒီမိုကရေစီ
အဲဒီ ဒီမိုကရေစီမျိုး … ငါလိုတယ်…။

ဒီမိုကရေစီဆိုတာ
အင်္ဂါကြီးက ဘယ်နှစ်ရပ်
မှတ်ကျောက်ကြီးက ဘယ်နှစ်ခု
စံပြုရမှာက ဘယ်လိုဟာ
ဘာ ညာ
ဘာကမှ မပြောချင်
စစ်အာဏာရှင် ဖက်ဆစ်အောက်က
ဒို့ပြည်သူတွေ လွတ်မြောက်ရေး
ဒီမိုကရေစီရေးကို တောင်းဆိုတယ်…။

ငြိမ်းချမ်းရေးကို ကြိုဆိုမယ်…
ဘာငြိမ်းချမ်းရေးလဲ
ဘယ်လိုငြိမ်းချမ်းရေးလဲ
ပြည်တွင်းစစ် ရပ်စဲရေး
ပြည်တွင်းငြိမ်းချမ်းရေး
ကမ္ဘာ့ငြိမ်းချမ်းရေးအထိ ဆိုလိုတယ်…။

ဒို့နိုင်ငံမှာ
ပြည်တွင်းစစ်ကြီးဟာ ကြာပါပြီ…။

တိုက်ပွဲနဲ့ ယမ်းနံ့
သွေးနံ့နဲ့ ဗုံးမိုး
အဆိပ်ခိုးနဲ့ စစ်တလင်းပြင်
အမိရင်ပြင်တလျှောက်
သွေးပေါက် သွေးစက်တွေလည်း ထပ်နေပြီ…။

ယမ်းနံ့နဲ့ အဆိပ်ခိုး
ဗုံးမိုးနဲ့ သွေးစက်တွေကြား
မြေဇာပင် ပြည်သူများရဲ့ဘဝ
ဒုက္ခပင်လယ်အတိလွှမ်း
စိတ်ဝမ်းကြေကွဲစရာ
ဒဏ်ရာဗလပွနဲ့ အမိနိုင်ငံ
ကျည်သင့်ခံခဲ့ရတဲ့ အမေ့နှလုံး
ဘယ်တော့မှ ပြုံးနိုင်မှာလဲ
ရင်ထဲမှာ မျှော်လင့်ရင်း
ပြည်တွင်းစစ်ဖြစ်ခဲ့ရတဲ့ အတိတ်ကြောင်း
ပြန်ပြောင်းကြည့်ကြပါ…။

လွတ်လပ်ရေးကြေညာစာတမ်း
ရှင်လူရဟန်းတို့ ဖတ်ကြည့်ဆဲ…
ဖက်ဆစ်တော်လှန်ရေးနေ့ ညစာစားပွဲကြီး
စားပြီးလို့ လက်မသုတ်ရသေးခင်
ဘဝရှင်မင်းတရား
အာဏာရှင်ရူးများရဲ့ပယောဂနဲ့
ပြည်တွင်းစစ်ကြီး စခဲ့ရပါတယ်…။

လွတ်လပ်ရေးကြီးရဲ့ရသကို
ခေါင်းပေါင်းစ တထောင်ထောင်နဲ့
အဆောင်အယောင်တွေ အပြည့်ဆွဲ
ဘယ်သူတွေပဲ ခံစားကြပါသလဲ…။

လွတ်လပ်ရေး
နယ်ချဲ့ဆန့်ကျင်ရေး
ဖက်ဆစ်ဆန့်ကျင်ရေး
အမျိုးသားလွတ်မြောက်ရေး
အမိနိုင်ငံရဲ့အရေးတွေအတွက်
အသက်ကိုစွန့်လှူ
ပြည်သူအပေါ် သစ္စာရှိ
ကိုယ်ကျိုးမကြည့်တမ်း စွမ်းဆောင်ခဲ့
အမေချစ်တဲ့ အမေ့သားအချို့
‘သူပုန်’လို့ အကြေညာခံရ
သူပုန်ဘဝကို ရောက်ရတယ်
သူပုန်လမ်းကို ရွေးရတယ်…။

ဖိနှိပ်မှုတွေ ရှိတဲ့အခါ
အုံကြွမှုဟာ တရားပဲ…။

လွတ်လပ်ရေးကြေညာစာတမ်းမှာ
တခမ်းတနားဖော်ပြ
‘လောကပါလ’
‘ခွင့်တူညီမျှ’ဆိုတဲ့စကားလုံး
သေဆုံးကြေမွ
လက်တွေ့ဘဝနဲ့ မကိုက်ညီ
ယုံကြည်မှုတွေ ကွဲပြား
ကွာဟမှုတွေ ကြီးမားလာတဲ့အခါ
လက်နက်ကိုင်ထားတဲ့ အုပ်စိုးသူကို
မျက်နှာမူ ရင်ဆိုင်ဖို့
လက်နက်ကိုင်တော်လှန်ရေးမျိုးစုံ ပေါက်ဖွား
ချောက်ကမ်းပါးထဲထိ သေနတ်သံ
တောလုံးညံအောင် အနှံ့ဆက်
ချိုးငှက်ကူသံ ပျောက်ခဲ့ရ
ပြည်တွင်းစစ်မီး တောက်ခဲ့ရပါတယ်…။

အဲဒီတော့
ဒီပြည်တွင်းစစ်မီး
စပြီး ဖန်တီးသူဟာ
ဘယ်သူတွေပါလဲ…။

ဒီပြည်တွင်းစစ်ကြီးကို အရှိန်မြှင့်
ဒဏ်ရာဆင့်အောင် လုပ်ကြတာ
ဘယ်သူတွေပါလဲ…
ဒီပြည်တွင်းစစ်ကြီးကို လက်ညှိုးထိုးပြီး
စစ်တန်ခိုးတွေ ထပ်ပြီးထောင်
စစ်ခေါင်းဆောင်တွေ အာဏာထူ
ပြည်သူကတော့ မွဲပြာကျ
ချမ်းသာသွားကြသူတွေဟာ
ဘယ်သူတွေပါလဲ…ဘယ်သူလဲ…။

ပြည်တွင်းစစ်နဲ့လုပ်စား
ပြည်တွင်းစစ်နဲ့ တန်ခိုးထွား
ကြီးပွားနေကြသူတွေကတော့
ပြည်တွင်းစစ်အား မွေးထားချင်
ငြိမ်းချမ်းရေးဆိုရင် “လက်နက်ချ”တဲ့
တရားမျှတနိုင်မယ့် ငြိမ်းချမ်းရေး
စစ်မာန်သွေးနဲ့ ဖြိုနေတယ်…။

နိုင်ငံရေးကြောင့် ဖြစ်တဲ့ပြဿနာ
နိုင်ငံရေးနဲ့ အဖြေရှာလို့ရပါတယ်…
နိုင်ငံရေးကြောင့်ဖြစ်တဲ့ ပြည်တွင်းစစ်
နိုင်ငံရေးအရင်းအမြစ်ကို အခြေခံ
မှန်မှန်ကန်ကန် အဖြေရှာရင်း
ပြည်တွင်းစစ် ရပ်စဲရေး
ပြည်တွင်းငြိမ်းချမ်းရေးဟာ လိုပါတယ်…။

တရားမျှတ
ပြည်သူ့ဆန္ဒလည်း ကိုက်ညီစွာ
အမိနိုင်ငံ သာစေကြောင်း
သွန်းလောင်းပြီး ပုံဖော်သွေး
စစ်မှန်တဲ့ငြိမ်းချမ်းရေးမျိုးကို ငါကြိုတယ်…။

အမျိုးသားသွေးစည်းညီညွတ်ရေးကို ငါဆိုမယ်
အမျိုးသားသွေးစည်းညီညွတ်ရေးဆိုတာ
နိုင်ငံတိုင်းမှာ အလိုအပ်ဆုံး
အခိုင်မာဆုံး တည်ဆောက်
ထွန်းတောက်ရှင်သန်နေဖို့ လိုပါတယ်…။

သွေးစည်းမှု ပျက်လေတိုင်း
နိုင်ငံ့သမိုင်းဟာ အကျည်းတန်
ဘေးရန်ပေါင်းစုံ သင့်ရတယ်…
သွေးစည်းမှု တက်လေတိုင်း
နိုင်ငံ့သမိုင်းဟာ ခြိမ့်ခြိမ့်ညံ
အောင်ပွဲသံတွေ ဝေခဲ့တယ်…။

တန်းတူမှု
ညီမျှမှု
တရားမျှတမှုအပေါ် အခြေခံ
အမိနိုင်ငံတခုလုံးပေါ် သစ္စာထား
ပြည်သူတရပ်လုံးရဲ့အကျိုးစီးပွားများအတွက်
အမျိုးသားသွေးစည်းညီညွတ်ရေးဟာ လိုအပ်တယ်…။

ခြစားတဲ့ ‘ပြည်တော်သာ’
‘ခေတ်ပြောင်းတော်လှန်ရေး’ဆိုတာနဲ့
‘စပ်ကူးမတ်ကူးကာလ’ဆိုတာတွေကြား
ပြည်သူများရဲ့ဘဝ
နင်းပြားဘဝက ရှေ့မတက်
တိုင်းပြည်ကြီးလည်း ပျက်လုခမန်း ဖြစ်နေပြီ…။

နိုင်ငံတော်သစ် တည်ဖို့ရာ
အမျိုးသားသွေးစည်းညီညွတ်ရေးဟာ
အုတ်မြစ်ဖြစ်ပါတယ်…။

နိုင်ငံတော်ရဲ့အနာဂတ်အတွက်
စစ်အာဏာရှင်စနစ်ဟာ အန္တရာယ်…။

အမျိုးသားသွေးစည်းညီညွတ်ရေး တည်ဖို့ရာ
ပြည်တွင်းစစ်ပြဿနာနဲ့ ပြည်တွင်းငြိမ်းချမ်းရေး
နိုင်ငံရေးနည်းနဲ့ ဖြေရှင်းကြရမယ်…။

ပြည်တွင်းငြိမ်းချမ်းရေး ရဖို့ရာ
ဒီမိုကရေစီဟာ
အခြေခံလိုအပ်ချက် ဖြစ်ပြန်တယ်…။

ဒီမိုကရေစီသစ် တည်ဖို့ရာ
ပြည်တွင်းငြိမ်းချမ်းရေးဟာ လိုပြန်တယ်…။

စစ်အာဏာရှင်စနစ် ဆန့်ကျင်ရေး
ဒီမိုကရေစီအရေး
ငြိမ်းချမ်းရေး
အမျိုးသားသွေးစည်းညီညွတ်ရေး
ဘုံအရေးတော်ပုံကြီးဟာ ပူးနွှယ်ဆက်
အမိနိုင်ငံအတွက် မနက်ဖန်
ရင်ခုန်သံနဲ့မျှော်ရည်ရင်း
ခြေလှမ်းပြင်းပြင်း ငါလျှောက်ရဦးမယ်…။

(၄)
ငါဟာ
အနုပညာသမားတယောက် ဖြစ်ပါတယ်…။

အနုပညာကို မြတ်နိုး
အနုပညာမျိုးစေ့ နှလုံးသားနဲ့
ပြည်သူကြားမှာ
ငါ မွေးဖွားလာခဲ့တယ်…။

ငါ့အမိ ငါ့အဖ
ငါ့ဘဝ
ဆင်းရဲလှပါတယ်…။

ငါ့ရပ်…ငါ့မျိုး
ကျေးတောမျိုးမို့
ချို့တဲ့လှစွာ
ဖြတ်သန်းလာရ
ငါ့ဘဝ
နွမ်းပါးလှပါတယ်…။

ဒါပေမယ့်
အနုပညာတော့ မဆင်းရဲ
ဘဝမွဲပေမယ့် ချမ်းသာပါတယ်…။

အနုပညာကို တန်ဖိုးထား
အနုပညာနှလုံးသားနဲ့ရှင်သန်
ဘဝပင်လယ်အတွင်း ငါကူးခတ်
လန်းဆတ်တဲ့ အနုပညာပန်းပွင့်များ
ငါ့ပြည်သူအား နှင်းအပ်ဆက်
အနာဂတ်အတွက် ပန်းတွေပျိုး
အနုပညာမိုးကြီး ရွာလိုက်ချင်
ပန်းပေါင်းတရာ အလှဆင်စေရေး
နှလုံးသွေးနဲ့ လောင်းပါ့မယ်…။

(၅)
နှလုံးသွေးနဲ့ ဖြည့်လောင်းထားတဲ့
ကလောင်တချောင်းရဲ့ထိပ်ဖျားက
စီးကျလာတဲ့ အနုပညာတရပ်ဟာ
ဟောဒီကမ္ဘာတခုလုံးကို ရနံ့ခင်း
ဖြန့်ခင်းပစ်လိုက်နိုင်တယ်လို့ ငါယုံတယ်…။

အနုပညာတရပ်ရဲ့စွမ်းအားဟာ
ဒါးမြှောင်တလက်ရဲ့အစွမ်းထက်လည်း ကြီးပါတယ်…။

အနုပညာတရပ်ရဲ့စွမ်းအားဟာ
တီအန်တီယမ်းအား အသိန်းအသောင်းနဲ့
မီဂါတန်ဗုံး အလုံးပေါင်းများစွာထက်လည်း ပြင်းနိုင်တယ်…။

အနုပညာဆိုတာ နေတစင်း
အနုပညာဆိုတာ လတစင်း
အလင်းပေါင်းများစွာကိုလည်း စေနိုင်တယ်…။

ဒါကြောင့်…ငါဟာ
အနုပညာကို တန်ဖိုးထား
အနုပညာသမားတယောက် ဖြစ်ရတာ
ဝမ်းသာစွာနဲ့ ဂုဏ်ယူတယ်…။

နိုင်ငံရေးသမားတယောက်အနေနဲ့
မျက်မှောက်ခေတ်ရဲ့နိုင်ငံ့သမိုင်းကို
ကျရာအပိုင်းကနေ ကုန်းရုန်းထမ်း
ခရီးကြမ်းကြီး လျှောက်ခဲ့ဖူးသလို…
အနုပညာသမားတယောက်အနေနဲ့လည်း
ရောက်ရာအရပ်ကနေ ကလောင်ထမ်းပြီး
အမိနိုင်ငံအဝှန်းလုံးရဲ့အနာဂတ်ရေး
ငါ့ကလောင်ကို သွေးနဲ့ဖြည့်
အနုပညာအသိနဲ့ ငါဖော်ကျူး
ဦးလည်မသုန် ပါဖူးတယ်…။

၁၇၊ ၈၊ ၈၈
ဒီရေသစ်နဲ့ရှစ်လေးလုံးကို
အလှဆုံးထောက်ခံ
တော်လှန်တဲ့အနုပညာသမားရဲ့ကြေညာချက်
သမိုင်းတကွက် မှတ်တမ်းတင်
အနုပညာရှင်ပေါင်းစုံရဲ့လက်မှတ်တွေကြား
အနုပညာသမားတယောက်ဖြစ်တဲ့ ငါ
ဂုဏ်ပြောင်စွာနဲ့ လက်မှတ်ထိုး
ဒေါင်းအိုးတဝေဝေ တွန်ဖို့ ပါခဲ့တယ်…။

အနုပညာရှင်များရဲ့ချီတက်ပွဲ
ဝက်ဝက်ကွဲအောင် ဆင်တဲ့အခါ
အနုပညာရှင်များ ဆိုင်းဘုတ်အောက်က
အားမာန်ထုတ်ပြီး ငါကြွေးကြော်
အရေးတော်ပုံကြီးရဲ့ဒီရေအတွင်း
အလင်းသစ်အတွက် ငါ ပါခဲ့တယ်…။

ကဗျာဆရာများရဲ့စိမ်ခေါ်သံ
‘တိုက်ပွဲခေါ်သံ ကဗျာများ’
ပြည်သူကြားသို့ ဆက်တဲ့အခါ
ကဗျာနဲ့လည်း ငါ ပါတယ်…။

နဝတဆိုတဲ့ နေဝင်းတပ်
မတရားသတ်ဖြတ်ပြီး အတင်းတက်လာ
ဗမာပြည်ကြီး အမှောင်ကျ
မိုးမှောင်ညကြီး အလွန်ရှည်
ကြယ်ပွင့်လေးတွေက တဖျပ်ဖျပ်
ဝေဒနာအထပ်ထပ် ရင်မှာဆင့်
ရင်နင့်စရာ ဖြစ်ရချိန်မှာလည်း…
ပြည်သူ့သံဃာတော်မြတ်များရဲ့အာဘော်
အရေးတော်ပုံကြီးကို ဆက်ပြီးဆောင်
‘အလင်းရောင်’ နဲ့ ‘ဥတ္တမ’
သံဃာ့သမဂ္ဂီအတွက် ကဗျာများ
အနုပညာအားနဲ့ ငါဖြည့်စွမ်း
ကျရာအခန်းက ပါခဲ့တယ်…။

‘ရိုးမရေစီး’
‘ဒီရေစီး’ နဲ့
‘ဗဟိန်း’ နဲ့ ‘လယ်သမား’
တော်လှန်ရေးစာစောင်များရဲ့စာမျက်နှာ
စာကဗျာများစွာ ငါရေးဖွဲ့
အနုပညာနဲ့လည်း တာဝန်ကျေခဲ့တယ်…။

အရေးတော်ပုံကြီးရဲ့ဂုဏ်ရောင်ကို
ငါ့ကလောင်နဲ့ ရင့်ကျူးဖော်
‘၁၃၅ဝ ပြည့် အရေးတော်ပုံကြီး’ဆိုတဲ့ ကဗျာရှည်ကြီးတအုပ်
အားမာန်ထုတ်ပြီး သီကုံးရင်း
ပြည်သူအတွင်းသို့ အပ်နိုင်ခဲ့
အနုပညာသမားတယောက်ရဲ့ဘဝမှာ
အဲဒီကဗျာအတွက် ငါ ဂုဏ်ယူတယ်…။

နိုင်ငံတခုလုံးသို့ တိုင်တည်
‘မိခင်ဗမာပြည်’ဆိုတဲ့ ကဗျာတအုပ်
ခွပ်ဒေါင်းလေးများက ထုတ်ဝေခဲ့
အဲဒီကဗျာအတွက်လည်း ငါဂုဏ်ယူ
ငါ့ပြည်သူကို ပေးခဲ့တယ်…။

‘နဝတ စစ်အစိုးရ၏ လူ့အခွင့်အရေးချိုးဖောက်မှု’
ကမ္ဘာ့ကုလသမဂ္ဂ ပဋိဉာဉ်စာတမ်းကို ငါကိုးကား
အချက်အလက်များစွာနဲ့ ငါပြုစု
လူထုဘက်က စာတမ်းတစောင်
ညအမှောင်ရဲ့လှံစွပ်တွေအကြား
အမှန်တရားအတွက် တင်ပြခဲ့ဖူးတယ်…။

ငါ့ပြည်သူအတွက်
ထက်နိုင်သမျှ ထက်နေအောင်
ငါ့ကလောင်ကို ငါသွေးရင်း
သွေးနဲ့ခင်းတဲ့ လမ်းမပေါ်
ဖြတ်ကျော်ကာ ငါချီတက်
ငါ့လက်နက်ဟာ ငါ့ကလောင်
သည်မိုးမှောင်တုန်း မပုန်းလို…။

(၆)
ငါဟာ
ကလောင်တလက်ကို
သေနတ်တလက်ထက် ချစ်ခဲ့တယ်…။

ကဗျာတပိုဒ်ကို
အသပြာတသိုက်ထက် တန်ဖိုးထား
နှလုံးသားနဲ့ ချစ်ခဲ့တယ်…။

အနုပညာပစ္စည်း တမှုန်တစကို
ရတနာအသီးသီး တပုံတမထက် တန်ဖိုးထား
နှလုံးသားနဲ့ ချစ်ခဲ့တယ်…။

အဲဒီလို နှလုံးသားနဲ့
မွေးဖွားပြီး တည်ဆောက်
လူလားမြောက်လာခဲ့ရတဲ့ ငါ
အာဏာကို မမှန်းဆ
အသပြာကို မတမ်းတ
ဘာကမှ မဖြစ်ချင်
အနုပညာရင်ခွင်ဦးမှာ ငါခိုနား
အနုပညာပန်းခင်းကြားမှာ ငါရှင်သန်
အမိနိုင်ငံကိုပဲ ဂုဏ်တင့်စေချင်တယ်…။

(၇)
‘ဂေါ်ကီ’ဟာ
မဟာအောက်တိုဘာတော်လှန်ရေးကို
နှလုံးသွေးနဲ့ သူဖြည့်လောင်း
ကလောင်တချောင်းနဲ့ တပ်မှူးလုပ်
ရန်သူယုတ်များအပေါ် စစ်ပွဲဆင်ခဲ့တယ်…။

‘ချက်ကော့’ဟာ
နားကြပ်တစုံထက်
ကလောင်တလက်ကို ကိုင်စွဲပြီး
ပြည်သူများထဲက ရင်ခုန်သံ
နရီမှန်အောင် တိုင်းခဲ့တယ်…။

‘လူရွှန်း’ဟာ
ဆေးထိုးအပ်ကို ဘေးဖယ်ရှား
တရုတ်ပြည်သူများရဲ့ဝေဒနာ
ပျောက်စေရာ ပျောက်စေကြောင်း
ကလောင်တချောင်းနဲ့ ဆေးကုသ
ရောဂါအဝဝကို တိုက်ခဲ့တယ်…။

ဆရာကြီး သခင်ကိုယ်တော်မှိုင်းဟာ
ရိုင်းပြတဲ့ နယ်ချဲ့
ရက်စက်တဲ့ ဖက်ဆစ်
ညစ်ပတ်တဲ့ မျိုးဖျက်များအပေါ်
ခေါင်းမဖော်နိုင်အောင် ဒရကြမ်းနှက်
ပြည်သူ့အတွက်တော့ မေတ္တာလောင်း
ကလောင်တချောင်းနဲ့ အလံထူ
အညွန့်တလူလူနဲ့ ဇာတိမာန်
ပဲ့တင်ညံအောင် နှိုးဆော်သွေး
ကမ္ဘာ့ငြိမ်းချမ်းရေးအထိ ဆောင်ခဲ့တယ်…။

အဲဒီ…အဲဒီလို
လူ့ဘောင်ကို ချစ်မြတ်နိုး
ပြည်သူ့အကျိုးကို ထမ်းသယ်ဆောင်
ပြည်သူ့ကလောင်များရဲ့အနန္တအစွမ်း
ပီတိတလျှမ်းလျှမ်းနဲ့ ငါအားကျ
လေးစားလှစွာ ကြည်ညိုတယ်…။

“မိခင် ဂီတ ကဗျာ
အနုပညာကိုမှ မချစ်မြတ်နိုးတတ်တဲ့သူဟာ
တိုင်းပြည်နဲ့လူမျိုးအပေါ်လည်း
ချစ်တတ်လိမ့်မယ်မဟုတ်
ကျွန်ုပ် မယုံပါ…”တဲ့
‘ဆူဘတ်ချန္ဒြာဘို့စ်’ ရဲ့စကား
နှလုံးသားနဲ့ပါ ငါလက်ခံ
ဧဝကန်အဖြစ် ယုံကြည်တယ်…။

(၈)
ငါဟာ
လေးစားအပ်စရာ ဂုဏ်ဒြပ်နဲ့
သမိုင်းဆိုတဲ့ ဇာတ်ခုံပေါ်မှာ
သိပ်အရေးပါလှတဲ့ကောင်တော့ မဟုတ်ပါဘူး…။

ဒါပေမယ့်
နိုင်ငံရေးအပေါ်ထားတဲ့ ငါ့သစ္စာ
အနုပညာအပေါ်ထားတဲ့ ငါ့သစ္စာ
ရင်ထဲမှာ အစဉ်မပြတ်
“သိက္ခာနှစ်ထပ်နဲ့လူ ဟေ့”
ဘယ်သူ အသိအမှတ်ပြုပြု မပြုပြု
အမြဲဂရုပြုပြီး ခံယူထားပါတယ်…။ ။

-ဝင်းတင့်ထွန်း-
၁၂၊ ၅၊ ၁၉၉၁

Read More...